Wikipèdia

Ku Klux Klan

Lo Ku Klux Klan, nomenat sovent pel sigle KKK o tanben lo Klan, es una organizacion supremacista blanca dels EUA fondada lo 24 de decembre de 1865.

Una ceremonia del Ku Klux Klan en 1922, amb sos Klansmen vestits de lors longas raubas blancas e lors capiròtas, auçant de croces enflamadas.

Classificada a la drecha extrèma de l'espèctre politic dels EUA, foguèt pas jamai un partit politic, mas una organizacion de defensa o de lobbying dels interesses e de prejutjats d'elements tradicionalistas, racistas e xenofòbs d'unes Blancs protestants, los White Anglo-Saxon Protestant (WASP - acronim en jòc de mots amb la vèspa) que se revendican coma una comunautat « etnicoreligiosa » e se pièja sus una revendicacion d'una « supremacia blanca » sus una interpretacion plan particulara d'un versèt del Libre de la Genèsi (Modèl:Réf Bible) (plan presenta dins la « Bible belt »)[1] e sus las doctrinas racistas de l'antropologia del sègle XIX[2].

Al sègle XXI, es una nebolosa d'organizacons mai o mens formalas e estructuradas, legalas o clandestinas, sovent rivalas entre elas. Quitament se demora un simbòl fòrt, es pasmens concurenciada uèi per d'organizacions amb un imatge mens arcaïc, coma los grops neonazis, mai obertament revolucionaris, o las milícias privadas d'autodefensa, mai comunautàrias e comunalistas.

Lo Ku Klux Klan presica esquematicament la supremacia de la « raça » blanca sus las autras « raças » — Negras (davalantas dels ancians esclaus), Asiaticas (imigrats chinenes e japoeses), Ispanicas (Mexicans, Cubans, Puertoricans e autres pòbles d'America latina), la comunautat araba e tanben l'antisemitisme, l'anticatolicisme (son visats, a l'origina, los immigrats catolics: Poloneses, Italians e Irlandeses), l'antiortodoxisme (los Levantins et Europèus orientals coma los Grècs, Romans, Iogoslaus, Russes o ucrainians…), l'anticomunisme e l'omofobia. Es d'en primièr conservator e xenofòb. Tanben, es fòrça anticentralista (fòrça ostil a çò que considèra coma de damatges de las autoritats federalas sulss drechs dels Estats) e puslèu isolacionista en politica estrangièra.

Lo Ku Klux Klan es d'en primièr eissit de la desfacha e de l'ocupacion dels onze Estats secessionistas de l'Union en 1860-1861 e membres dels Estats confederats d'America (CSA), territòri chafrat « Dixieland » per las tropas federalas e de la reaccion espontanèa dels elements mai actius de la populacion en fàcia dels excesses comeses per aquesta e subretot per lors collaborators civils.

Torna fòrça mai tard a l'escasença de la Primièra Guèrra mondiala, mas aqueste còp jos la forma d'una associacion legala e culturala, obèrta a totes los WASP, del Nòrd coma del Sud, volent defendre las valors que considèran coma fondamentalas de la « Nacion blanca » americana. Lo segond Ku Klux Klan desaparéis oficialament en 1944.

Lo Ku Klux Klan possedís son quartier general dins lo comtat de Boone, dins l'Arkansas, a 30 km al nòrd de Harrison, lo sèti del comtat, qu'es tanben considerat per fòrça mèdias coma la vila mai racista dels EUA. Son actual líder es Thomas Robb.

Etimologia modificar

Lo nom « Ku Klux Klan » ven del mot grèc kuklos, que significa cercle e tanben donèt cuculla. Es un dels fondators, James R. Crowe, qu'aguèt l'idèa de destriar lo mot en dos e de cambiar la fin, çò que dona Ku Klux (del latin lux (lutz)). Coma los fondators an d'aujòls escosseses, un autre fondator, John C. Lester, prepausa d'apondre lo mot clan a la fin, remplaçant lo C per un K, de biais a uniformizar la primièra letra dels tres mots[3].

