Neil Armstrong
|
Neil Alden Armstrong | |
|---|---|
 | |
| Naissença | 5 d'agost de 1930 Wapakoneta (Ohio) |
| Decès | 25 d'agost de 2012 |
| País d'origina | |
| Nacionalitat | |
| Profession | pilòt d'ensages, astronauta |
| Occupacion | |
| Luòc de trabalh | |
| Distincions | Recebèt la Medalha de l'Aire e doas Estelas Dauradas |
Neil Alden Armstrong (nascut lo 5 d'agost de 1930, mòrt lo 25 d'agost de 2012) foguèt pilòt d'ensages, astronauta e subretot lo primièr èsser uman que pausèt lo pè e caminèt sus la Luna.
Armstrong nasquèt a ras de Wapakoneta, Ohio, e faguèt son servici pendent la Guèrra de Corèa. En 1950, foguèt enviat en Corèa ont volèt sus 78 missions de combat dempuèi lo pòrtaavions USS Essex dins un Grumman F9F Panther. Recebèt la Medalha de l'Aire e doas Estelas Dauradas. Anèt a l'Universitat de Purdue ont se diplomèt en engenhariá aeronautica en 1955. Estudièt mai tard un mastèr d'engenhariá aeroespaciala a l'Universitat de Califòrnia del sud.
Armstrong venguèt alara pilòt d'ensages de la NACA (National Advisory Committee for Aeronautics), l'entitat predecessora de la NASA a l'estacion de vòl de nauta velocitat del Centre de Recèrca de Vol Dryden, situat sus la basa de las fòrças aerianas d'Edwards en Califòrnia. Armstrong realizèt un total de sèt vòls dins lo prototipe North American X-15, e atenguèt una nautor de 207 500 pès (mai de 63 km) e de velocitats Mach 5,74 (mai de 7000 km/h) dins lo X-15-1. Partiguèt del Centre de Recèrca de Vòl amb un total de 2450 oras de vòl dins mai de 50 menas d'aeronaus.
De 1960 a 1962 trabalhèt coma pilòt dins lo programa de planaire orbital X-20 Dyna-Soar.
Aprèp lo seu viatge, demorèt a l'escart de la vida publica, refusant las entrevistas, aviá decidit de signar pas mai d'autografs, escandalizat pel trafic provocat a causa de las importantas somas d'argent promesas.
Al començament d'agost de 2012, Neil Armstrong foguèt operat del còr. Lo 25 del meteis mes, aprèp de complicacions cardiovasculàrias dugudas a aquela operacion, moriguèt a l'edat de 82 ans.
