Pardalhan (Agenés)

Pels articles omonims, vejatz Pardalhan.

Pardalhan (Pardaillan en francés) es una comuna agenesa, situada dins lo departament d'Òut e Garona e la region de Novèla Aquitània, ancianament d'Aquitània.

Pardalhan
Pardaillan

L'ostau de comuna.

Geografia fisica

Coordenadas

44° 39′ 52″ N, 0° 16′ 53″ E

Superfícia

19,71 km²

Altituds
· Maximala
· Mejana
· Minimala

134 m
90 m
34 m

Geografia politica

Guiana
Agenés

França

Les Coteaux de Guyenne (Duràs avant 2015)

Intercom
244700449

Comunautat de comunas deu País de Duràs

Cònsol

Serge Cadiot
(2020-2026)

Geografia umana

Populacion
Populacion totala
(2018)

313 ab.

Evolucion de la populacion

318 ab.

Densitat

16,54 ab./km²

Autras informacions

Còde postal

47120

Còde INSEE

47199

Geografia

Comunas a l'entorn.

Perimètre deu territòri

Comunas confrontantas de **Pardalhan**
Sent Sarnin de Duràs		Sent Joan de Duràs
Duràs		La Sauvetat de Dròt
Auriac de Dròt	Monteton, Alemans de Dròt per un qüadripunt	Mostièr

Toponimia

La prononciacion es [parda'jaŋ]. Las fòrmas ancianas son prior de Pardelha et de Guarinhac, en 1326, capella de Pardelha, en 1326, B.M. de Gabiraco, en latin, en 1503, prior de Gaviraco prope Pardalianum, en latin, en 1520, Pardaillan (mapa deu sègle XVII). Pardalhan èra lo nom deu castèu e Gavirac/Gabirac/Guavirat/Gabrias/Gabriat lo nom d'origina deu vilatge, a 500 o 600m, e de la parròquia; dempuèi, lo vilatge de Gavirac a pres lo nom de Pardalhan ^[1], aquò dejà a l'epòca de la mapa de Cassini, e la petita aglomeracion situada près deu castèu deu èsser Le Vieux Bourg, « Lo Vièlh Borg, Lo Borg Vièlh ».
Pardalhan ven d'un nom latin d'òme Pardalus, Pardalis, Pardelius (Dauzat e Rostaing) ^[2], Pardelius (Negre), *Pardalius, nomen tirat deu cognomen Pardalus, de pardalis, « pantèra » (Astor, Bénédicte Boyrie-Fénié), lo tot emb lo sufixe -anum ^[1]. Las fòrmas pus ancianas, de 1326, menarián puslèu a Pardelius.

Gavirac/Gabirac/Guavirat/Gabrias/Gabriat/Guarinhac. La fòrma de 1326 es probablament una cacografia e las variantas Gabrias/Gabriat venen puslèu de Gavirac/Gabirac/Guavirat, au luec que lo passatge invèrse es pas aisit. *Gavirac, prononciat coma Gabirat per betacisme e per l'evolucion normala de -ac en Agenés, es probablament la fòrma d'origina. *Gavirac pòt pas venir de Gabrius/Gabrios, d'origina gallesa, coma Gauriac, per de rasons foneticas. Una inscripcion de Valença, au musèu de Grenòble fornís lo nom de Sextus Cabirius Jullinus; Cabirius es pas un nomen, mès un agnomen a foncion de nomen, basat sus lo nom deus Cabirs (divinitats) ^[3]. En supausent una sonorizacion de l'iniciala, Cabiriacum poiriá explicar Gavirac. Lo nom gallés d'òme Cavarios demandariá un accident de mai, una reduccion de diftongue : *Cavariacon > *Gavairac > [gaβej'rat] > [gaβi'rat]. Mès totas aquelas etimologias son especulativas.

Istòria

En 1824, Sent Front fuguèt annexat a Pardalhan ^[4].

Administracion

Lista deus cònsols successius
Periòde		Identitat	Qualitat
març de 1989	2026 ^[5]	Serge Cadiot	agricultor
	1989
1892	1902	Guillaume Chapoulié
Totas las donadas non son pas encara conegudas.

Avant la refòrma cantonala de 2014, aplicada en 2015, la comuna èra deu canton de Duràs; es adara deu canton de Les Coteaux de Guyenne (en francés). De 1793 a 1801 fuguèt deu canton de La Sauvetat e Sent Front èra deu canton de Somençac.