Contengut recomandat del jorn

Romanilha

Josèp Romanilha (Sant Romieg, 8 d’avost de 1818 - 24 de mai de 1891) foguèt un escrivan provençau, professor de Frederic Mistral e fondador amb eu dau Felibritge. Foguèt tanben lo segond capolier d’aquela organizacion.

Naissut dins una familha paura de jardiniers e ainat de sèt enfants, recebèt una educacion classica au collègi de Tarascon per èsser mai tard curat. Chausiguèt pasmens un autre camin e prenguèt una plaça de mèstre d'estudis (susvelhant) dins un pensionat privat de Niom ont trabalhèt lo provençau amb de collègas trobaires. Frederic Mistral foguèt un de seis escolans (quand lo pensionat s'installèt a Avinhon) e Romanilha foguèt un dei premiers a descubrir e encoratjar sei talents literaris en provençau.

Tre sa fondacion, foguèt una personalitat centrala dau Felibritge ont impausèt sa vision sus l’ortografia; conservator e catolic afogat, foguèt un important rivau de Teodòr Aubanèu. Grand contaire, faguèt mai qu’inspirar Anfós Daudet que son òbra es pauc mai qu’una traduccion au francés dei còntes de Romanilha (incompleta puèi que, per exemple, en mai dau curat, lo legeire provençau coneis lo mètge de Cucunhan).

Actualitats

Manifestants pel clima a Sydney.

• 11 de genièr: après la mòrt dau soudan Qaboos, son cosin Haitham ven soudan d’Oman.
• 6 de genièr: David Kabua es elegit president de las Illas Marshall.
• 1èr de genièr de 2020: Simonetta Sommaruga ven presidenta de Soïssa.
• 1èr d'octobre de 2019: Luca Boschi e Mariella Mularoni venon capitanis regents de Sant Marin.
• 20 de setembre: De caumas mondialas pel clima an agut luòc dins mai de 150 païses del mond dins l'encastre de las Caumas pel Clima (imatge).
• Agost: L'Institut brasilièr per la recèrca espaciala anóncia mai de 75 000 incèndis dins lo país dempuèi genièr, qu'al mens 40 000 pertòcan Amazonia.
• 4 e 5 de julhet: Dos tèrratrems an agut luòc pròche de la vila de Riverside, en Califòrnia, als Estats Units, de magnituds respectivas de 6,4 e 7,1 sus l'Escala de Richter.
• 26 de mai: eleccions localas en Aran e Piemont, e europèas en Occitània.