Mitologia
La mitologia (del grèc μυθολογία, de μύθος « mite » e λόγος « discors ») es l'estudi dels mites e de lors significacions, pus correntament designa l'ensemble dels recits mitics ligats a una civilizacion, una religion o un tèma particular.
La mitologia prend sens e activitat dins una cultura socioreligiosa. Lo mot s'utiliza generalament per descriure los sistèmas religioses dels monds ancians o de las civilizacions primièras, aluenhadas dins l'espaci o dins lo temps. Es atal que Li M'Hâ Ong a pogut dire : « Se nomena d'ordinari mitologia los racontes sacrats de las religions que degun i crei pas mai[1] ». En efièch, tot coma las religions exoticas, nombre de religions anticas e ancestralas son pas conegudas de la majoritat de la gent qu'a travèrs los racontes mitics qu'an daissat.
Mitologia dels monds ancians o primièrsModificar
Se parla aisidament de mitologia pels racontes religioses dels monds ancians o exotics, aluenhats dins lo temps o dins l'espaci, coma :
_by_M%C3%A5rten_Eskil_Winge.jpg)
- Mitologia aborigèna
- Mitologia basca
- Mitologia biblica
- Mitologia bretona
- Mitologia celtica
- Mitologia celtica irlandesa
- Mitologia coreana
- Mitologia estonian
- Mitologia chinesa
- Mitologia egipciana
- Mitologia etrusca
- Mitologia germanica
- Mitologia grèga
- Mitologia orrita
- Mitologia indó
- Mitologia inuit
- Mitologia iraniana
- Mitologia japonesa
- Mitologia letona
- Mitologia maòri
- Mitologia mesopotamiana
- Mitologia nordica
- Mitologia precolombiana
- Mitologia romana
- Mitologia russa
- Mitologia semitica
- mitologia eslava
Mitologia contemporanèaModificar
Es mai complicat de parlar de mitologia a prepaus de las religions contemporanèas, per exemple de mitologia biblica, tèrme que los cresents son tot dispausats a prendre per una ofensa envèrs lor fe, un atac contra lors cresenças o al minimum, una manifestacion d'intolerància. Los dieus de las vias monoteïstas son pensats coma sol e unic Dieu, e d'aqueste fach, coma la sola instància possibla d'aqueste concèpte. Lo cresent monoteïsta es doncas aisidament menat a pensar que son dieu es lo vertadièr quand lo dels autres, especialament lo qu'a pas mai un fidèl vivent per lo defendre, seriá fals. Aquestas religions son declaradas unilateralament paganas. Se pausa doncas lo problèma de la Vertat e non pas lo problèma de la mitologia.
Ça que la, la màger part dels libres sacrats de las religions contemporanèas, que relèven del monoteïsme o del politeïsme, s'enrasigan dins las religions primièras e los racontes que los sostenon constituisson de mitologias. Lo mite es lo lengatge normal de la religion e es pas una simpla fabla o una simpla legenda, pas tanpauc un conte popular.
La pensada critica e particularament la desmitologizacion, tala coma l'entendiá Rudolph Bultmann al començament del sègle XX, nos an abituats a pensar que los eveniments e las istòrias environant l'origina e lo desvolopament de religions coma lo Cristianisme, lo Judaïsme o l'Islam son pas exactament vertadièras e verificablas al meteis títol que l'assassinat d'Abraham Lincoln o lo coronament de Napoleon Ièr.
La formacion dels mitesModificar
Vejatz tanbenModificar
Simbòls transculturalsModificar
Cèrts simbòls o concèptes se retròban dins mantuna mitologia, per èsser passats d'una cultura a l'autra, o per èsser estats inventats independentament.
Articles connèxesModificar
- Mite
- Mitograf
- Mitologia contemporanèa
- Creatura fantastica
- Luòcs mitologics
- Cosmogonia
- Cresença
- Religion
- Conte
- Legenda urbana
- Antiquitat
- Etnologia
- Antropologia
- Musèu de l'Òme
NòtasModificar
- ↑ Li M'Hâ Ong Tractat de las Semenças e de las Estelas
Ligams extèrnesModificar
- (fr) [PDF] Bibliografia sus las mitologias classicas e los sistèmas culturals
- (fr) [http://www.mythologie.fr/ La Mitologia e l'Art
- (en) The Encyclopedia Mythica