Dobrir lo menú principal

718

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans :
715 716 717  718  719 720 721

Decennis :
680 690 700  710  720 730 740
Sègles :
Sègle VII  Sègle VIII  Sègle IX
Millennis :
Millenni I abC  Millenni I  Millenni II


Autres calendièrs :
Roman Chinés Gregorian Ebrieu Indó Musulman Persan Republican


Cronologia mensuala:
Gen - Feb - Mar - Abr - Mai - Junh
Julh - Ago - Set - Oct - Nov - Dec

Cronologias tematicas:
Literatura - Musica - Sciéncia - Espòrt

Aquesta pagina concernís l'an 718 del calendièr gregorian.


EvenimentsModificar

EuròpaModificar

Reiaume deis AstúriasModificar

Data oficiala retenguda per la fondacion dau Reiaume deis Astúrias ambé la designacion — probablament legendària — de Pelai Ièr (718-737) coma sobeiran. En fòra de l'aspèct legendari, lei montanhas dau nòrd d'Espanha èra dempuei de sègles un santuari per lei rebèls ostils ai Romans ò ai Visigòts. Aprofichant lo nombre feble de combatants musulmans, leis abitants de la region poguèron mantenir son autonòmia e formar ansin a cha pauc un estat vertadier.

Khanat BulgarModificar

Respectant l'aliança concluda en 716, lei Bulgars dau khan Tervel participèron activament a la defensa de Constantinòble còntra leis Arabes. Ben establits sus la riba europèa deis Estrechs, empachèron lo blocus complèt de la vila e menèron d'accions de secutament còntra lei linhas d'avitalhament deis asalhidors.

Empèri FrancModificar

Perseguida dei combats menats per Carles Martèl per assegurar son autoritat. D'efèct, après la somission d'Austràsia l'annada precedenta (→ 717), deguèt tornarmai combatre lei senhors de Neustria (sostenguts per lo duc d'Aquitània) (→ 719).

KhazarsModificar

Perseguida deis incursions menadas per lei Khazars còntra lei possessions arabas en Caucàs. Lo conflicte entre Khazars e Omeias contunièt ansin de s'agravar fins a sa transformacion en guèrra vertadiera au començament dau decenni seguent (→ 721).

NorthumbriaModificar

En Northumbria, la crisi entraïnada per la mòrt dau rèi Aldfrith (685-704) s'acabèt ambé la mòrt dins de circonstàncias desconegudas dau rèi Coenred (716-718). Foguèt remplaçat per Osric (718-729) qu'èra un fraire d'Osred Ièr (705-716).

Empèri Roman d'OrientModificar

 
Representacion d'utilizacion dau fuòc grèc que representava un avantatge fòrça important per lei Bizantins opausats ai naviris arabis.

Fin dau sètge de la capitala bizantina començat l'annada precedenta (→ 717) per leis Arabes ambé la retirada deis asalhidors. D'efèct, la superioritat clara de la flòta romana aviá empedit l'establiment d'un blocus complèt de la vila e, au contrari, l'avitalhament de Maslama ben Abd al-Malik foguèt rarament segur en causa dau secutament de sei linhas per lei Bulgars e lei tropas leugieras bizantinas. La posicion araba venguèt rapidament impossibla de tenir e son camp foguèt victima de malautiás grèvas (pèsta...) e de faminas.

A la prima, lei Romans capitèron de blocar per d'emboscadas lei renfòrç arabes en Anatolia. Capitèron tanben d'entraïnar de revòutas d'equipatges crestians utilizats per la flòta araba. Après la revirada d'assauts novèus còntra lei fortificacions de la vila, leis Arabes abandonèron lo sètge. Deguèron faciar d'operacions de secutament e perdiguèron de miliers d'òmes durant sa retirada.

En revènge, en Sardenha, l'illa, totalament abandonada per lo poder centrau, foguèt conquistada per leis Arabes.

AmericaModificar

CópanModificar

 
Representacion de Uaxaclajuun Ub'aah K'awiil (695-738) que son rèine marquèt l'apogèu de la ciutat maia de Cópan.

Sota la direccion dau rèi Uaxaclajuun Ub'aah K'awiil (695-738), l'armada de Cópan destruguèt dins lo corrent de l'annada la vila de Xkuy — que sa localizacion es totjorn desconeguda a l'ora d'ara.

PalenqueModificar

Perseguida dau periòde de trèbols intèrnes entraïnats per lo pilhatge de la vila per lo rèi de Toniná e l'execucion dau rèi K'inich K'an Joy Chitam II.

AsiaModificar

Califat OmeiaModificar

A l'entorn de Constantinòble assetjada per leis Arabes dempuei l'annada precedenta (→ 717), la situacion evolucionèt pauc a pauc a l'avantatge dei Romans. D'efèct, gràcias ai fortificacions de la vila, lei defensors poguèron aisament arrestar leis assauts. De mai, la flòta romana e lei renfòrç menats per lei Bulgars empachèron l'establiment d'un blocus complèt. En revènge, leis Arabes deguèron a cha pauc faciar de dificultats grèvas coma de malautiás, d'emboscadas recurrentas lòng dei rotas d'Anatolia e de revòutas d'equipatges crestians de sa marina. Lo 15 d'aost, l'armada de Maslama ben Abd al-Malik abandonèt donc lo sètge e comencèt una retirada malaisada en Anatolia[1].

JaponModificar

Publicacion dau Còdi Yoro qu'èra una modificacion dau Còdi de Taiho (→ 701). Èra una compilacion de tèxtes de drech penau e civiu pus ancians. Pasmens, intrèt pas en vigor avans 757.

SriwijayaModificar

 
Extension de la zòna d'influéncia de Sriwijaya entre lei sègles VII e IX.

Mandadís d'una ambaissada en Orient Mejan per desvolopar lei relacions comercialas entre l'empèri maritim de Sriwijaya e leis Arabes.

TibetModificar

Coma l'annada precedenta, viatge de l'emperaire Me Agtsom (705-755) en Nepal. Aquò èra son tresen passatge dins una region qu'aviá lòngtemps refusat de l'acceptar coma sobeiran (→ 712).

ArtsModificar

Sciéncias e tecnicasModificar

EconomiaModificar

NaissençasModificar

DecèssesModificar

  1. Segon lei fònts arabas, 150 000 combatents omeias moriguèron durant lo sètge de Constantinòble. Se lo bilanç es exagerat, mòstra pasmens l'amplor de la desfacha araba.