Wikipèdia

Fois

una comuna francesa
(Redirigit dempuèi Foish)

Vila d'Occitània

Fois[1] (AFI: /ˈfujs/) o Foish[2][3][4] (localament /ˈfujʃ/; en francés: Foix, coma en catalan e en occitan ancian) es una vila occitana del Comtat de Fois. Situada al pè dels Pirenèus, còsta lo riu Arièja, a la confluéncia amb Arget, es la capitala istorica del País de Fois e del departament d'Arièja.

Fois
Foix
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo castèl de Fois.
Armas
Geografia fisica
geolocalizacion
Coordenadas 42° 57′ 59″ N, 1° 36′ 28″ E
Superfícia 19,32 km²
Altituds
 · Maximala
 · Mejana
 · Minimala 		 
933 m
380 m
358 m
Geografia politica
País País de Fois Armas del País de Fois
Estat Bandièra de França França
Region
76 		Occitània
Departament
9 		Arièja Armas del Departament d'Arièja
Arrondiment
091 		Arrondiment de Fois (caplòc)
Canton
0905 		burèu centralizator del canton de Fois (caplòc del canton de Fois Vila abans 2015)
Intercom
240900381 		Comunautat d'aglomeracion de País de Fois Varilhas (residéncia)
Cònsol Marine Bordes
(2023-2026)
Geografia umana
Populacion
Populacion totala
(2018) 		9 452 ab.
Evolucion de la populacion
Evolucion de la populacion

9 775 ab.
Autras informacions
Gentilici foissenc, foishenc, foisherin
Còde postal 09000
Còde INSEE 09122

Se tròba al sud de la capitala de la region, Tolosa, e al costat de la frontièra andorrana. En 2015 comptava 9 706 abitants, çò que ne fasiá la segonda vila del departament demograficament aprèp Pàmias. Lo gentilici de sos abitants es foissenc (en francés fuxéen, en catalan foixenc).

Geografia modificar

 
Comunas a l'entorn.

Perimètre del territòri modificar

Toponimia modificar

La prononciacion es [fujʃ]. Las fòrmas ancianas (presentacion sintetica) son Castro Fuxi o Castro Fusci (moneda merovingiana), Fuxum (epòca carolingiana), Fox, castrum de Fox, abadia de Fox, castello quem dicunt Fuzo, abbadia de Fuz, cap a 1034, comes de Foys en 1049-1064, Foys en 1060, loco de Fox, Fuxo en 1086, Foys, Fuxo en 1160, comte de Fois en 1176, Fuxi en 1181, Foix en 1202 e 1297, Fuxo en 1225, 1259, 1272, castro Fuxi en 1233, Foicz en 1236, comes Fuxi en 1241, Foiss en 1243, Fuxum en 1243, villa Fuxi en 1245, Foixs en 1272, Fuxo en 1308, 1320, 1331, 1385, 1398, Fuxum, Foxs en 1318-25, Foix en 1326, 1358, 1391, Foixs en 1327, 1349, 1373, 1398, villa Fuxi en 1329, loci de Fuxo en 1349, Foys en 1358, 1365, 1391, Fois en 1391, Foix en 1401, 1424, 1445, 1473, 1492, Foixs en 1401, 1425, 1448, 1484, 1499, Fuxo en 1401, 1492, Foix, Foys, cap a 1460 (Cronica d'Esquerrièr), Foys en 1522, Foix en 1525 e cap a 1542, etc [5].
Segon Dauzat, que cita una atestacion a l'epòca carolingiana, Fuxum, Fois es un nom d'origina preceltica, que supausan aquitanic, e se pronóncian pas sul sens[6]. Segon Negre, citat per Patrici Pojada e los Féniés, lo nom de la vila s'explica per fuscum (castellum) : « vila fortificada de color fosca »; lo -sc- seriá estat tractat coma un -cs- (o seriá passat a -cs-), ambe -is- per resultat[7]. Segon Coromines, citat per Patrici Pojada, Foish ven d'un nom d'òme en latin tardiu Fŭscĭus, atestat, probablament derivat de l'adjectiu fuscus, « brun, escur, fosc, trum, sorne ». Segon P-H Billy, citat per Patrici Pojada, Foish vendriá de l'adjectiu latin fuscus, pr'amor del site de la vila. Segon Carbona, citat per Patrici Pojada, lo nom de la vila es d'origina sorotaptica segon la terminologia de Coromines, la dels Urnenfelder, d'un pòble que parlava una lenga indoeuropèa anteriora al celtic; dins aquela lenga, le mot (pre ?)indoeuropèu BUX « boish » se seriá adaptat en F-; atal Foish seriá una varianta de boish, venguda pus ancianament en çò nòstre abans lo mot d'origina latina. Carbona precisa que lo bois(h) abonda près de Foish[5].
Segon Patrici Pojada, cap solucion explica l'origina del nom de Foish de faiçon segura. I a principalament d'explicas aquitanicas e doás ipotèsis latinas, que Pojada estima pus solidas. La primièra es l'adjectiu fuscus (> fosc); sc tractat coma cs auriá menat regularament a -ish dins l'airal. La segonda es lo nom d'òme Fŭscĭus qu'explica lo nom sense passar per un accident fonetic.[5]

