Constantinòble (del latin: Constantinopolis, adaptacion del grèc ancian: Κωνσταντινούπολις = Kōnstantinoúpolis, valent a dire "Vila de Constantin", en turc abans 1930: قسطنطينيه, Kostantîniyye) es lo nom que portèt la vila actuala d'Istambol entre 330 ap. JC e 1930 ap. JC., quand èra una de las capitalas de l'Empèri Roman tardiu puèi la capitala de l'Empèri Bizantin, puèi, après 1453, de l'Empèri Otoman.

Abans 330 ap. JC se disiá Bizanci. Los tres noms son de còps mesclats dins l'usatge: aital l'Empèri Roman d'Orient se ditz Empèri Bizantin.

En occitan e dins la màger part de las lengas del Mond, la vila a pres lo nom general d'Istambol en 1930 en seguida d'una decision de l'estat turc (en turc: İstanbul), mas lo nom de Constantinòble contunha de s'utilizar dins l'usatge de la Glèisa Ortodòxa, que ten son sèti internacional dins aquela vila. Atal se parla del "Patriarca de Constantinòble". (En lenga grèga, per contra, lo nom de Κωνσταντινούπολη = Kōnstantinoúpolī rèsta lo sol que s'emplega per totes los usatges modèrnes.)

Lo gentilici es constantinopolitan -a[1].

Toponimia modificar

En occitan ancian—mai probablament lo gascon ancian de Santonge—lo nom es atestat Constantinobple[2].

  1. http://toscanoreinat.chez-alice.fr/DICO_AK.pdf
  2.  Tote listoire de France: (Chronique saintongeaise), p. 61.