Sinclair Lewis
Harry Sinclair Lewis (1885-1951) foguèt un escrivan e autor de teatre american. Recebèt lo Prèmi Nobel de Literatura en 1930.
| Sinclair Lewis | |
| imatge:Lewis-Sinclair-LOC.jpg | |
| Nom de naissença | (en) Harry Sinclair Lewis  |
|---|---|
| Naissença | 7 de febrièr de 1885, Sauk Centre, Minnesòta, Estats Units |
| Decès | 10 de genièr de 1951, Roma, Itàlia |
| Ocupacion | escrivan |
| Prèmis | |
| Prèmi Nobel de Literatura en 1930 | |
modificar  |
|
Biografia
modificarNasquèt lo 7 de febrièr de 1885 dins la vila de Sauk Centre, situada dins l'estat nòrd-american de Minnesòta. Dempuèi tot jove aimava la lectura, e lèu lèu comencèt a escriure un jornal. A 13 ans capitèt afugir l'ostal dels parents, per s'enrotlar coma tambor de l'armada dins la Guèrra ispanoamericana. En 1908 foguèt diplomat de l'Universitat de Yale, e comencèt la siá carrièra en escrivent de poesias romanticas, seguida de roman sus dònas e cavalièrs. Lo sieu primièr libre publicat foguèt Hike and the Aeroplane (Hike e l'avion), que pareguèt en 1912 jol pseudonim de Tom Graham. L'an 1921 comptava ja amb sièis romans publicats.
En 1928 se maridèt amb la jornalista Dorothy Thompson, considerada coma una de las femnas pus influentas del sègle XX als Estats Units d'America.
Lewis moriguèt lo 10 de genièr de 1951 dins la vila de Roma (Itàlia) pels efièches de l'alcolisme.
Òbra literària
modificarLas siás òbras mòstran la siá vision critica de la societat nòrd-americana e de las valors capitalistas.
Unas de las siás òbras mai famosas son Main Street (1920) e Babbitt (1922). En 1926 li foguèt concedit lo Prèmi Pulitzer per la siá òbra Arrowsmith, un prèmi que refusèt. Lo succès li tornèt a arribèt amb Elmer Gantry, l'istòria d'un evangelista oportunista e charlatan, òbra enebida a Boston e dins autras vilas dels Estats Units, censura que li arribèt posteriorament tanben amb las siás òbras Main Street, Babbitt, Kingsblood Royal e Cass Timberlane.
Lewis viatgèt fòrça pendent lo decènni de 1920, en prenent contacte amb d'autras artistas dins lo quartièr de Montparnasse de París, ont foguèt fotografiat per Man Ray. La siá darrièra granda òbra foguèt It Can't Happen Here ("Aquò se pòt pas passar aquí", 1935), una ficcion especulativa sus l' eleccion d'un president faissista als Estats Units.