La question de la grafia. modificar

Segon Patrici Pojada, la grafia atestada Foix (ambe una grafia latina e tanben catalana e bearnesa) representa fidèlament [fujʃ], mès se pòt pas descodar en la grafia occitana modèrna e pòt èsser remplaçada per Foish. La grafia Fois es ambigüa e permet pas per exemple de destriar las consonantas respectivas de ['rɔkɔfi'saðo] (Ròcafissada) o de [frejse'net] (Freissenet, Freychenet en francés çaquelà !) e de [lej'ʃɛɾt] (Leishèrt). P. Pojada dona la preferéncia a la grafia Foish, ambe -sh, d'istoricitat segura; las Leys d'Amors citan « la comtessa de Foysh » e l'Elucidari de las proprietatz de totas res naturals anóncia que foguèt redigit per le « noble príncep Guasto, compte de Foysh »[5],[8]

Istòria modificar

Entre 1790 e 1794, La Barra foguèt incorporada a Foish.[9]

Administracion modificar

Lista dels cònsols successius
Periòde Identitat Etiqueta Qualitat
3 d'octobre de 2023 (2026) Marine Bordes PS directritz generala d'associacion
març de 2014 3 d'octobre de
2023 (demission) 		Norbert Meler PS retirat de l'ensenhament
julhet de 2012 2014 Richard Senssac PS entrepreneire de transpòrt
27 de novembre 1985 27 de junh 2012 Jean-Noël Fondère PS mètge; mòrt en foncion
març de 1965 1985 Olivier Carol PS director d'escòla
  1965      
Totas las donadas son pas encara conegudas.

Demografia modificar

modificar « persona »
 v · d · m  		Evolucion demografica
Populacion comunala actuala (2013): , totala:
 

1793 1800 1806 1821 1831 1836 1841 1846 1851
3 265 3 509 3 959 4 552 4 857 4 699 4 714 5 086 4 684

1856 1861 1866 1872 1876 1881 1886 1891 1896
5 257 5 507 6 746 6 706 6 362 7 076 7 369 7 568 6 722

1901 1906 1911 1921 1926 1931 1936 1946 1954
7 065 6 750 6 806 6 165 6 461 6 279 7 006 7 798 7 632

1962 1968 1975 1982 1990 1999 2006 2007 2008
8 156
 9 331
 9 599
 9 282
 9 964
 9 109
 9 605
 9 658
 Cercar
2009 2010
9 861
10 335 		9 885
10 358
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
 
Evolucion de la populacion 1962-2008


  • En 2018 la populacion èra de 9452 abitants e la densitat èra de 489,23 ab/km².

Luòcs e monuments modificar

Personalitats ligadas amb la comuna modificar

Véser tanben modificar

Ligams extèrnes modificar

Nòtas e referéncias modificar

  1. ↑ L'ortografia retenguda per la nòrma classica es Fois, citada dins Alibèrt, Loís. Gramatica occitana segon los parlars lengadocians. Tolosa: Societat d'Estudis Occitans, 1935, p. 448.  Foish es pasmens una forma legitimament occitana emplegada tre l'Epòca Medievala dins las Leys d'Amors.
  2. ↑ Lo tèrme Foish, segon d'unes autors comtemporanèus (Guilhemjoan, Pojada), es una forma acceptabla. Es tanben referenciada dins lo Diccionari General de la Lenga Occitana de l'AO-CGS.
  3. ↑ Patrici Poujade, Dictionnaire toponymique de l'Ariège, ed. IEO d'Arièja, 2021, p. 21-22
  4. ↑ Guilhemjoan, Patric. Diccionari elementari occitan-francés francés-occitan (gascon). Per noste, 2005, p. 148. ISBN 2-86866-037-1. 
  5. ↑ 5,0 5,1 5,2 et 5,3 Patrici Poujade, Dictionnaire toponymique de l'Ariège, ed. IEO d'Arièja, 2021, p. 183-187
  6. ↑ Albert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 293
  7. ↑ Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 128
  8. ↑ Patrici Poujade, Dictionnaire toponymique de l'Ariège, ed. IEO d'Arièja, 2021, p. 21-22
  9. ↑ http://cassini.ehess.fr/fr/html/fiche.php?select_resultat=14104


Recuperada de « https://oc.wikipedia.org/w/index.php?title=Fois&oldid=2431323 »