Una autra ipotèsi es qu'aqueste nom es una referéncia a una celèbra fraternitat de Carolina du Nòrd, Kuklos Adelphon, l'organizacion supremacista manlevant sos rites a aquesta sociatat[4].

Istoric modificar

Començaments modificar

La creacion del Ku Klux Klan es a l'origina una consequéncia dirècta de la desfacha de las tropas confederadas contra los unionistas (Yankees) a la fin de la guèrra de Secession e s'inscrich pendent un periòde violent de l'istòri dels EUA amb l'assassinat du president Abraham Lincoln en 1865, los chaples dels negres a Memphis e La Nòva Orleans en 1866 e la procedura de destitucion del president Andrew Johnson de 1867 a 1868.

Lo Ku Klux Klan es fondat dins la nuèch del 24 al 25 de decembre de 1865, per siès joves oficièrs sudistas desocupats (J. Calvin Jones, Frank O. McCord, Richard R. Reed, John B. Kennedy, John C. Lester, James R. Crowe) abitant la vila de Pulaski, dins lo Tennessee. En 1867, George Gordon redigís lo Prescript[5], tèxte fondator del primièr Klan, amb John Calvin Brown, e son edicion revisada en 1868[6]. D'assags son faches per crear una estructura anant dels grops locals dins los comtats fins a una organizacion nacionala. Un questionari de sometre als novèls membres abanç admission es realizat, per verificar l'adequacion de las idèas del candidat amb aquestas del Klan, subretot sus la superioritat dels drechs dels Blancs sus aquestes dels Negres. Pasmens, las estructuras localas demoran autonòmas, e pas cap d'estructura intermediària al nivèl dels Estats o dels districtes se realiza.

L'associacion s'inspira a l'origina de las fraternitats d'estudiants, tradicion americana venguda d'Euròpe e subretot de las universitats britanicas e alemandas, d'ont l'utilizacion de tèrmes grècs e d'un ritual parodic de las lòtjas maçonicas. Unes autors especialistas coma Walter Lynwood Fleming e Susan Lawrence Davis assagèron de far lo ligam entre lo Klan e la francmaçonariá[7]. En efièch, lo cap maçonic Albert Pike auriá ocupat un reng naut al sen del KKK[8],[9].

Mai, lo tèrme kadosh es un manlèu al lengatge de l'esoterisme, de l'ocultisme de las societats secrètas[10].

Primièr Klan o « Klan primitiu » modificar

 
Nathan Bedford Forrest, lo primièr Grand Masc del Ku Klux Klan.

Pauc a pauc, lo Ku Klux Klan ven sempre mai important e cerca a s'estructurar amb l'ajuda mai o mens obèrta de notables civils o militars de l'anciana confederacion sudista. Lo Klan se transformarà en una armada secrèta de resisténcia del Sud.

Es atal que Nathan Bedford Forrest, un ancian general de cavalariá de l'armada confederada, es causit coma cap e organizaire en 1867. Forrest prend ara lo contraròtle de l'organizacion en proclamant une constitucion, que fixa los objectius e foncionament del Ku Klux Klan. Pasmens que se definissent coma una « institucion cavalierosa, umanitària, misericordiosa e patriotica », se fixa coma « objectiu sacrat » lo « manten de la supremacia de la raça blanca dins aquesta republica », e aquò per de metòdes contradisent sovent aquestas valors. Un organigrame es creat, amb al cap lo primièr « Grand Masc del Ku Klux Klan ». Aqueste ròtle ven en 1867 al quite Forrest que vòl far del KKK una fòrça influenta sus la scèna politica.

