Turcmenistan (en turcmèn: Türkmenistan, prononciat [tʏɾkmønʏˈθːɑːn][3]), ocasionalament la Republica de Turcmenistan (en turcmèn: Türkmenistan Respublikas), es un país d'Asia sens accès a la mar. Confronta Cazacstan e Ozbequistan al nòrd, Afganistan a l'èst, Iran al sud e la mar Caspiana a l'oèst. Sa capitala n'es Ashgabat e lo gentilici es turcmèn -a.

Infotaula d'entitat administrativaTurcmenistan
Türkmenistan Respublikasi (tk)
Türkmenistan (tk) Modifica el valor a Wikidata
lang=oc
Modifica el valor a Wikidata
ImneHimne nacional de Turkmenistan (ca) Traduire Modifica el valor a Wikidata
Modifica el valor a Wikidata
Nom oficialTürkmenistan (tk)[1] Modifica el valor a Wikidata
EntitatEstat sobeiran Modifica el valor a Wikidata
Administracion
CapitalaAshgabat Modifica el valor a Wikidata
Lenga oficialaTurcmèn Modifica el valor a Wikidata
Politica
Fòrma de govèrnrepublica e Sistèma presidencial Modifica el valor a Wikidata
 • President Modifica el valor a WikidataSerdar Berdimuhamedow Modifica el valor a Wikidata
Organ legislatiuConselh Nacional e Assemblada de Turcmenistan Modifica el valor a Wikidata
Membre deOrganizacion de las Nacions Unidas Modifica el valor a Wikidata
Geografia
Modifica el valor a Wikidata
Carte
Coordenadas39° N, 60° E
Superfícia491 210 km² Modifica el valor a Wikidata
Percentatge d'aiga4,9 % Modifica el valor a Wikidata
Limitròf ambCazacstan
Afganistan
Ozbequistan
Iran Modifica el valor a Wikidata
Punt mai basDepression de Toran (−81 m) Modifica el valor a Wikidata
Punt culminantAýrybaba (3 139 m) Modifica el valor a Wikidata
Fus orariUTC+05:00
Asia/Ashgabat [2] Modifica el valor a Wikidata
Demografia
 • Totala6 117 933 Modifica el valor a Wikidata ab. (2021 Modifica el valor a Wikidata)
 • Densitat12,45 ab./km²
Economia
Monedamanat turcmèn Modifica el valor a Wikidata
Istòria
AnteriorUnion de las Republicas Socialistas Sovieticas Modifica el valor a Wikidata
Autras informacions
Indicatiu telefonic+993 Modifica el valor a Wikidata
Domeni Internet.tm Modifica el valor a Wikidata

Sit webturkmenistan.gov.tm
turkmenistan.gov.tm… Modifica el valor a Wikidata

Geografia modificar

 
Mapa de Turcmenistan en vista de satellit.

Turcmenistan a una superfícia de 488 100 km², que 90% ne son cobèrts pel desèrt del Karakum.

Los rius principals son Amodarià, Atrek e Murgab. En lo que tanh a la còsta turcmèna que possedís sus la mar Caspiana, es plana a la mitat septentrionala e escarpada al centre e al sud. A la part septentrionala i a la baia de Türkmenbaşy, la peninsula del meteis nom e lo gòlf de Garabogazköl, ocupat per una granda palun d'aiga salada. Entre aquel gòlf e lo mar d'Aral se tròba lo lac Sariqamish, apertenent al Turcmenistan e Ozbequistan.

Lo clima es subtropical desertic, amb pauca pluèja. Los vents i son cauds e secs, e la màger part de la precipitacion se concentra entre genièr e mai. La pluèja annala en Turcmenistan es inferiora als 200 mm. Existisson de menudas zònas de bòsc dins las tèrras nautas del SO e SE.

Clima modificar

 
Clima de Turcmenistan segon la classificacion de Köppen

Lo clima de Turcmenistan es de tipe eissuch e continentau amb pauc de precipitacions. Leis estius son fòrça cauds (fins a 50 °C dins lo Desèrt de Karakom) e leis ivèrns moderats. Lei precipitacions varia entre 100 e 350 mm en causa de la preséncia de montanhas au sud que blòcan lei massas d'èr umidas en provenància de l'Ocean Indian. De vents, sovent portaires d'arena, bofan regularament dempuei lo nòrd e l'èst.

Istòria modificar

Lo periòde precoloniau modificar

Lei Turcmèns son un pòble nomada turc originari de l'estèpa eurasiatica. Dich Turcoman, aqueu pòble migrèt vèrs lo sud-oèst de la Mar d'Aral a partir de la fin dau sègle X. Puei, una partida dei tribüs turcomans contunièt vèrs l'oèst onte son a l'origina dei Turcs d'Anatolia e d'Azerbaitjan. Certanei Turcomans demorats en Asia Centrala comencèron de se sedentarizar lentament a partir dau sègle XVI en causa de l'ariditat creissenta. Ansin, au començament dau sègle XIX, la region de Kopet Dag, l'oasís de Merv e la vau d'Amodarià èran poblats per de comunautats turcmèns sedentarizadas. Pasmens, lei Turcmèns nomadas contuniavan de menar d'incursions còntra lei pòbles vesins e d'alimentar lei mercats d'esclaus de Khiva ò de Bukharà.

Lei periòdes rus e sovietic modificar

Lo periòde rus modificar

 
Expansion russa en Asia entre 1725 e 1914.

