Britèsta

Britèsta^[1]^,^[2]^,^[3]^,^[4] (Briatexte en francés) es una comuna lengadociana situada dins lo departament de Tarn e la region d'Occitània, ancianament de Miègjorn-Pirenèus.

Britèsta
Briatexte

La comuna de Britèsta.

Armas

Geografia fisica

Coordenadas

43° 45′ 07″ N, 1° 54′ 31″ E

Superfícia

15 km²

Altituds
· Maximala
· Mejana
· Minimala

294 m
140 m
119 m

Geografia politica

Lengadòc

França

Castras

Galhac Graulhet Aglomeracion

Cònsol

Alain Glade
(2020-2026)

Geografia umana

Populacion
Populacion totala
(2018)

2 033 ab.

Evolucion de la populacion

2 063 ab.

Densitat

135,13 ab./km²

Autras informacions

Gentilici

Briatextois (en francés)

Còde postal

81390

Còde INSEE

81039

Geografia modificar

Comunas a l'entorn.

La bastida de Britèsta foguèt fondada en 1287 per Simon de Briseteste, senescal de Carcassona, pel compte del rei Felip lo Bèl, en plaça del vilatge catar de Las Toèlas, destruit per las tropas de Simon IV de Montfòrt, en 1212. Aquela bastida novèla deviá concurenciar sa vesina de Sant Gausenç.

Britèsta es una implantacion reiala que capitèt. Son dessenh, inclutz dins un rectangle, es geometric. Dels quatre costats de la plaça debutan las carrièras principalas terminadas per d'illets mai o mens grands. Los màger son totjorn traversats per de carrerons.

Fortificada al sègle XIV, Britèsta es dins la tormenta de las Guèrras de religion. Los abitants, convertits au protestantisme, n'en faguèron un bastion vertadièr, que tombèt pas jamai. La glèisa, qu'occupava la mitat sud de la plaça foguèt desroïnadas vèrs 1574. S'edifiquèt un temple. D'aquela epòca tormentada data un edifici excepcional, situat a la carrièra del Castèl. Èra l'ostal d'En Montalivet, cònsol protestant de la vila al començament del sègle XVII. L'emplec de pèiras dins la construccion es de grand contrast amb la brica fòrça utilizada dins la region.

Tornada a la religion oficiala aprèp la revocacion de l'Edicte de Nantas, la bastida e los barris foguèron destruits en 1629, puèi lo temple en 1685.

1789 : comunautat de Britèsta, senescauciá de Castras, diocèsi de Castras, parròquia: Nòstra Dama de Bèlluòc.

1790 : municipalitat de Britèsta, capluòc del canton (comprenent las comunas de Britèsta e de Sant Gausenç), districte de La Vaur.

An V, 6 de germinal: sus demanda dels abitants de Puègbegon, la comuna se jonhèt al canton de Britèsta, districte de Castras.

An X : comuna de Britèsta, canton de Graulhet, arrondiment de La Vaur.

Administracion modificar

Lista dels cònsols successius
Periòde		Identitat	Etiqueta	Qualitat
28 de mai de 2018	2026	Alain Glade
març de 2008	5 d'abrial de 2018 (mòrt)	Bernard Bacabe	ancian cosinièr, aparentat PCF, puèi divèrs esquèrra	conselhièr departamental (2015-2018)
junh de 1995	2008	Yves Banquet	divèrs esquèrra	pintor en bastiment
març de 1965	1995	André Gau	sense etiqueta, MRG	mecanician auto
	1965
Totas las donadas son pas encara conegudas.