La victòria dels nordistas a diferentas consequéncias: lo manten dels ancians Estats confederats de 1860 dins l'Union, l'abolicion de l'esclavatge, l'economia rurala del Sud roïnada. Lo Klan s'opausa a la lei recentas qu'acòrdan als Negres de drechs mai pròches d'aquestes dels Blancs que de per abans. La volontat de daissar als abitants del sud una autonomia politica al vejaire de l'Estat federal es un subjècte important qu'utiliza lo Klan. Lo Ku Klux Klan vol aver un impacte sul resultat de las eleccions. Fasiá influéncia de totas menas de mejans: intimidacion, pression e corrupcion per impausar sos candidats al sen del partit democrata, puèi per los far trionfar a las eleccions per las institucions dels Estats secessionistas. Per exemple, dins lo comtat de Columbia, a l'eleccion d'abril de 1868, 1222 personas votèron pel candidat republican al pòste de governaire de Georgia, mas solament una sola pel candidat Ulysses S. Grant a l'eleccion presidenciala de novembre.

 
Dessenh paregut dins lo Harper's Magazine d'octobre de 1874 criticant l'alliança de la White League e del Ku Klux Klan contra la reconstruccion del Sud.

Per çòfar, Forrest percor lo país per i far de reünions. Caduna de sas aparicions serà seguida d'una èrça de violéncia contra los Negres. Los membres del KKK se ronçan dis lors ostals per los foetar o quitament lo tuar lo penjant als arbres. De femnas prensas son estripadas e d'òmes castrats. Los Blancs que costejan o ensenhan los Negres son tanben tocats pel Ku Klux Klan coma los carpetbaggers.

Anticipant una reaccion oficiala pasmens tardièra de las autoritats de Washington e passada per l'amplor de sa creatcion, Forrest dissòlv oficialament lo Klan en 1869 que ven l'« empèri invisible dels Cavalièrs del Ku Klux Klan » segon sa denominacion intèrna[11].

Après de l'assassinat lo 18 de mai de 1870, del senator republicain John W. Stephens plen tribunal e a la violéncia creissanta dels klanistas, lo govèrn federal reagís oficialament contra aquesta organizacion terrorista. Atal lo 20 d'abril de 1871, la lei Ku Klux (The Klan Act) es votada al Congrès dels EUA per abolir lo Ku Klux Klan[12]. Lo President dels EUA de l'epòca, lo general Ulysses S. Grant, instigator de la lei Ku Klux, declara la lei marciala dins 9 comtats de Carolina del Sud. De milièrs de membres del KKK son arrestats. Gaireben totes son liberats, fauta de pròvas. Mas lo Ku Klux Klan coma organizacion activa desaparéis lèu. Es oficialament interdit en 1877[13].

Gaireben totas las institucions dels ancians Estats confederats son alara ja tornat jol contraròtle dels sudistas. Lo principi de la segregacion raciala s'impausèt, e tanben dins los Estats del Nòrd, confrontats a una emigracion importanta dels ancians esclaus, ara sens trabalh, cap als grands centres industrials.

D'autras organizacions coma la White League o Shot Gun foguèron alara creadas per d'ancians membres del Klan. Continuèron de menar de campanhas de linchatge e de terror, mas aguèron pas l'importança e l'influéncia del Ku Klux Klan original.

Segond Ku Klux Klan o « Klan modèrne » (1915-1944) modificar

 
William J. Simmons, fondateor del segond Ku Klux Klan.

Es lo libre The Clansman (L'Òme del Clan) de Thomas Dixon paregut en 1906, mas subretot son adaptacion al cinèma per David Wark Griffith dins son film The Birth of a Nation sortida en 1915, que marca la renaissença del KKK. Aquesta es subretot l'òbra de William Joseph Simmons. Aqueste darrièr se servís de la popularitat del film e de son partit pres pel Klan e los sudistas per reünir unas personas e relançar lo Klan. Inaugurarà la renaissença del Klan al suc de la Stone Mountain, en Georgia.

