George Orwell

George Orwell, nascut Eric Arthur Blair (25 de junh de 1903 - 21 de genièr de 1950), foguèt un escrivan, jornalista e ensaista britanic. Las soas òbras se caracterizan per une pròsa lucida, una critica sociala agusada, una oposicion al totalitarisme e un sosten dobèrt al socialisme democratic.

George Orwell
Nom de naissença	(en) Eric Arthur Blair
Naissença	25 de junh de 1903, Motihari, Bihar, Índia
Decès	21 de genièr de 1950, Londres, Anglatèrra
Genre	Distopia, roman de clau, satira
Òbras
Homage to Catalonia (1938) Animal Farm (1945) 1984 (1949)
Rets socialas

Coma escrivan, Orwell produguèt de la critica literària e de la poèsia, de la ficcion e de jornalisme polemic; e es mai que mai conegut pel roman allegoric Animal Farm (1945) e lo roman distopic Nineteen Eighty-Four (1949). Sas òbras non romanescas, especialament The Road to Wigan Pier (1937), que documenta son experiéncia de la vida de la classa obrièra dins lo nòrd d'Anglatèrra, e Homage to Catalonia (1938), un compte rendut de sas experiéncias de soldat per la faccion republicana de La Guèrra Civila Espanhòla (1936–1939) es tant respectat coma sos ensages sus la politica e la literatura, la lenga e la cultura. En 2008, The Times classèt George Orwell segond entre "Los 50 pus grands escrivans britannics dempuèi 1945". Sos trabalhs son estat largament difusats pel departament de recerca d'informacion, al qual mandèt la lista d'Orwell.

Lo trabalh d'Orwell demòra influent dins la cultura populara e dins la cultura politica, e l'adjectiu «orwellian» - descrivant las practicas socialas totalitàrias e autoritàrias - es passat dins lo lengatge corrent dins mai d'una lengas, coma per exemple lo neologismes Big Brother.

Òbras

Novèlas

• 1934: Burmese Days
• 1935: A Clergyman's Daughter
• 1936: Keep the Aspidistra Flying
• 1939: Coming Up for Air
• 1945: Animal Farm
• 1949: Nineteen Eighty-Four. Existeish una version occitana en çò de Letras d'Òc en 2021 deval del calam e de l'engenh de Felip Biu.

Racontes non ficcionals

• 1933: Down and Out in Paris and London
• 1937: The Road to Wigan Pier
• 1938: Homage to Catalonia