Dordonha (aiga)

(Redirigit dempuèi Dordonha (riu))
Pagina d'ajuda sus l'omonimia Pels articles omonims, vejatz Dordonha (omonimia).
Dordonha
Dordonha en Perigòrd

Caracteristicas
Longor 490 km
Bacin ?
Bacin collector Dordonha
Debit mejan 285 m3⋅s-1 (Brageirac)
Riu
S'escampa dins l'Ocean atlantic
Geografia
Païses traversats Occitània Flag of Occitania (with star).svg, Bandièra de França França

Dordonha es una aiga d'Occitània, dins lo Massís Central e lo Bacin Aquitan. Nais en Auvèrnhe, passa en Lemosin, en Carcin, en Peiregòrd e se geta dins l'estuari de Gironda.

La val de Dordonha es classada País d'Art e d'Istòria.

Ribièra o flume ?Modificar

Dordonha se jonh a Garona per formar l'estuari de Gironda. Per aquò, es qualifiada de ribièra dins mai d'un diccionari e mai d'una enciclopedia, tanben per lo Service d'Administration Nationale des Données et Référentiels sur l'Eau (SANDRE). Pasmens, de mai en mai d'organismes regionals, per exemple lo Comitat de Bacin Ador-Garona o bentot l'Etabliment public territorial del bacin de Dordonha (EPIDOR) la qualifian de flume, que consideran que Gironda es un estuari comun a Garona e Dordonha. Se la causida impòrta gaire per l'apelacion del riu, implica tot parièr una ierarquizacion diferenta del o dels bacins aigapendents. Mas en considerant coma rius los pichons cors d'aiga e coma flumes los pus importants, usatge lingüistic concurrent de l'usatge francisat, (la) Dordonha es de segur un flume, e n'es aital per una bona partida de sos afluents.

EtimologiaModificar

A l'encontrari de çò que se ditz o legís de còps, lo nom de Dordonha a pas per origina l'assemblatge dels rius nomenats Dòr e Donha. Son nom latin era Durānius, citat per Sidòni Apollinar, e veniá de la rasiga preceltica dur- (coma Durença, Drona,...). Pro lèu, lo nom subissèt una dobla sufixacion en -onna (aquel sufixe se tòrna trobar dins Garona, Drona, Lisona,...), per donar dur-on-onia. Trobam aital Dorononia fluvius (Gregòri de Tors, sègle VI), Dornonia (sègle VIII), per acabar sus l'occitan Dordonha.

GeografiaModificar

 
Cascada de Dòr.


Dordonha nais sus las pendas del Puèi de Sant Circ (1 885 m, Puèi Domat), de l'union de dos torrents : la Dòr e la Donha.

S'acaba dins l'estuari de Gironda al bèc d'Ambés (Gironda), estuari comun amb Garona.

IdrografiaModificar

Son debit de 400 m3/s al bocal pòt venir 5500 m3/s en temps de creguda. Dordonha es de navegar mas a l'aval de Liborna.

PercorsModificar

Departaments e localitats asaigadas :

Afluents principalsModificar

 
Dordonha en Perigòrd

D'amont en aval:

N.B. : (D) = afluent riba drecha ; (E) = afluent riba esquèrra

Activitats toristicasModificar

 
Dordonha en Brageirac


 
Dordonha vista de Doma, en Senac e Sent Julian