A l'epòca e alara que s'engatjavan dins la Primièra Guèrra mondiala jol cap d'un president progressista, Woodrow Wilson, mas sudista e partisan de la reconeissença de la liura determinacion dels pòbles pel drech public internacional (tèsi que justifica la secession a posteriori e condamna atal paradoxalament Abraham Lincoln e invalida l'arrèst de la Cort suprèma sus la perpetuitat de l'Union), los Americains blancs de totes los Estats an la sensacion pel primièr còp de constituir una nacion veraia centrada a l'entorn de las valors dels paires fondators: autodeterminacion, libertat d'entrepresa, individualisme e respècte absolut de la proprietat.

Lo segond Ku Klux Klan serà donc plan diferent del primièr, pasmens se volgava combatre tanben per « supremacia de la raça blanca ». Mas coma los Blancs sentisson pas pus menaçats per aquò, apondon ara aquestas problematica lo rebut de la novèla imigracion non « nòrdeuropèa » e non protestanta e la preservacion de las valors que considèra coma que los Paires fondators incarnèron. Lo Ku Klux Klan novèl es pas pus unicament una organizacion nacuda de la desfacha sudista: es ara parfièchament legal, bobèrt a tots los Americans blancs, protestants e conservators; capita a transcendar los ancians partiments partisans e regionalistas e cerca a amassar totes los Americans « autentics » que veson coma d'influéncias permissivas endogènas o vengudas de l'estrangièr las novèlas tendéncias de la societat (comunisme, sindicalisme revolucionari, socialisme, feminisme, ateïsme, catolicisme, crime organizat, liberalizacion de las mòrs…). Unas (raras) personalitats religiosas li balhan una caution veire un sosten actiu, coma la metodista Alma Bridwell White, primièra femna evesca dels EUA.

Discrètament patronejat pel president Wilson, puèi per sos successors, lo movement pren un vam considerable en unas annadas e concernís plan mai que lo Vièlh Sud. Aparéis coma una fraternitat de massa, e n'èsser membre es considerat coma una marca de patriotisme. A la mitat de las annadas 1920, los membres del segond Ku Klux Klan son estimats a cinc milions[14]. Lèu, ven una fòrça politica influenta amb que los òmes politics devon comptar. Lo quartièr general del segond Ku Klux Klan s'installa a Washington. De paradas gigantèscas son alara organizadas dins la capitala.

Sos membres contunhan de percaçar los Negres, los imigrants, los catolics, los Josieus e totes aquestes que los costejan e que los ajudan. Unes son marcats al fèrre des tres letras del Ku Klux Klan, d'autres son untats de quitran en bolh puèi cobèrts de plumas coma de pols e las campanhas de linchatge a las brancas dels arbres contunhan. Totas aquestas accions violentas fan pèrdre lo sosten d'unes responsables politics. La Loïsiana vòta una lei interdisent de se mascar la cara en fòra d'unas fèstas, coma lo Dimarç gras. D'autres Estats seguèron l'accion de la Loïsiana. Lo president Harding agís contra los linchatges autorizant lo FBI a intervenir. Lo Ku Klux Klan es oficialament interdit en 1928.

 
Membres du Ku Klux Klan desfilant sus la Pennsilvània Avenue a Washington DC en 1928.

Mai, un cèrt nombre d'afars criminals tòcan la corrupcion dels dirigents, pichons o grands, d'una organizacion que fòrta de son ancoratge territorial se compòrta coma la màfia dels Wasp. Totas aquestas rasons e tanben la crisi de 1929 aflaquisson l'organizacion que ne contraròtla pas mens un cèrt nombre de vòtes necessaris per l'obténer de l'investitura democrata. Ongan foguèt creada una Comission de las activitats antiamericanas de la Cambra dels Representants, per lutar contra lo Klu Klux Klan.

Quitament una seccion femna existís dins lo Ku Klux Klan pendent las annadas 1910-1920, lo WKKK[15].

De membres del Ku Klux Klan s'associan dins las annadas 1920 e 1930 a de milìcias patronalas per reprimir de caumas e agressar de sindicalistas[16].

