Gaure (Nauta Garona)

Gaure^[1]^,^[2]^,^[3]^,^[4] (Gauré en francés) es una comuna lengadociana, situada dins lo departament de la Nauta Garona e la region d'Occitània, ancianament de Miègjorn-Pirenèus.

Gaure
Gauré

Gaure vist de l'oèst (lo lotejament Chants et Sonnets es a esquèrra)

Armas

Geografia fisica

Coordenadas

43° 36′ 53″ N, 1° 37′ 58″ E

Superfícia

13,47 km²

Altituds
· Maximala
· Mejana
· Minimala

243 m
226 m
164 m

Geografia politica

Lengadòc

França

, ancianament de Miègjorn-Pirenèus

Tolosa

Puègbonieu, ancianament de Vrufuèlh

Intercom
ZZZZZZZZZ

Comunautat de comunas de las Costièras de Giron

Cònsol

Christian Galinier
(2014-2020)

Geografia umana

Populacion
Populacion totala
(2018)

481 ab.

Evolucion de la populacion

496 ab.

Densitat

36,97 ab./km²

Autras informacions

Gentilici

Gauréens (en francés)

Còde postal

31590

Còde INSEE

31215

Los abitants son apelats los Gaurencs.

Blason

Blason : De sinòple amb la fàcia d'aur.

Geografia

Comuna situada a 22 km al Nòrd-Èst de Tolosa. Malgrat la proximitat de la granda vila, la populacion de la comuna demòra a l'entorn de 500 abitants e a una densitat inferiora a 40 ab/km². