Alsàcia

Alsàcia (en alsacian: Elsàss; en alemand estandard: das Elsass, vetuste Elsaß; en francés Alsace) es una region istorica e collectivitat territoriala de l'Èst de França. Èra la pus pichona region de la França metropolitana. L'INSEE li atribuïssiá lo còdi 42.

Alsàcia

Alsace (fr) Elsàss (gsw) Elsaß (de)
(Bandièra)
Administracion
Lenga oficiala	francés
• Autras lengas	alsacian welche francomtés
Geografia
48° 30′ N, 7° 30′ E
Estat França
Superfícia	8 280 km²
Altitud mejana	1 424 m
Fus orari	UTC+01:00 (ora estandard) UTC+02:00 (ora d'estiu)
Istòria
Pairinatge	Odila d'Alsàcia
Autras informacions
ISO 3166-2	FR-6AE

Annexada al Reialme de França en 1648, Alsàcia es una region tradicionalament de cultura e de lenga germanofònas. Gaudís conjuntament a Lorena d'una especificitat juridica eretada del sistèma napoleonian, conservant sobretot cèrtas leis abrogadas dins la rèsta de l'Estat francés.

Dins l'encastre de la reforma territoriala, la region de Champanha-Ardena fusionèt lo 1èr de genièr de 2016 amb las regions d'Alsàcia e de Lorena per formar una region administrativa nomenada provisòriament Alsàcia Champanha Ardena Lorena, puèi definitivament region de Grand Èst.

Istòria

La region d'Alsàcia es creada coma circonscripcion d'accion regionala lo 2 de junh de 1960. Ven un establiment public regional lo 5 de julhet de 1972. La «lei Deferre» (lei n°82-213 del 2 de març de 1982) ne fa una collectivitat territoriala de l'executiu elegit e parteja las competéncias entre l'Estat e las regions. Ven una collectivitat territoriala après las eleccions del 16 de març de 1986.

Conselh regional

Lo conselh regional aviá 47 conselhièrs (27 pel Bas Ren, 20 per l'Aut Ren).

Presidents

• 1973 - 1977 : André Bord (UDR)
• 1977 - 1980 : Pierre Schiélé (UDF)
• 1980 - 1996 : Marcel Rudloff (UDF)
• 1996 - 2009 : Adrien Zeller (UDF-UMP)
• 2009 - 2010 : André Reichardt (UMP)
• 2010 - 2015 : Philippe Richert (UMP)