Des dissensions al sen del Klan naisson a l'apròche de la guèrra. La pujada del nazisme en Alemanha atrach la simpatiá d'unes membres. Unes ligams serán quitament creats, mas tot s'aclapa après l'ataca de Pearl Harbor per l'aviacion japonesa. Fòrça membres del Klan s'engatjan per partir en guèrra contre le Japon. L'Allemanha nazia, aliada del Japon, es designada coma un enemic, los ligams qu'avián tescut de membres se copan.

La causida de Harry S. Truman, ancian simpatisant del Klan, coma lo vicepresident per Franklin Roosevelt en 1944 foguèt sovent interpretat coma un apèl al electors del sud. Quitament s'es democrata conservator, Truman foguèt pasmens un dels mai fèrmes sostens de la politica sociala de Roosevelt coma representant del Missorí, plan fòrça tocat per la crisi economica. Tanben permetèt als Afroamericaans de venir oficièrs dins l'armada prendent son segon mandat[17].

Lo segond Ku Klux Klan desaparéis oficialament en 1944 après falhida sa per Evans a causa delx impòts impagats dempuèi 1920 que s'auçavan a 685000 dolars e reclamats pel Servici de las contribucions dirèctas.

Gropusculs modificar

 
Crotz enflamada pendent d'una reünion del KKK en 1987 dins lo comtat de Jackson (Ohio).

Après la Segonda Guèrra mondiala, fòrça ensagèron far renàicer un tresen còp lo Ku Klux Klan. Tornarà a vegada un reviscol d'unes gropusculs pendent d'eveniments coma la lei contra la segregacion dins las annadas 1950 e 1960. De grops quitament s'assajaràn a l'anticomunisme, mas sens capitar; lo Ku Klux Klan, tal qu'èra de per abans, existís pas pus. En 1978, comptava unes 10 000 membres, mas los efectius son en fòrta diminction.

Lo Ku Klux Klan es tanben associat a d'autres movements de la drecha extrèma americana, coma Aryan Nations, WASP, The Order, o Posse Comitatus (organisation), e canadiana, coma los Orangistas[18].

Le Ku Klux Klan existís ara dins fòrça organizacions encara activas als EUA, destraidas dins diferents Estats o respondent a de doctrinas particularas, unas contenon pas qu'una desena de membres alara que d'autres ne son que de veraias organizacions.

Segon las annadas 1990, èra estimat a 3000 lo nombre de membres d'un grop se referissent au Ku Klux Klan, mais un rapòrt nacional de l'Anti-Defamation League publicat en febrier de 2007[19] estima que lo mombre aumentèt dempuèi 2000. Seriá de 80000 de membres destriats dins 179 seccions, e s'organiza amb diferents movements boneheads (skinheads nazis) dins d'accions militantas (organizacion d'acamps, campanhas de recrutament, distribucions de tracts e de panflets racistas)[20] o encora la distribucion de noiridura e de vestits per d'Americans blancs desprovesits. Segon las sections, los objectius divergisson (anant de presicar lo poder als sols Blancs a une posicion de « fiertat blanca »), unes ambicionant de crear de fòrças paramilitàrias per defendre los Blancs fàcia als imigrants e a l'ultraliberalisme.

Los mai importants gropusculs son:

  • Bayou Knights of the Ku Klux Klan, agisson al Tèxas, en Oklahoma, en Loïsiana e dins d'autras zonas elu sud dels EUA;
  • Church of the American Knights of the Ku Klux Klan;
  • Imperial Klans of America;
  • Knights of the White Kamelia;
  • Knights of the Ku Klux Klan, dirigit pel director nacional pastor Thomas Robb, e basat a Zinc, Arkansas. Considderada coma mai granda organizacion portant lo nom Ku Klux Klan als EUA, se considèra d'esperela coma la « seisena zona del Klan » e contunha d'èsser un grop racista.

