Dobrir lo menú principal
Seven Years' War Collage.jpg
Reparticion dei blòts que participèron ai combats de la Guèrra de Sèt Ans.
Teatre d'America dau Nòrd de la Guèrra de Sèt Ans (1756-1763).

La Guèrra de Sèt Ans es un conflicte mondiau major dau sègle XVIII que se debanèt de 1756 a 1763. Opausèt lei poissanças principalas dau continent europèu e s'acabèt per un cambiament prefond de seis equilibris politics e militars. En particular, lei Britanics conquistèron un grand empèri coloniau au profiech dei possessions francesas americanas e asiaticas e lei Prussians s'afirmèron coma l'Estat montant dins leis afaires continentaus. Aqueu conflicte opausèt principalament lo Reiaume de França au Reiaume d'Anglatèrra d'un caire e lo Reiaume de Prússia a l'Archiducat d'Àustria d'autra part. Pasmens, en causa deis alianças, la màger part deis estats europèus e seis aliats coloniaus participèron ai combats.