Establits en 1870 a Krasnovodsk lòng dau litorau sud-èst de la Mar Caspiana, lei Rus comencèron la conquista dau territòri turcmèn en 1877. Se turtèron a una resisténcia acarnada e subiguèron una revirada sevèra en 1879. Pasmens, dos ans pus tard, la tribü dei Tekke que menava la resisténcia, subiguèt a son torn una desfacha saunosa au sètge de Gök Tepe. Grèvament afeblits, lei Turcmèns foguèron alora pauc a pauc obligats de se sometre ai Rus : Merv capitulèt sensa combatre en 1884 e lei darriers combats importants s'acabèron en 1885.

La conquista russa accelerèt la sedentarizacion dei Turcmèns e entraïnèt un desvolopament fòrça importanta de la produccion de coton. Leis autoritats novèlas favorizèron tanben la difusion d'un islam pus ortodòx per remplaçar lo sofisme qu'aviá animat la resisténcia turcmèna.

Lo Turcmenistan Sovietic modificar

 
Asia Centrala Sovietica en 1936.

Durant la Guèrra Civila Russa, lei Turcmèns assaièron de restaurar son independéncia. En julhet de 1918, una insureccion permetèt de prendre lo contraròtle d'Ashkhabad ai Bolchevics e d'i installar un govèrn independentista. Sostengut per de tropas britanicas, foguèt finalament reversat per l'Armada Roja au començament de 1920.

En 1924, foguèt creada una Republica Socialista Sovietica de Turcmenistan a partir dau territòri turcmèn tradicionau e de regions eissidas dei Khanats de Khiva e de Bukharà. Pasmens, a respèct deis autrei republicas sovieticas d'Asia Centrala, la RSS de Turcmenistan aguèt una demografia relativament omogenèa ambé solament quauquei minoritats ozbècas lòng de sa frontiera orientala, russas dins lei vilas e cazacas dins lei regions occidentalas.

Lo periòde sovietic foguèt marcat per la collectivizacion fòrça que causèt la fugida de desenaus de milièrs de Turcmèns en 1928 e per lo cavament dau Canau de Karakum que permet d'aigar lei regions deserticas dau país. Dins aquò, la societat turcmèna gardèt de trachs culturaus pròpris, especialament de solidaritats tribalas fòrtas, maugrat l'adopcion progressiva d'un estile de vida pus europèu.

Dins lo corrent dau procès de dissolucion de l'URSS, lei Turcmèns, fòrça dependants dei subsidis de l'Union, votèron en favor de son mantenement lo 17 de març de 1991 (aperaquí 98% dei sufragis exprimits). Saparmurat Niyazov, cap dau partit comunista turcmèn dempuei 1985, sostenguèt lo còp d'estat còntra Mikhaïl Gorbachov. Puei, proclamèt l'independéncia de Turcmenistan en octòbre de 1991.

Lo Turcmenistan independent modificar

Dempuei 1991, Turcmenistan es dirigit per un regime autocratic, corromput e fòrça autoritari. Saparmurat Niyazov ne foguèt lo cap fins a sa mòrt en 2006. Subrenomat Turkmenbachi (« Paire dei Turcmèns » en occitan), publiquèt un libre en 1999 que sa conóissença es obligatòria per intrar a l'universitat. Diplomaticament neutre, assaièt de demenir la dependéncia de son país a respèct de Russia, accelerèt lo desvolopament de l'industria dau gas naturau que sei revenguts permèton d'assegurar una certana redistribucion dei richessas au sen de la populacion. Pasmens, Ashgabat se turta a son isolament entre Russia, Iran e Afganistan e au problema diplomatic de l'estatut de la Mar Caspiana qu'empacha la construccion d'un oleoducte vèrs Turquia.

Après la disparicion de Saparmurat Niyazov, lo decan dau govèrn, Gurbanguly Berdimuhamedow, lo remplacèt. Mantèn en plaça lo regime en despiech de l'adopcion de mesuras destinadas a crear una vida democratica de façada coma la creacion de partits politics « d'oposicion » organizada per lo poder.

Politica modificar

Economia modificar

Article detalhat: Economia de Turcmenistan.

Demografia modificar

La populacion, d'aperaquí 4,5 milions d'abitants, se dividís en 77% de turcmèns, 9,2% d'ozbècs e 6,7% de russes, del temps que los tatars, los alemands e d'autras comptan amb 5%. La lenga oficiala e tanben majoritària es lo turcmèn, qu'es parlat per 72% de la populacion, seguida pel rus, principalament dins las vilas, amb 12%, e l'ozbèc, qu'es la lenga de 9%. Existís tanben una diversitat de religions, doncas que se plan 89% son musulman e 9% son de membres de la Glèisa Ortodòxa Russa, la rèsta apertenon a de minoritats pichonas, e qualques unas d'elas, coma los Testimònis de Jehovà, patisson la manca de libertat religiosa.

Cultura modificar

Nòtas e referéncias modificar

 

Wikimedia Commons prepausa de documents multimèdia liures sus Turcmenistan.

  1. Afirmat dins: Gemeinsame Normdatei. Identificant GND: 4061255-7. Lenga: alemand. Data de consulta: 15 de març de 2024. Autor: Bibliotèca Nacionala d'Alemanha.
  2. URL de la referéncia: https://data.iana.org/time-zones/tzdb-2021e/asia.
  3. Clark, Larry. Turkmen Reference Grammar. Wiesbaden: Harrassowitz Verlag, 1998, p. 50.