Dobrir lo menú principal
Representacion de Ramon VII de Tolosa per Pèire Numa Bassaget (mitat sègle XIX)

Ramon[1] VII (IX) de Sant Geli (julhet de 1197 a Bèucaire - 27 de setembre de 1249 a Milhau) foguèt lo darrièr comte occitan de Tolosa, a l'encòp duc de Narbona e marqués de Provença. Filh de Ramon VI de Tolosa e de Joana Plantagenèst.

BiografiaModificar

 
Sagèl de Ramon VII de Tolosa

En mai de 1216, desbarquèt a Marselha e faguèt lo sèti de Bèucaire que pren fin lo 24 d'agost. Perseguís la guèrra de reconquista contra los franceses menats per Simon IV de Montfòrt puèi per lo seu filh Amalric de Montfòrt.

Succediguèt al seu paire en 1222. En 1225 foguèt escomenjat en seguida del Concili de Borges e alavetz comencèt una crosada contra el. Un còp vençut, se resignèt a signar lo Tractat de París (1229) que li faguèt cedir los ancians vescomtats de Trencavèl al rei de França e permetèt que la sia unica filha e eiretièra Joana de Tolosa se maridèsse amb Anfós de Peitieus, fraire de Loís. A la sia mòrt, lo seu gendre venguèt comte de Tolosa e aprèp la mòrt d'aqueste, lo comtat de Tolosa foguèt annexat per la Corona de França.


Precedit per
Ramon VI (VIII)
 
comte de Tolosa
 
marqués de Provença
Seguit per
Joana e
Anfós II

NòtasModificar

  1. Las formas Ramond e Raimon son tanben posssiblas en occitan

Ligams extèrnesModificar