Imre Nagy

Imre Nagy (7 de junh de 1896, Kaposvar - 16 de junh de 1958, Budapèst) es un òme politic ongrés.

Imre Nagy en 1945.

Eissit d'una familha de païsans, participèt a la Premiera Guèrra Mondiala e venguèt marxista en 1918. Participèt ansin au govèrn comunista de Bela Kun en 1919 e se refugièt en URSS après la repression dau movement revolucionari ongrés. S'entornèt en 1944. Nomat cap dau govèrn en 1953, èra partisan d'una liberalizacion de l'economia e foguèt excluch dau Comitat Centrau e dau Partit en 1955-1956. Pasmens, venguèt tornarmai cap dau govèrn durant l'insureccion de Budapèst en octòbre-novembre de 1956. Se prononcièt alora en favor d'un socialisme pus uman, dau retirament dei tropas sovieticas estacionadas en Ongria e de la proclamacion de la neutralitat d'Ongria. Aquò entraïnèt una violenta reaccion de l'URSS que reprimiguèt l'insureccion ongresa. Nagy foguèt arrestat, condamnat a mòrt e executat. Foguèt reabilitat en 1989.

Liames intèrnes

• Insureccion Ongresa de 1956.