Ans 1950

../.. | Ans 1920 | Ans 1930 | Ans 1940 | Ans 1950 | Ans 1960 | Ans 1970 | Ans 1980 | ../..

Istòria

1950 : en Indochina, la victòria dei comunistas chinés permetèt au Vietminh de renfòràar sei posicions dins lo nòrd. Menaçadas d'isolament, lei garnisons francesas situadas lòng de la frontiera assaièron de se retirar. Pasmens, la màger part foguèt destrucha. Aquò entraïnèt lo mandadís de renfòrç per França e la guèrra venguèt pus intensa (→ 1951).
1951-1953 : en Indochina, lei Francés adoptèron una estrategia pus defensiva destinada a protegir lei zònas pobladas e economicament importantas. Aquò li permetèt d'enregistrar plusors succès defensius còntra lo Vietminh mai empediguèt pas la guerilha d'estendre son influéncia dins lei zònas ruralas de la mitat nòrd de Vietnam.

Drapèu dau Vietminh plantat sus una posicion francesa a l'eissida de la batalha de Dien Bien Phu.

1954 : en Indochina, batalha de Dien Bien Phu e capitulacion d'una garnison francesa dins lo nòrd de Vietnam. S'aquela desfacha cambiava pas lo rapòrt de fòrça, foguèt utilizada per lo govèrn francés per abandonar la region e assaiar de concentrar sei fòrças sus sei colonias d'Africa. L'Indochina Francesa foguèt donc devesida entre quatre estats novèus : Laos, Cambòtja, Vietnam dau Sud e Vietnam dau Nòrd. Dins lei fachs, la guèrra contunièt car lei guerilhas comunistas de Laos, de Cambòtja e, subretot, de Vietnam dau Sud èran maucontentadas de la formacion de govèrns desenant protegits per leis Estats Units.

Sciéncias e tecnicas

Article detalhat : Nívol d'Oort.

1950 : publicacion dau trabalh de l'astronòm neerlandés Jan Oort postulant l'existéncia d'una sèrva de cometas dins lei regions perifericas dau Sistèma Solar. Se Oort èra pas lo premier d'imaginar una tala estructura, sei recèrcas èran basadas sus l'estudi de la trajectòria de 46 cometas. Mostrèron l'existéncia possibla d'un ensemble de nuclèus de cometas a de distàncias estimadas entre 100 e 150 000 ua.
1952 : comercializacion dau premier antibiotic de la classa dei macrolids.
1956 : descubèrta de la vancomicina, un antibiotic poderós que permet de luchar còntra d'infeccions grèvas d'estafilocòcs ò de pneumocòcs.

Decès

• Hiram Bingham, explorator e òme politic estatsunidenc.
• Walther Bothe, fisician alemand.
• Jacques Edwin Brandenberger, quimista soís.
• Clinton Joseph Davisson, fisician estatsunidenc.
• Enrico Fermi, fisician italoestatsunidenc.
• Alexander Fleming, biologista escocés.
• Bedřich Hrozný, arqueològ chèc.
• Edwin Hubble, astronòm estatsunidenc.
• Thomas Jaggar, geològ e volcanològ estatsunidenc.
• Karl Jansky, fisician e engenhaire estatsunidenc.
• Frédéric Joliot-Curie, fisician francés.
• Irène Joliot-Curie, fisiciana francesa.
• Thorvald Madsen, mètge danés.
• Robert Andrews Millikan, fisician estatsunidenc.
• Thomas Hunt Morgan, biologista estatsunidenc.
• Wolfgang Pauli, fisician austrian.
• Frederick Soddy, fisician anglés.