Al Canadà modificar

Quitament s'es subretot present als EUA, lo Ku Klux Klan s'exportèt al Canadà, coma als Saskatchewan. Ten un ròtle a la fin de las annadas 1930, mas coma als EUA, ven anecdotic. D'autras organizacions protestantas, subretot l'Associacion leiala d'Orange del Canadà, tanben aguèron de rapòrt prigonds amb lo Ku Klux Klan[21],[22],.

Cultura modificar

 
Simbòl del Ku Klux Klan, sovent cordurat suls costums dels membres del Klan.

Tot un folclòre es creat a l'entorn del Ku Klux Klan: les membres pòrtan una capucha o cagola blanca ponchuda sus la tèsta e una granda rauba assortida sul còrs. Los cavals son a vegada desguisat d'aqueste biais. Lors primièras « cavalgadas » an per objectiu de terrorizar los Negres: fan creire a aquestes darrièrs, alara mancan d'instruccion e fòrça supersticioses, que son los fantaumas dels soldats confederats mòrts al combat e venguts se venjar. Aquestes costums son copiats dels capiròtas portats pels processionaris espanhòls. La celebritat del Klan essent venguda plan superiora a aquesta dels processionaris espanhòls, los costums d'aquestes darrièrs son a vegada mal percebuts.

Una legenda urbana afirma que lo cigaretièr Marlboro apatent al Ku Klux Klan. Se pièja per aquò sus la pauca semblança del logo de Marlboro, quand se lo fa pivotar de 90º, a un K fortament estilizat, qu'aparesiá dins tres luòcs suls ancians paquets, mas la rumor est infondada[23].

Grade e ierarquia modificar

Una ierarquia e los grades que ne venon son establits, pendent de cereminias amb de colors de raubas diferentas:

  • Klansman: simple membre del Ku Klux Klan (rauba de color blanca tradicionala)
  • Nighthawk: responsable de la seguretat (rauba de color negra)
  • Chaplain: presicaire (rauba blanca amb una echarpa roja)
  • Exalted Cyclops o Klavern: responsable d'una vila (rauba negra amb una echarpa roja e quatre cabrions roge su las margas)
  • Klaliff: assistant dels Exalted Cyclops o lor segond (rauba de color Aur)
  • Titan: responsable d'una larga zona equivalent a un districte (rauba blanca e escharpa verda e quatre cabrions vert sus las margas)
  • Kludd : responsable al delà d'un cèrt nombre de Klavern (rauba blanca e escharpa color porpra e quatre cabrions porpre sus las margas)
  • Kleagle: director de las relacions publicas e encargat del recrutament dels Chaplains et Cyclops (robe de couleur rouge)
  • Grand Dragon: responsable d'un Estat (equivalent a un governaire) (rauba de color verta)
  • Imperial Wizard o Grand Wizard: le reng mai important del Ku Klux Klan (rauba de color porpre)[24]

Analisi socioistorica modificar

Se l'organizacion nacionala se dissòlv volontàriament, complètament discreditada après la guèrra, benlèu a l'instigacion del quita Truman quen se ne partejava sas idèas, s'èra lèu destriat d'una organizacion que desaprovava las accions illegalas e inoportunas subretot après los excès del nazisme, las estructuras de base demoran e es a ela qu'aurà a far lo movement dels drechs civics de las annadas 1960.

Lo Klan verai es pas faissista o nazi, quitament se pòt entretenir de ligams amb de partits se reclamant d'aquestas doctrinas, las tendéncias socialisantas, centralistas e autocraticas d'aquestes movements quitament li serián antagonistas per principi. Pasmens, es pròche ideologicament de las milícias, comitats de vigiléncia, grops antifederalistas, antifiscalistas o conspirationistas.

