Un missil balistic es un missil capable de mandar de cargas militaras sus una trajectòria balistica, es a dire unicament influenciada per la gravitat e la velocitat comunicada per una fasa d'acceleracion iniciala. Aqueu tipe de missil a sovent una portada importanta e es destinat a tirar d'ogivas nuclearas. Son apareguts durant la Segonda Guèrra Mondiala amb lo missil V-2 desvolopat per Alemanha. Se generalizèron au començament de la Guèrra Freja dins lo quadre de la dissuasion nucleara. Pasmens, de modèls dotats d'una carga convencionala foguèron tanben desvolopats. De concepcion pus simpla, permèton de prolongar l'accion de l'artilhariá gràcias a una portada superiora.

Tir d'un missil balistic intercontinentau Titan II a partir d'un silo.

Lo foncionament de basa d'un missil balistics es organizat a l'entorn de tres fasas :

  • una fasa d'acceleracion realizada amb de motors poderós permet de comunicar una velocitat iniciala auta au missil. L'objectiu es de sortir lo missil dei jaç dens de l'atmosfèra per aumentar sa portada.
  • una fasa balistica onte lo missil es generalament somés a la gravitat.
  • una fasa d'intrada deis ogivas dins l'atmosfèra.

Lei missils balistics son uei una arma frequenta car la màger part dei poissanças regionalas ne'n dispausan. Dins aquò, sa concepcion e son desvolopament demòran l'apanatge dei país tecnologicament avançats.

Liames intèrnes modificar

Bibliografia modificar

Nòtas e referéncias modificar