Alamans de Dròt

Alamans de Dròt; Allemans-du-Dropt
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	Lo mercat cobèrt.
	Armas
	Armas
	Geografia fisica
Coordenadas	44° 37′ 40″ N, 0° 17′ 24″ E
Superfícia	6,4 km²
Altituds; · Maximala; · Mejana; · Minimala	; 89 m; 39 m; 33 m
	Geografia politica;
País	Guiana ; Agenés;
Parçan	Naut Agenés;
Estat	França;
Region; 75	Novèla Aquitània;
Departament; 47	Òut e Garona ;
Arrondiment; 472	Marmanda;
Canton; 4717	La Val de Dròt (Lausun avant 2015);
Intercom; 244700464	CC del País de Lausun;
Cònsol	Émilien Roso ; (2020-2026)
	Geografia umana
Populacion; Populacion totala; (2018)	490 ab. Evolucion de la populacion; 495 ab.
Densitat	78,44 ab./km²
	Autras informacions
Còde postal	47800
Còde INSEE	47005

Vilatge d'Occitània

Alamans de Dròt, o Alemans de Dròt (veire la partida toponimia), foneticament [ale'maŋ de 'dro]^[1] (Allemans-du-Dropt en francés) es una comuna agenesa ^[2], situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Perimètre deu territòri

Comunas confrontantas de **Alemans de Dròt**
Pardalhan quadripunt	Mostièr
Monteton		Romanha
	Cambas	Puèg Arampion

Toponimia

Bénédicte Boyrie-Fénié cita de las fòrmas ancianas : Alemannis (de ~), en latin, en 1164, Alemano (parrochia de ~), en latin, en 1259, Allamans (parrochia de ~), en occitan, a l'entorn de 1300, Alamans, Dalamans, en occitan, en 1307-1317, Alamans lo Velh, en occitan, en 1326, Alamant (capella de ~ lo Velh), en occitan, en 1326, Alemanis (de ~ Veteribus), en latin, en 1520, Allemans (Les ~), en français, al sègle XVII (mapa). La prononciacion es [ale'maŋ de 'dro]. Lo nom testimònia de la preséncia d'una colonia d'Alamans, a costat deu prumièr reiaume visigotic en Gàllia, près d'autres toponimes de sens etnic long de la vau de Dròt, çò qu'es l'indici d'una zòna estrategica entre Dròt e Garona : Romanha, Borgonhaga, Romanó (Romanor ?), comuna de Boissa, un autre Romanha (comuna de Montflanquin), Francó (Francor ?), comuna de Lobejac, França (comunas de Senta Denença, La Cauçada e Lausun), etc. Las colonias germanicas pòdon èstre de simplas garnisons emplegadas per l'armada romana e los noms datan probablament deu sègle V (segon P.-H. Billy)^[1].

Dròt (que sèrv de determinant, oficialament dempuèi 1896) es un idronime prelatin, atestat Droth torrens en 1004, Drot en 1053, Droz en 1095. L'etime es benlèu la raiç *dora, present emb sas variantas dins Dordonha, Durença, Droma, Douro, o lo gallés *dúbreto, vengut de la basa idronimica dubro-, « aiga », que donèt *drob(e)to e Dròpt, o lo gallés *Drŭtā, « rapide » (de druna, meteis sens^[1]^,^[3]^,^[4]. Precisem que si Xavier Delamarre explica Dròt per *Drŭtā, « rapide », lo riu, nascut près de Montpasièr e non pas dins las montanhas, es remarcablament lent.

Nòtas sus la fixacion del nom : Alamans o Alemans ?

Los elements d'informacion son contradictòris. La fòrma causida per Bénédicte Boyrie-Fénié es Alemans de Dròt e correspond a la prononciacion [ale'maŋ de 'dro], mès se sap pas s'es una prononciacion constatada (l'occitan es localament en maissant estat de conservacion) o supausada. La grafia de B. Bénédicte Boyrie-Fénié es represa per lo site top'Òc ^[5], çò qu'a pas la mendre importància (es un site d'enregistrament, en cap de cas un site scientific). Aquò empacha pas de constatar que si las fòrmas ancianas en latin son en Ale-, las en occitan son en Ala-, çò qu'es probablament pas un azard (veire lo meteis fenomèn a Talança, un cas pus simple perqué la fòrma autentica, Talança, es conservada). Aquò sembla un paradòxe, perqué la tradicion istorica tracta d'abòrd deu pòble deus Alamanni, mès en realitat lo nom foguèt camjat en Alemanni dins los tèxtes. Ala/emans es en marge de la Petita Gavachariá, çò qu'a benlèu influït sus la prononciacion. Aquò's donc pas aisit de conclure.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Aus sègles XVII e XVIII, i aviá pas de desequilibri entre l'importància d'Alemans, la de La Sauvetat, e la de Miramont; la vila pus granda a l'entorn èra Aimet. Lo camin grand de Brageirac a las Landas passava per Aimet, La Sauvetat per la riba drecha de Dròt, Alemans, Cambas, Escassafòrt e Senta Baselha. La futura D 933 existissiá pas ^[6]^,^[7]. Aquò's pas qu'au sègle XIX que Miramont venguèt un grand caireforc e una vila importanta e que La Sauvetat e Alemans perdèron tot caractèr urban.

Administracion

Lista deus cònsols successius
Periòde		Identitat	Etiqueta	Qualitat
2014	2026 ^[8]	Émilien Roso	UMP, LR
març de 2008	2014	Jean-Pierre Domec		mètge
març de 2001	2008	Robert Polèse
junh de 1995	2001	Christian Le Breton
	1995
Totas las donadas non son pas encara conegudas.