Mai, es pas un partit mas puslèu un « ret » compausat d'una multitud de cellulas gaireben independentas las unas de las autras dempuèi la ofensivas de l'FBI dins las annadas 1960-1970 que lo menèron a la discrecion, lo partiment, la mesa en sòm « oficial », lo recors a de pichonas estructuras informalas de recrutament restrench, es a dire a un mena de retorn a l'origina e a la clandestinitat, las estructuras oficialas e los membres declarats e repertoriats essent sovent pas qu'un paravent volontàriament « brusent ».

Lo Klan representa lo quita fons de la drecha racista e provinciala americana, sas raices perlongan d'un biais dins lo còr de l'alma del país, de son istòria e de sa societat. Es fòrça mai ara una tradicion, una legenda o una referéncia culturala qu'una veraia organizacion. Pòt per aquesta rason èsser combatut institucionalament pas qu'en superfícia, essent sempre prèst a tornar amb sovent d'òmes novèls se las raices que menèron a son aparicion dins l'istòria an pas desaparegut o tornan o se las escasenças venon de nòu favorablas.

Lo Klan es conservator e racista. Vòl pas la revolucion, mas lo retorn a l'òrdre constitucional de las annadas 1950 fondat sus la segregacion, qu'èra al prètz d'aquesta segregacion que los sudistas avián acceptat lor desfacha, la fin de l'esclavatge e la pèrda de lor influéncia economica al benefici del Nòrd.

Son programa se resuma dins la frasa qu'auriá dich lo general Forrest: « Devètz assegurar la supremacia de la raça blanca dins aquesta Republica ».

Pendent la campanha presidenciala americana de 2016, de membres eminents del Ku Klux Klan coma son ancian patron David Duke, prenon lo partit de Donald Trump e lo felicitan per sa victòria, donant una dimension mai politica a lor organizacion[25]. Son filh Eric reagís, el, declarant que David Duke meritava « que se li tire dessús », apondent a subjècte dels membres del movement supremacista de David Duke: « Son pas de bonas personas, quitament son de personas òrres »[26].

