Wikipèdia

Majoritat d'edat

La majoritat d'edat o majoritat legala o encara simplament majoritat es l'edat quand un individú es juridicament considerat coma civilament capable e responsable, es a dire mai que tot l'edat a partir de quand es capable de s'engatjar per los ligams d'un contrate o d'un autre acte juridic (levat excepcion).

Abans aquela data, l'individú es dich « minor d'edat ». Un minor pòt èsser proprietari o èsser engatjat pels ligams d'un contrate, mas pòdon pas dispausar liurament de sa proprietat ni en principi s'engatjar sol (levat s'es emancipat). Pasmens, per adaptar l'estatut a la progression de la maturitat de l'individú, un mecanisme es prepausat e aplicat dins qualques païses, la premajoritat, donent parcialament las possibilitas de s'engatjar sol.

Segon los epòcas, l'autoritat del minor foguèt exercida pel paire de familha o pels parents (ensems o non). En l'abséncia de parent, un tutor pòt èsser atribuit al minor, qu'a per ròtle d'aparar ls intereses de l'enfant.

Lo minor es dich civilament « irresponsable ». Aquel concèpte es distincte de l’irresponsabilitat penala. Tanben, la majoritat d'edat se la deu distingar de la nubilitat (edat minimal per se maridar), majoritat matrimoniala (edat minim per se maridar sens le consentiment dels parents), de la majoritat sexuala, del drech de vòte, de l'edat legal per la consomacion d'alcoòl, de l'edat prealable per obtenir de de perme (de caçar, de conduire...) o encara per intrar l'armada.

  • En França, la majoritat d'edat es fixada a 18 ans dempuèi lo 5 de julhet de 1974; abans èra fixada a 21 ans dempuèi 1792.
  • En espanha, La Constitucion de 1978 establís a l'article 12 la majoritat d'edat a 18 ans
  • En Itàlia, après la lei n. 39 del 8 de març de 1975, la majotitat d'edat passèt de 21 a 18 ans.

Majoritat e drech de vòte modificar

I a pas necessàriament de ligam entre la majoritat d'edat e lo drech de vòte, qu'es un drech politic.

En França, l'eadt de la majoritat d'edat, aquel del drech de vòte e aquel d'èsser eligible coïncidan dempuèi 2011 (levat per èsser elegit senator)[1].

Al contrari, en Àustria, es possible d'exercir son drech de vòte dos ans abans d'èsser major d'edat.

En Itàlia, es impossible de se presentar a une eleccion pedent los sèt ans seguent la majorité d'edat.

Istòria del concèpte de majoritat d'edat modificar

Lo drech roman distingava los minors ((la) impuberes) dels majors (puberes). Se las filhas arribavan a la majoritat a 12 ans e los mascles a 14 ans, obtenent atal una capacitat plena e entièra, una proteccion particulara èra pasmens assegurada al major fins a l'edat de 25 ans. En drech germanic, l'edat de la majoritat dependava de la maturitat individuala, variava de 10 a 18 ans. Tornent a la nocion de pubertat del drech roman comun per determinar la capacitat matrimoniala, lo drech ecclesiastic determinava pro largament l'edat de majoritat d'edat. Quin que siá son edat, un jove residissent dins l'ostal dels paires èra somés a la los autoritat. E mai, las femnas jamai arribavan a la majoritat d'edat: passavan de l'autoritat de lor paire cap a aquela de l'espós.

Majoritat civila per país modificar

L'edat de la majoritat varia dins lo mond de 15 a 21 ans. Una granda partida dels païses opta per la majoritat a 18 ans.

Notas e referéncias modificar

  1. ↑ article LO127 du code électoral, Légifrance
  2. ↑ Age of Majority in Canada : Definition of Age of Majority in Canada

Vejatz tanben modificar

Articles connèxes modificar

Ligams extèrne modificar

Recuperada de « https://oc.wikipedia.org/w/index.php?title=Majoritat_d%27edat&oldid=1952425 »