Populacion
En geografia espaciala, la populacion (del latin: populatio, "pòble") es lo nombre d'individús d'una meteissa espècia vivent dins una zona definida.
La populacion umana es estudiada per la demografia, la sociologia e la geografia umana. En biologia, una populacion es un ensemble d'individús d'una meteissa espècia se perpetuent dins un territòri donat. Las populacions son alara estudiadas per la biologia de las populacions — una branca de l'ecologia e la "genetica de las populacions", branca de la biologia de l'evolucion.
Òm atribuís, a una porcion de territòri, una capacitat d'acuèlh (carrying capacity) que limita la creissença de la populacion. Cèrts observators de las societats umanas estiman que la nocion de capacitat d'acuèlh se deu aplicar tanben a las populacions umanas, e qu'una creissença incontraròtlada de la populacion umana poiriá provocar una catastròfa maltusiana. D'autres especialistas s'opausan, eles, categoricament a aquesta tèsi.
Descriptor de populacion
modificarLa descripcion de las populacions se pòt far:
- Amb l'ajuda de variablas dichas descriptors (aquestes concernon la talha, l'edat, lo taus de natalitat, lo sex-ratio…) .
- Per la genetica (estimacion de la freqüéncia dels gèns)
- Per la dinamica (natalitat, mortalitat, declin…)
Veire tanben
modificarDemografia