Limós

Vila d'Occitània

Limós Limoux
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La plaça de la Republica.
Armas
Geografia fisica
Coordenadas	43° 03′ 28″ N, 2° 13′ 09″ E
Superfícia	32,41 km²
Altituds  · Maximala  · Mejana  · Minimala	740 m 169 m 156 m
Geografia politica
País	Lengadòc
Parçan	Rasés
Estat	França
Region 76	Occitània
Departament 11	Aude
Arrondiment 112	Limós (caplòc)
Canton 1109	La Region Limosenca, burèu centralizator (caplòc del canton de Limós abans 2015)
Intercom 200071926	CC del Limosenc, residéncia (2014 ---->)
Cònsol	Jean-Paul Dupré (2014-2020)
Geografia umana
Populacion Populacion totala (2018)	10 112 ab. 10 625 ab.
Densitat	313,67 ab./km²
Autras informacions
Gentilici	limosenc, limosenca
Còde postal	11300
Còde INSEE	11206

Limós (Limoux en francés) es una comuna lengadociana, situada dins lo departament d'Aude e la region d'Occitània, ancianament de Lengadòc-Rosselhon. Es la capitala del parçan de Rasés.

Geografia

La comuna, situada a vint quilomètres al sud de la vila de Carcassona, a la dintrada de la nauta val en plen còr de Rasés, es traversada per Aude.

Comunas a l'entorn.

Perimètre del territòri

Comunas confrontantas de Limós

Gajan e Viladieus	Sant Martin de Vilareglan	Piussa
Malràs, Ladinha d'Aval		Vilar de Monsenh Ancel, Sant Policarpi
Magria	Cornanèl	Verasan, Alet

Istòria

La vila de Limós es ocupada dempuèi lo neolitic. La pèira levada de la Pèira Dreita es un vestigi qu'atèsta aquela ocupacion. La reünion dels dos abitats Flacianum e Limosus es a l'origina de la fondacion al sègle VIII de la vila de Limós.

Al sègle IX, la vila de Limós es mencionada per lo primièr còp dins una carta de Carles II lo Calv. Al sègle X, Limós deven lo capluòc del vescomtat de Rasés. Al sègle XIII, la vila es presa per Simon de Montfòrt e Limós es balhat a un senhor francés, Lambert de Turry. En 1221, lo comte de Fois, Raimon Rogièr, pren la vila. En 1226 comença la « Guèrra de Limós » que marca la resisténcia de la vila sostenguda per Raimon Trencavel e Rogièr Bernat II de Fois fàçia a las tropas de Loís VIII. Limós foguèt annexat per la corona de França entre 1296 e 1376. Als sègles XIV e XVII, la vila es tocada per la pèsta.

En 1891, un aigat istoric causa la mòrt de sèt personas: lo nivèl de l'aiga atenh 7,20 m. Lo 19 d'agost de 1944, la vila es liberada de las tropas d'ocupacion alemandas qu'ocupavan la vila dempuèi lo 28 de novembre de 1942. Lo 1èr de febrièr 1965, Vendémias foguèt annexat a Limós per fusion simpla .

Administracion

Limós èra caplòc de son canton dempuèi 1793. A la refòrma cantonala de 2014, aplicada en 2015, venguèt burèu centralizator d'un canton, espandit de 23 a 35 comunas e que tornèron batejar per decret del 27 de decembre 2015 Canton de la Région-Limouxine (en francés), doncas Canton de La Region Limosenca.

Caplòc de districte en 1793, Limós es una sosprefectura d'Aude. La vila fasiá partida de la Comunautat de comunas de Limós/ Sant Ilari, n'es ara de la CC del Limosenc (SIREN 200043487).

Lista dels cònsols

Lista dels cònsols successius

Periòde		Identitat	Etiqueta	Qualitat
20 de març 1989	2020	Jean-Paul Dupré	PS	deputat (1997-2007, conselhièr general (1994-2001 )
març 1971	1989	Robert Badoc	PS	conselhièr general (1970-1988), conselhièr regional
julhet 1952	1971	François Clamens	radical, puèi UNR, puèi UDR	conselhièr general (1958-1970), deputat (1962-1967)
mai 1952	julhet 1952	Aristide Constans
octobre 1947	1952	Pierre Marius Célestin François Pailhès	radical
novembre 1945	1947	Casimir Lacroux	SFIO	conselhièr general (1945-1951)
agost 1944	1945	Ernest Thebaut	SFIO
	1944
Totas las donadas son pas encara conegudas.

Demografia

Evolucion demografica Populacion comunala actuala (2013): 10166, totala: 10816
1793	1800	1806	1821	1831	1836	1841	1846	1851
5 100	5 142	5 723	5 915	6 247	7 105	7 417	7 444	7 776
1856	1861	1866	1872	1876	1881	1886	1891	1896
6 835	6 937	6 770	5 897	6 661	6 283	6 810	6 371	6 684
1901	1906	1911	1921	1926	1931	1936	1946	1954
7 084	7 223	7 010	6 640	7 639	7 797	8 193	7 587	8 334
1962	1968	1975	1982	1990	1999	2006	2007	2008
9 603	10 824	11 101	10 206	9 665	9 411	9 680	9 709	9 781 10 365
2009	2010
10 079 10 671	10 130 10 738
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE

Cultura

Carnaval de Limós

Dura tres meses, de genièr a març, totas las dimenjadas e la setmana folclorica. Se caracteriza per una alternança de sortidas de bandas de pèiròts unicament sus la plaça principala de la vila. Lo carnaval de Limós es considerat coma lo pus long del mond.

Blanqueta de Limós

La blanqueta de Limós es un vin efervescent de Lengadòc, es un vin d'apelacion d'origina contrarotlada (A.O.C.). La blanqueta de Limós es lo primièr vin efervescent del monde. La proprietat efervescenta d'aquel vin foguèt descobèrta en 1531, mas segon d'autras fonts, foguèt descobèrta al sègle XIV.

Espòrt

• XIII Limosenc

Personalitats ligadas amb la comuna

• Jules Védrines aviator francés

Ligams extèrnes

• Limós : la blanqueta, tuc mitic - Occitanica eAnem / CIRDOC
• Limós : Carnaval - Fecas e Godilhs - Occitanica e-Anem / CIRDÒC