Bretanha (istorica)

Bretanha (en breton Breizh o Ledav, en galò Bertaèyn) es lo país de la cultura bretona e del pòble breton, a l'oèst d'Euròpa, dins una peninsula que s'espandís sus 240 km e que penètra dins l'Ocean Atlantic entre la Marga al nòrd e lo golf de Gasconha al sud.

Mapa de la Bretanha istorica

Lo "Gwenn ha du", drapèl de Bretanha

Blason istoric de Bretanha

Lo gentilici es breton -a.

• Formèt lo Ducat de Bretanha, a passat temps independent, considerat coma lo brèç de la nacion bretona, puèi vengut una província del reialme de França.
• Uèi una de las 18 regions de França se nomena "Bretanha". Aquela Bretanha administrativa, creada pel govèrn de Pétain pendent la Segonda Guèrra Mondiala, compren los 80% de l'ancian Ducat de Bretanha (departaments de Mor-Bihan, Ille et Vilaine, Còstas d'Arvòr e Finistèrra). Los 20% que demòran apertenon a l'ora d'ara al departament del Léger Atlantic que forma una partida de la region dels Païses de Léger amb per prefectura Nantas, qu'èra la capitala istorica del Ducat de Bretanha.

Los païses istorics o províncias (en breton: bro, al plural broioù) son sovent assimilats als ancians avescats, e mai que coïncidiscan pas exactament. Son al nombre de nòu:

• Cornoalha
• Leon
• Tregor
• Vannetés
• País de Dol
• País de Saint Brieuc
• País de Saint-Malo
• País nantés
• País rennés