Guiana
Deu pas èsser confondut amb |
Guiana | |||
|---|---|---|---|
| |||
 | |||
| Capitala | Bordèu | ||
| Vilas principalas | Bordèu - Montalban - Agen - Periguers - Brageirac - Liborna - Rodés - Vilanuèva d'Òlt - Milhau - Caors - Marmanda - Vilafranca de Roergue | ||
| Lengas | - occitan (gascon, lemosin e lengadocian) - santongés - francés (per l'administracion francesa) | ||
| Gentilici | guianés, guianesa | ||
Guiana [giˈanɔ, ˈgjanɔ] es una region istorica d'Occitània, al centre-oèst del país, que recampa dempuèi lo Regim Ancian las petitas regions de
- Peiregòrd
- Agenés
- Carcin
- Roergue
- Bordalés (lingüisticament gascon), estant que Bordèu n'èra la capitala
- nòrd del Vasadés.
Aquela Guiana de l'Ancian Regime foguèt una província del reialme de França, diferenta de Gasconha, sens cap de referéncia a tota nocion de dialècte. Mas a l'Edat Mejana, se nommèt "Guiana" una region d'extension fòrça variabla que podiá coïncidir mai o mens amb la granda Aquitània istorica o ben, pus tard, amb las possessions anglesas en Occitània. Lo remembre de l'anciana província es conservat milhor a l'oèst, dins los territòris qu'escapèron longtemps à la dominacion francesa pendent la Guèrra de Cent Ans: la forma francesa dels toponims ne garda la referéncia, coma lo de Sauvatèrra de Guiana, en Vasadés, o lo de Levinhac de Guiana, en Agenés.
D'alhors, Guiana es una forma que deriva—amb l'Aguiaina—d'Aquitània.
Lo gentilici es guianés -esa.