Loís Josep de Montcalm
Loís Josep de Montcalm-Goson, marqués de Sant Veran (dich de Montcalm), nascut lo 27 de febrièr de 1712 a Candiac en Lengadòc e mòrt lo 14 de setembre de 1759 a Quebèc[1], foguèt lo senhor de Candiac, Sant Veran, Tornamira, Vestric, Sant Julian, e Arpajon, baron de Gabriac e lòctenent-general de las armadas en Nòva França.
Eissit d'una familha nòbla originària de Roergue, nascut al castèl de Candiac, foguèt batejat a Vauverd, vila vesina, que un masatge i pòrta uèi son nom. Se maridèt lo 2 d'octobre de 1734 amb Angélique Talon du Boullay.