Filadèlfa de Gerda
Filadèlfa de Gerda, deth sué nom vertadèr Clàudia Deuclòs (francizat en 'Claude Duclos'), (Baniòs, Baronias, 21 de març de 1871 - Gerda, 22 d'agost de 1952) qu'ei ua grana poetessa Bigordana.
Que deu eth sué nom ath vilatge de Gerda, a costat deth lòc dera sua neishensa, on a viscut e d'on era sua familha èra originària. Aqueth enrasigament ens Pirenèus pregonds que va marcar era sua òbra. Que comencè de hèr rimas ar atge de 15 ans e qu'ei era que hè botar, ena tuta de Massavielha a Lorda, era inscripcion en occitan dera frasa atribuida ara verge Maria: Que soy era immaculada councepciou ('Que sòi era immaculada concepcion').
