Girocens

Vilatge d'Occitània

Girocens (Giroussens en francés) es una comuna lengadociana situada dins lo departament de Tarn e la region d'Occitània, ancianament de Miègjorn-Pirenèus. La comuna es reputada per sa produccion de tèrra cuècha pintada e vernissada al plomb.

Girocens Giroussens
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La comuna de Girocens.
Armas
Geografia fisica
Coordenadas	43° 45′ 47″ N, 1° 46′ 37″ E
Superfícia	41,67 km²
Altituds  · Maximala  · Mejana  · Minimala	272 m 190 m 95 m
Geografia politica
País	Lengadòc
Estat	França
Region 76	Occitània
Departament 81	Tarn
Arrondiment 812	Castras
Canton 8117	La Vaur
Intercom 248100471	Galhac Graulhet Aglomeracion
Cònsol	Gilles Turlan (2020-2026)
Geografia umana
Populacion Populacion totala (2018)	1 478 ab. Evolucion de la populacion 1 513 ab.
Densitat	34,8 ab./km²
Autras informacions
Còde postal	81500
Còde INSEE	81104

Geografia

Lo vilatge es situat sus un puèg en dessús del val d'Agot entre La Vaur, Graulhet e Sant Somplesi dins lo departament francés de Tarn. Girocens se tròba a 40 km al nòrd-èst de Tolosa. Se va dins aquela vila per la rota departamentala 12 que jonh l'A68 al nivèl de l'entrada n°7 (Rabastens).

Ostal de la comuna de Girocens.

Istòria

A l'origina, lo vilatge se situava a 1 km de son emplaçament actual. Una villa galloromana se trapava sus la riba d'Agot. De rèstas d'esculturas e de mosaïcas foguèron trobadas en 1899. Foguèt ocupada al sègle V pels visigòts que daissèron una necropòli (actualament als Martèls) que son nom ja èra Girocens, benlèu lo nom d'una persona (visigòt?) non identificada.

A l'Edat Mejana, la populacion se desplacèt dins un castrum sul bauç a 80 m de naut. Se ne parla a partir de 1156. Mai naut al nòrd, un castèl, lo Puèg Masson, es bastit sus la riba d'Agot al sègle XIII. Lo senhor Almaric de Lautrec fa a Girocens una bastida. Alara una vila se desvolopèt e prosperèt, aparada de barris. La glèisa de Sant Salvi tornèt èsser bastida a la fin del sègle XIV.

Entre 1330 e 1356, Gui de Comenge, senhor de la tèrra bassa d'Albigés, demorèt a Girocens. Foguèt al cap d'una banda de brigands e viviá de raubes e pilhatges de la region. En 1381, lo comte de Fois e Bearn, Gaston Febus venquèt aqueles pilhards dins lo plan d'Albi. A la mòrt del comte, Girocens dintrèt dins lo domeni de Carles VI. Puèi la vila passèt a Matieu de Fois e Graillis per Carles VII en 1425. Jos Carles VIII, lo domeni tornèt a la corona reiala. Mas Loís XIV de França balhèt la senhoriá a Francés de Gelas, vescomte de Lautrèc e marqués d'Ambres, en 1695. Demorèt dins sa familha fin a la Revolucion Francesa.

Las terralhas de Girocens

Lo vilatge es conegut per sa produccion de tèrra cuècha pintada e vernissada al plomb dempuèi 1538. Al sègle XVI, existissiá una trentena de potièrs a Girocens. En 1618, fondèron una confrariá jol patronatge de santa Rufina. Los potièrs foguèron 50 pendent los sègles XVII e XVIII. De plats de color violeta, verda, jauna e blava son pintats pel rei Loís XIV. Jos la Regéncia, las comandas baissèron a causa de la concurréncia de la vaissèla d'estam e de faiença. Los potièrs produsián alara de vaissèla pus simpla per Loïsiana e Quebèc. Mas, la Guèrra de Sèt Ans e la conquèsta de Canadà pels angleses acaba aquel comèrci. En plen sègle XVIII, la terralha es pas mai de vam e remplaçada par la porcelana e l'argentariá. Los forns son destruits e la produccion cèssa al sègle XIX. Lo Musèu del País Rabastinés vesin consèrva una colleccion de mai de cent pèças. En 1991, la terralha renais mercé a l'associacion Arts e Terralhas de Girocens.

Administracion

Lista deus cònsols successius

Periòde		Identitat	Etiqueta	Qualitat
2008	2014	Jean-Louis Claustre
març de 2001	2008
Totas las donadas son pas encara conegudas.

Demografia

Evolucion demografica Populacion comunala actuala (2013): 1450, totala: 1490
1962	1968	1975	1982	1990	1999	2006	2007	2008
1 031	1 054	1 066	1 058	1 051	1 040	1 264	1 296	1 328 1 356
2009	2010
1 340 1 368	1 365 1 393
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Luòcs e monuments

Castèl de Bèlvéser.

• Lo castèl primièr, lo Puèg Masson foguèt bastit al sègle XIII. En 1437, lo castèl èra una preson reiala mas foguèt brutlat pels protestants en 1562.
• Lo segond castèl, lo castèl de Bèlvéser, foguèt bastit en 1640 per Joan Flotes, grand mèstre de las aigas e bòsques a Tolosa. Es de dessenh carrat amb quatre torres cobèrtas de teulats en piramida. Foguèt vendut a Jean Dalbi en 1660, avocat al Parlament. A la Revolucion, lo castèl foguèt vendut coma ben nacional.
• La glèisa de Sant Salvi del sègle XIV. es constituida d'una nau de quatre travadas en vòlta d'ogivas e un còr poligonal de cinc costats. I a tres capèlas dins las travadas. En dessús de la faciada i a un campanar-mur. Los mòbles e quadres son dels sègles XVII e XVIII. La capèla al nòrd es dedicada a Santa Rufina, patrona dels tornejaires amb un retaule de 1637. Las parets de la nau son cobèrtas de pinturas muralas de Fernand Augé (1896) e Paul Prouho (1900).

Eveniments

• Cada annada, L'associacion Terre et Terres (Tèrra e Teralhas) organiza lo Mercat Europèu de Ceramica Contemporanèa a Girocens pendent tres jorns; en 2011, es lo 23, 24 e 25 d'abril.

Veire tanben

Articles connèxes

• Comunas de Tarn

Ligams extèrnes

• galariá de fotografias de Girocens
• site de la comunautat de comunas
• Patrimòni de Girocens