Region francesa

(Redirigit dempuèi Regions francesas)

L’estat francés es devesit en 19 regions (en francés, régions), que 13 son situadas en la França Metropolitana (una es l’illa de Corsega, de l’estatut especial), e 5 son de collectivitats d’otramar. Cada region de la part europèa de l’estat es tanben subdevesida en departaments. Cinc regions son totalament o en partida situadas en Occitània.

Departaments e regions de França metropolitana en 2017.

Lista de las regions presentasModificar

Còde
INSEE
Region Populacion
(2019)
Populacion
occitana
Còde
NUTS-2
Còde
ISO 3166-2
Departaments Arrondiments Comunas
44 Grand Èst 5 556 219 0 FRF FR-GES 10 43 5192
75 Nòva Aquitània 6 010 289 3 572 127 FRI FR-NAQ 12 41 4505
84 Auvèrnhe Ròse Aups 8 042 936 2 157 770 FRK FR-ARA 12 39 4189
27 Borgonha Franca Comtat 2 805 580 0 FRC FR-BFC 8 24 3831
53 Bretanha 3 354 854 0 FRH FR-BRE 4 15 1270
24 Centre e Vau de Léger 2 573 180 17 136 FRB FR-CVL 5 20 1842
94 Corsega 340 440 0 FRM FR-COR 2 5 360
01 Guadalope 384 239 0 FRY1 FR-GP 1 2 32
03 Guaiana 281 678 0 FRY3 FR-GF 1 2 22
11 Illa de França 12 262 544 0 FR1 FR-IDF 8 25 1281
76 Occitanie 5 933 185 5 460 418 FRJ FR-OCC 13 36 4565
06 Maiòta 256 518 0 FRY5 FR-YT 1 1 17
02 Martinica 364 508 0 FRY2 FR-MQ 1 4 34
32 Nauts de França 6 004 947 0 FRE FR-HDF 5 26 3838
28 Normandia 3 325 032 0 FRD FR-NOR 5 17 3232
52 Païses de Léger 3 806 461 0 FRG FR-PDL 5 17 1502
93 Provença-Aups-Còsta d'Azur 5 081 101 5 081 101 FRL FR-PAC 6 18 963
04 Reünion 861 210 0 FRY4 FR-RE 1 4 24

IstòriaModificar

La region es a l’origina una division administrativa que recampa un cèrt nombre de servicis de l’Estat. Los primièrs assages de recampar de departaments datan de las annadas 1920. En 1941, l'Estat francés crèa de prefèctes de region. De 1944 a 1946, de comissaris regionals de la Republica reprenon la foncion. Al mièg de las annadas 1950, de regions son creadas, mas lor establiment efectiu se fa en 1960. A partir de 1982, la descentralizacion fa de las regions de collectivitats localas amb divèrsas competéncias.

CronologiaModificar

  • La lei del 19 d'abril de 1941 crèa 18 prefecturas regionalas. Los limits regionals tenon compte de la linha de demarcacion.
  • La lei del 23 d'abril de 1941 definís lo ròtle dels prefèctes regionals dins lo manten de l'òrdre
  • La lei del 25 d'agost de 1941 definís lo ròtle dels prefèctes regionals dins l'economia
  • A la prima de 1944 lo govèrn provisòri crèa de comissaris regionals de la Republica
  • En 1946, los comissaris regionals son suprimits
  • Lo decret n°60-516 del 2 de junh de 1960 crèa 21 circonscripcions d'accion regionalas.
  • Lo decret n°70-18 del 12 de genièr de 1970 dessepara la circonscripcion de Provença-Còsta d'Azur-Corsega en doas : Provença-Aups-Còsta d'Azur e Corsega.
  • La lei n°72-619 del 5 de julhet de 1972 crèa d’establiments publics regionals.
  • En 1976 la region parisenca ven Illa de França.
  • La « lei Deferre » (lei n°82-213 dau 2 de març de 1982) fa de las regions de collectivitats territorialas de l’executiu elegit e parteja las competéncias entre l’Estat e las regions.
  • Las primièras eleccions regionalas se tenguèron lo 16 de març de 1986. L'escrutinh èra a un torn e a la proporcionala.
  • En 1991, Corsega ven una collectivitat territoriala de l'estatut especial, mas demòra una region.
  • Las segondas eleccions regionalas se tenguèron lo 22 de març de 1992.
  • Las tresenas eleccions regionalas se tenguèron lo 15 de març de 1998.
  • La lei de l'11 d'abril de 2003 càmbia lo mòde d'eleccion dels conselhs regionals (eleccion de 2 torns amb prima majoritària)
  • Las quatrenas eleccions regionalas se tenguèron los 21 e 28 de març de 2004.
  • Las leis del 26 de genièr de 2010 e del 16 de febrièr de 2010 refòrman las collectivitats localas en metent en plaça, a partir de 2014, de conselhièrs territorials. La durada del mandat dels conselhièrs regionals per èsser elegits en març de 2010 es reducha a 4 ans.
  • Las cinquenas eleccions regionalas se tenguèron los 14 e 21 de març de 2010.
  • En abril de 2011, Maiòta ven una collectivitat territoriala unica qu’es a l’encòp departament e region d’otramar.
  • En genièr de 2015, la region Centre ven Centre e Vau de Léger
  • La lei del 13 de genièr de 2015 fusiona las 21 regions metropolitanas en 12 regions. Son fusionadas a partir del 1èr de genièr de 2016:
    • Aquitània, Lemosin e Peitau Charantas
    • Auvèrnhe e Ròse-Aups
    • Lengadòc-Rosselhon e Miègjorn-Pirenèus
    • fòra Occitània:
      • Alsàcia, Champanha e Ardena, e Lorena
      • Bergonha e Franca Comtat
      • Nòrd-Pas de Calais e Picardia
      • Normandia Bassa e Nauta
    • cinc regions càmbian pas, demèst elas Provença emai Centre e Vau de Léger.
  • Las siesenas eleccions regionalas se tenguèron los 6 e 13 de decembre de 2015.
  • Las setenas eleccions regionalas se tenguèron los 20 e 27 de junh de 2021.
  • Las eleccions venentas se deurián far en 2027.

Las regions en 2014Modificar

Còde
INSEE
Region Departaments Arrondiments Cantons Comunas
42 Alsàcia 2 13 75 904
72 Aquitània 5 19 235 2296
83 Auvèrnhe 4 14 158 1310
26 Borgonha 4 15 174 2046
53 Bretanha 4 15 201 1270
24 Centre e Vau de Léger 5 20 198 1842
21 Champanha-Ardena 4 15 146 1949
94 Corsega 2 5 52 360
43 Franca Comtat 4 9 116 1785
01 Guadalope 1 2 40 32
03 Guaiana 1 2 19 22
11 Illa de França 8 25 317 1281
91 Lengadòc-Rosselhon 5 14 186 1545
74 Lemosin 3 8 106 747
41 Lorena 4 15 157 2339
05 Maiòta 1 1 19 17
02 Martinica 1 4 45 34
73 Miègjorn-Pirenèus 8 22 293 3020
31 Nòrd-Pas de Calais 2 13 156 1547
25 Bassa Normandia 3 11 141 1812
23 Nauta Normandia 2 6 112 1420
52 Païses de Léger 5 17 203 1502
22 Picardia 3 13 129 2291
54 Peitau-Charantas 4 14 157 1462
93 Provença-Aups-Còsta d'Azur 6 18 236 963
04 Reünion 1 4 49 24
82 Ròse-Aups 8 25 335 2879