Vauverd

Vila d'Occitània

Vauverd (Vauvert en francés) es una comuna lengadociana situada dins lo departament de Gard e la region d'Occitània, ancianament de Lengadòc-Rosselhon.

Vauverd Vauvert
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La comuna de Vauverd.
Armas
Geografia fisica
Coordenadas	43° 41′ 39″ N, 4° 16′ 37″ E
Superfícia	109,86 km²
Altituds  · Maximala  · Mejana  · Minimala	97 m 30 m 0 m
Geografia politica
País	Lengadòc
Estat	França
Region 76	Occitània , ancianament de Lengadòc-Rosselhon
Departament 30	Gard
Arrondiment 302	Nimes
Canton 3037	Vauvert
Intercom 243000593	Comunautat de comunas de Pichòta Camarga
Cònsol	Jean Denat (2015-2020)
Geografia umana
Populacion Populacion totala (2018)	11 633 ab. Evolucion de la populacion 11 753 ab.
Densitat	101,9 ab./km²
Autras informacions
Gentilici	vauverdés, vauverdesa
Còde INSEE	30341

Geografia

La vila es situada a 20km de Nimes e 35 km de Montpelhièr, entre la Pichòta Camarga e la Costiera de Nimes. Lei comunas limitròfas son: Aigas Mòrtas, Bèuvesin, Lo Cailar, Lei Santei Marias de la Mar, Sant Geli, Sent Laurenç de Gosa e Vestric e Candiac

Toponimia

Las atestacions ancianas son, per luòc:

• Vauverd - Poscheriæ en 1151; Vallis-Viridis en 1308; Posqueriæ en 1384; Vallis-Viridis en 1384; Ecclesia de Posqueriis en 1386; Vauvert en 1435; Locus de Posqueriis, alias de Valle-Viridi en 1462; Vallis-Viridis en 1528; Nostre-Dame de Valvert ; Vauvert en 1555; Vauvert, viguerie d'Eymargues en 1582.

• Anglars (fr Anglas) - Angulares en 1123; Agglas en 1125; Anglars en 1146; Anglarium en 1517; Mas-d'Anglas en 1726

• Nòstra Dama d'Anglars (nom probable; fr Notre-Dame-d'Anglas ) - Beata-Maria de Anglata en 1102

• Sent Beneset d'Anglars (nom probable; fr Saint-Benoît-d'Anglas ) - Sanctus-Benedictus de Anglars en 1102; Duas ecclesias de Anglars en 1149

• La Torre d'Anglars (nom probable; fr La Tour d'Anglas) - Tour d'Anglas (La) en 1726

Istòria

Pòrta de Sant Geli, basa de l’actuala torre dau relòtge

Sonada Posquiera a l'Edat Mejana, la ciutat conoissèt un grand renom. La ciutat e son castèu èran bastits subre lo pueg dich uèi lo Castelàs. Lo site èra ja ocupat a l'Antiquitat e de vestigis d'una villa romana i foguèron descubèrt. Las originas dau fèu de Posquiera se situan benlèu ai sègles VI^en o VII^en. Lo premier document escrit fisable que menciona l'existéncia de Rostang 1^er , senhor de Posquièra, data de 1066. A Posquièra viviá una comunitat jusieva relativament importanta. Lei jusieus s'installèron progressivament vèrs lo sègle VIII^en e sa populacion creissèt en 1140 amb l'exili dei jusieus andalós fugissent lei secutaments almoads. En 1165, lo viatjaire jusieu, Benjamin de Tudèla, estimava aquesta populacion a 40 familhas, çò que pòt representar aperaquí 200 a 250 abitants. Au sègle XIII^en, la comunitat posquèt comptar entrò 400 abitants, siá una estimacion d’un terç de la populacion dau vilatge. A Posquiera, lei jusieus vivián dins lo quartièr situat subre lei pendís sud e sud-èst de la còla, en defòra dei muralhas dau castèu. Plusors noms de carrieras atestan d'aquela preséncia de la comunitat jusieva a Posquièra vengut Vauverd : la carriera dei jusieus, la carriera dei Bonets carrats. Un tròç d'un dei pilars de la sinagòga foguèt trapat dins la cor de l'ostau ont se trapava l'edifici religiós. Lei jusieus foguèron caçats en 1306 per Felip lo Bèl e migrèron vèrs Tarascon, puèi vèrs lo Comtat Venaicin (Avinhon) qu'èra una tèrra papala. Rabad de Posquiera e son fiu Isaac lo Cèc desvolopèron dins son acadèmia rabinica sei conoissenças e comentaris subre la cabala jusieva.

Administracion

Lista deus cònsols successius

Periòde		Identitat	Etiqueta	Qualitat
27 d'abril de 2015		Jean Denat	PS	Professor de tecnologia
27 d'octobre de 2014	abril de 2015	Katy Guyot	PS
abril de 2014	octobre de 2014	Jean Denat	PS	Professor de tecnologia
2002	2014	Gérard Gayaud	UMP
1989	2002	Guy Roca	PS
1983	1989	Pierre André	RPR
1979	1983	Albert Richard	PS
1945	1979	Robert Gourdon	SFIO puèi PS
1944	1945	Émile Guigou	SFIO
Totas las donadas non son pas encara conegudas.

Demografia

Evolucion demografica Populacion comunala actuala (2013): 11195, totala: 11378
1962	1968	1975	1982	1990	1999	2006	2007	2008
				Cercar	Cercar	10 853	11 138	11 247 11 404
2009	2010
11 030 11 225	11 023 11 220
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Personalitats ligadas amb la comuna

• Abraam ben David de Posquiera, (Rabad de Posquiera) (1120-1197), rabin e filosòf dau sègle XII^en.
• Loís Josep de Montcalm, que lo castèt natal se trapa a la dintada de la vila dins la comuna vesina de Vestric e Candiac. Moriguèt en 1759 durant lo sètge de la vila de Quebèc
• Jacme Meisonet, escrivan occitan (1792-1859)
• Jean Denat, conse, president del Conselh general de Gard (2014-2015)