Nòtas e referéncias modificar

  1. ↑ Dans l'interprétation du verset Modèl:Réf Bible sur laquelle s'appuient les doctrines racistes, les Blancs descendent de Japhet, fils préféré de Noé, et les Noirs de Cham, le maudit, dont la descendance est vouée à l'esclavage ; naturellement tout mélange est à proscrire.
  2. ↑ Anthropologie du sègle XIX : voir notamment Cesare Lombroso.
  3. ↑ Error en títol o url..
  4. ↑ (en) Chester L. Quarles, The Ku Klux Klan and Related American Racialist and Antisemitic Organizations: A History and Analysis, McFarland, , p. 32.
  5. ↑ Ku Klux Klan (1915- ), Prescript of the * * [order of the Ku-Klux klan], [Pulaski? Tenn., n.p.], (lire en ligne).
  6. ↑ (en) J. Michael Martinez, Carpetbaggers, Cavalry, and the Ku Klux Klan: Exposing the Invisible Empire During Reconstruction, Rowman & Littlefield Publishers, , 286 p. (ISBN 978-0-7425-5078-0).
  7. ↑ Voir Authentic History, Ku Klux Klan, 1865-1877, Susan Lawrence Davis, S. L. Davis, 1924.
  8. ↑ Voir page 27 in Ku Klux Klan: Its Origin, Growth and Disbandment, John C. Lester, Daniel Love Wilson et Walter Lynwood Fleming, Neale Publishing, 1905 qui soutient que « General Albert Pike, who stood high in the Masonic order, was the chief judicial officer of the Klan ».
  9. ↑ p. 20 in A Chronology and Glossary of Propaganda in the United States, Richard Alan Nelson, Greenwood Press, 1996 : « (…) Ku Klux Klan is founded in Nashville, Tennessee, by General Albert Pike and others as a secret society (…) ».
  10. ↑ Voir page 483-488 sur le titre 'kadosh' dans la franc-maçonnerie et autres sociétés in Le Grand Manuel de Franc-maçonnerie, Geoffray d'A, Éditions Initiatis, 2007, ISBN 978-2-9529420-0-3Error d'escript : lo modul « check isxn » existís pas.
  11. ↑ Vegas Tenold, « Les âmes noires du Ku Klux Klan », Le Figaro Magazine, semaine du Modèl:Date-, pages 42-50.
  12. ↑ Jean-Michel Lacroix, Histoire des États-Unis, Paris, Presses universitaires de France, 2007 (2°éd.) (ISBN 978-2-13-056074-6), p. 261.
  13. ↑ Christian Delacampagne, Histoire de l'esclavage. De l'Antiquité à nos jours, Paris, Le livre de poche, (ISBN 2-253-90593-3), p. 254.
  14. ↑ Christian Delacampagne, Histoire de l'esclavage. De l'Antiquité à nos jours, Paris, Le livre de poche, (ISBN 2-253-90593-3), p. 257.
  15. ↑ Aude Lorriaux, « À la recherche des "feminazies", ces féministes vraiment nazies », slate.fr, 23 septembre 2015.
  16. ↑  {{{títol}}}. 
  17. ↑ Christian Delacampagne, Histoire de l'esclavage. De l'Antiquité à nos jours, Paris, Le livre de poche, (ISBN 2-253-90593-3), p. 259.
  18. ↑ « Booze » : when whiskey ruled the West, Macmillan of Canada, 1972, de James H. Gray du Winnipeg Free Press.
  19. ↑ (en) The Ku Klux Klan Today PDF , adl.org.
  20. ↑ Le Ku Klux Klan reprend du poil de la bête, dans le Courrier international.
  21. ↑ Error en títol o url..
  22. ↑ Petite histoire du mouvement orangiste canadien, par Pierre-Luc Bégin, Les Éditions du Québécois, 2008, 200 p. ISBN 2-923365-22-4Error d'escript : lo modul « check isxn » existís pas..
  23. ↑ (en) Welcom to Marlboro KKKountry, snopes.com.
  24. ↑ (en) [1].
  25. ↑ « Les membres du Ku Klux Klan se réjouissent de la victoire de Trump », Zinfos 974, l'info de l'ile de La Réunion,‎ (lire en ligne).
  26. ↑ Jade Toussay, « Électeur de Donald Trump, David Duke, l'ex-patron du Ku Klux Klan, est ravi du résultat de l'élection présidentielle », huffingtsonpost.fr, Modèl:Date-.

Annèxes modificar

Bibliografia modificar

  • Farid Ameur, Le Ku Klux Klan, Paris, Larousse, 2009 (Pluriel, 2016)
  • William Randell, Le Ku Klux Klan, Albin Michel, 1966
  • (en) Michael Newton, The Ku Klux Klan: History, Organization, Language, Influence and Activities of America's Most Notorious Secret Society, McFarland & Company, 2006
  • (en) Wyn Craig Wade, The Fiery Cross: The Ku Klux Klan in America, Oxford University Press, 1998
  • Roger Martin, Amerikkka : voyage dans l'internationale néo-fasciste, Paris, Calmann-Lévy, 1995
  • (en) Allen W. Trelease, White Terror: The Ku Klux Klan Conspiracy and Southern Reconstruction, Louisiana State University Press, 1995
  • (en) Ezra Asher Cook, Ku Klux Klan secrets exposed: Attitude toward Jews, Catholics, foreigners, and Masons : fraudulent methods used : atrocities committed in name of order PDF , 1922
  • (en) Roland Fryer et Steven Levitt, « Hatred and Profits: Under the Hood of the Ku Klux Klan », Quarterly Journal of Economics, vol. 127, no 4,‎ , p. 1883-1925 (DOI 10.1093/qje/qjs028)

Articles connèxes modificar

Ligams extèrnes modificar

Recuperada de « https://oc.wikipedia.org/w/index.php?title=Ku_Klux_Klan&oldid=2343116 »