Admiral Graf Spee
L’Admiral Graf Spee èra un cuirassat alemand de la Kriegsmarine. Darrier vaissèu de la classa Deutschland, èra un naviri relativament leugier (11 700 t) e dotat d'un armament intermediari (canon de 280 mm) en causa dei limits impausats a la marina militara alemanda per lo tractat de Versalhas. Pasmens, aviá de sistèmas optics eficaç qu'autorizavan un tir precís a 27 km e dispausava de dos idravions per realizar de missions de reconoissença.
Au començament de la guèrra, èra plaçat sota lo comandament d'Hans Langsdorff e foguèt cargat de menar d'accions de corsaris còntra lei naviris marchands aliats dins lo sud de l'ocean Atlantic. Cercat per una esquadra britanica de 23 naviris, destruguèt quauquei cargos, mai foguèt trobat au larg d'Uruguai lo 13 de decembre de 1939. Après un combat, se refugièt dins lo pòrt de Montevideo. Leis autoritats localas li permetèron de realizar de reparacions, mai en acòrdi amb lei convencions internacionalas, refusèron de li permetre de demorar mai de 48 oras dins lo país. Per defugir una captura ò una destruccion, Langsdorff ordonèt son sabordatge.
Liames intèrnes
modificarBibliografia
modificar- (fr) Alexis Amziev, La Bataille de l'Atlantique, Vernoy/Idégraf, 1980, 249 p.