Vilafranca de Roergue

Pels articles omonims, vejatz Vilafranca (omonimia).

Vilafranca o, a la mòda francesa, Vilafranca de Roergue^[1]^,^[2]^,^[3]^,^[4] (Villefranche-de-Rouergue en francés), es una comuna roergata situada dins lo departament d'Avairon e la region d'Occitània, ancianament de Miègjorn-Pirenèus.

Vilafranca
Villefranche-de-Rouergue

Vista de Vilafranca dempuèi lo Calvari de Sant Joan d'Aigremont.

Armas

Geografia fisica

Coordenadas

44° 21′ 12″ N, 2° 02′ 06″ E

Superfícia

45,85 km²

Altituds
· Maximala
· Mejana
· Minimala

544 m
323 m
237 m

Geografia politica

Guiana

Tèrrafòrt

França

Vilafranca de Roergue (sosprefectura)

Canton
1242

Vilafranca de Roergue (capluòc, puèi burèu centralizator)

Intercom
241200633

Oèst Avairon Comunautat (residéncia)

Cònsol

Jean-Sébastien Orcibal
(2020-2026)

Geografia umana

Populacion
Populacion totala
(2018)

11 781 ab.

Evolucion de la populacion

12 357 ab.

Densitat

259,74 ab./km²

Autras informacions

Gentilici

vilafrancat, vilafrancada; vilafrancòl, vilafrancòla

Còde postal

12200

Còde INSEE

12300

www.villefranchederouergue.fr

Geografia modificar

Comunas a l'entorn.

Vilafranca se situa dins la val d'Avairon, subre la falha geologica que separa lo Causse (tèrra de blat) del Segalar (tèrra de segal).

Minas de coire, de plomb, d'estam, de fèrre, d'argent. Extraccion de fosfats e de pèiras de talha.

Toponimia modificar

Lo nom occitan es Vilafranca. Localament, se ditz “anar a la Vila”. Lo nom francés foguèt longtemps Villefranche. Es en 1919 que lo govèrn francés decidiguèt d’apondre “de Rouergue”.^[5]

Istòria modificar

Las basas d'un primièr establiment aguèron luòc subre la riba senestra del riu Avairon en 1099 per Ramond de Sant Geli, a l'endrech de jaces metalifèrs esplechats dempuèi l'antiquitat^[6]. Lo sol luòc de culte èra una capèla anteriora nomenada Sant Carpil - a l'ora d'ara Sant Joan d' Aigremont al suc d'un puèg nomenat uèi lo Calvari^[7].

Quand los Capecians prenguèron lo poder sul comtat de Tolosa pel maridatge d'Anfós de Peitieus amb l'eretièra del comtat Joana de Tolosa, filha del darrièr comte Ramon VII, l'anciana capitala administrativa de Roergue, Najac, sèti de la senescalciá de Roergue, foguèt jutjada tròp fisèla a l'anciana dinastia ramondina.

Anfós de Peitieus decidiguèt sul pic de crear una vila nòva en riba drecha a qualques quilomètres d'ailà e d'i transferir lo sèti de la siá administracion, per fin de rompre las ancianas leialtats. Fondèt doncas Vilafranca en 1252 dotada de franquesas d'exempcions fiscalas per assegurar lo succès de l'entrepresa, d'ont lo nom de la vila.

Administracion modificar

Lista dels cònsols successius
Periòde		Identitat	Etiqueta	Qualitat
2020	2026	Jean-Sébastien Orcibal	MRSL	quadre financièr de las Pòstas, conselhièr regional
març de 2001	2020	Serge Roques	UMP, LR	mètge espitalièr, president de la CC del Grand Vilafrancat, conselhièr regional, deputat (1993-1997 e 2002-2007), conselhièr general (1992-1998)
1997	2001	Claude Penel	PS	professor, conselhièr general (1998-2011)
març de 1983	1997	Jean Rigal	MRG	mètge, conselhièr general (1979-1992), conselhièr regional, deputat (1980-1993 e 1997-2002
mai de 1953	1983	Robert Fabre	MRG	farmacian, deputat (1962-1980), conselhièr general (1955-1979), vice-president del Conselh Regional, mediator de la Repuplica, membre du Conselh Constitucional
	1953
Totas las donadas son pas encara conegudas.