Winston Churchill

Winston Churchill
Foncions
primièr ministre del Reialme Unit
26 d'octobre de 1951 – 7 d'abril de 1955
Predecessor	Clement Attlee
Successor	Anthony Eden
10 de mai de 1940 – 27 de julhet de 1945
Predecessor	Neville Chamberlain
Successor	Clement Attlee
Biografia
Data de naissença	30 de novembre de 1874
Luòc de naissença	Woodstock, Oxfordshire, Anglatèrra

Winston Leonard Spencer Churchill (Blenheim, 30 de novembre de 1874 – Londres, 24 de genièr de 1965), foguèt òme politic, autor e primièr ministre del Reialme Unit entre 1940 e 1945 quora menèt la Grand Bretanha a la victòria durant la Segonda Guèrra Mondiala, e entre 1951 e 1955. Recebèt lo Prèmi Nobel de Literatura en 1953.

Deputat durant la majora part de sa carrièra politica, longa de près de seisenta ans, començada e acabada als costats del Partit conservator, malgrat un intermèdi crucial al Partit liberal ; ocupèt tanben des pòstes ministerials pendant près de trente ans. Abans la Primièra Guèrra mondiala, foguèt ministre del comèrci, secretari del Home Office e Primièr Lòrd de l'Amirautat del govèrn liberal d'Herbert Henry Asquith. Participèt a la creacion de las premières leis socialas de son país e a un movement visant a restrénher l'importància de la Cambra dels Lòrds, dos elements que li valguèron une fòrta inimitat de la part dels conservators. Demorèt dins aquela foncion fins a la desfacha britanica de la batalha dels Dardanèls, que ne foguèt tengut per responsable, e que provoquèt son eviccion del govèrn. Blanquit d'aquelas accusacions per una comission d'enquesta parlamentària, foguèt rapelat coma ministre de l'Armament, secretari d'Estat a la Guèrra e secretari d'Estat de l'aire per David Lloyd George, alara Primièr ministre.

Durant l'entre doas guèrras, daissèt lo Partit libéral e tornèt al Partit conservator, abans de venir cancelièr de l'Escaquièr (es a dire ministre de las finanças). Churchill metet lèu lèu en garda contra l'arribada al poder d'Adolf Hitler en Alemanha e de son rearmament, mas foguèt pas que pauc escotat. Après l'esclatament de la Segonda Guèrra Mondiala, Churchill tornèt èsser primièr lord de l'Amirautat. Après la demission de Neville Chamberlain lo 10 de mai de 1940, Churchill venguèt primièr ministre del Reialme Unit. Organizèt las fòrças armadas britanicas e menèt lo país a la victòria contre las Poténcias de l'Ais. Sos discorses e sas paraulas marquèron lo pòble britanic e los aliats.

Bibliografia e fonts

• {{{títol}}}. ISBN 978-2-26203-374-3. OCLC 813593292. 
• {{{títol}}}. ISBN 978-2-21360-449-7. OCLC 997430604. 

Ligams extèrnes

• (en) Associacion per la memòria de Winston Churchill
• (en) Discors "We shall fight on the beaches", Cambra de las Comunas, 4 de junh de 1940

Precedit per Neville Chamberlain (1937 a 1940) Clement Attlee (1945 a 1951)

Primièr ministre del Reialme Unit 1940 a 1945 1951 a 1955

Seguit per Clement Attlee (1945 a 1951) Anthony Eden (1955 a 1957)

Precedit de : François Mauriac

Prèmi Nobel de Literatura 1953

Seguit de : Ernest Hemingway