Comuna

division administrativa locala dins divèrses païses
talha= Aquel article presenta d'ambigüitats amb l'article «Municipi».

La comuna es una circonscripcion territoriala e lo conjunt d'elements primaris de participacion ciutadana dins fòrça païses. Es equivalent a l'estatut juridic d'una municipalitat o d'autras administracions localas similaras.

Emplec internacional modificar

D'unes païses an adoptat lo nom de comuna (o omològ) coma nom de basa per la mai pichona unitat administrativa, sustot: Alemanha (gemeinde), Andòrra (comú), Argentina (comuna), Belgica (commune / gemeente / gemeinde), Chile (comuna), Colómbia (comuna), Danmarc (kommune), França (commune), Itàlia (comune), Luxemborg (commune / gemeinde), Païses Basses (gemeente), Pologne (gmina), Suècia (kommun), Soïssa (gemeinde / commune / comune) e Veneçuèla (comuna).

França modificar

Article detalhat: Comuna francesa.

La comuna es una division administrativa, la circonscripcion la mai pichona del territòri francés[1]. Una comuna correspond generalament al territòri d'una vila o d'un vilatge. Sa superfícia e sustot sa populacion pòdon variar considerablament (la pus poblada, París, possedís mai de dos milions d'abitants, las mens pobladas zèro.

Al 1r de març de 2007, existissiá 36 782 comunas en França (dont 214 en otramar) que cobrissián l'integralitat del territòri francés (a l'excepcion de Wallis e Futuna e de qualques territòris sens populacion permanenta), çò que representa environ la mitat del nombre total de comunas dins l'Union Europèa.

La lista seguenta recapitula lo nombre de comunas per departament o comunautat d'otramar. D'un biais general, los departaments situats al nòrd e a l'èst de França comptan mai de comunas que los situats al sud e a l'oèst. Los departaments e comunautats d'otramar tanben son largament mens devesits que los de la França metropolitana. Enfin, París e los departaments de sa pichona corona, del fach de lor talha pichona, ne còmptan fòrça mens.

Itàlia modificar

 
Corona pel títol de municipi (Itàlia)

La comuna (comune en italian), en l'ordenament juridic de la Republica Italiana, es una entitat locala territoriala autonòma previst per l'art. 114 de la Constitucion de la Republica Italiana. Pòt èsser subdividida en fraccions (frazione). Una comuna pòt de mai aver lo títol de vila. La disciplina generala es contenuda en lo decrèt legislatiu 18 d'agost de 2000, n. 267 e a coma organs politics lo conselh municipal, lo conselh municipal e lo cònsol.

Bibliografia modificar

  • Caretti, Paolo; De Siervo, Ugo,. Istituzioni di diritto pubblico. Torin: Giappichelli Editore, 1996. 

Nòtas e referéncias modificar

  1. Çaquelà, París, Lion e Marselha son de comunas francesas subdevesidas en arrondiments.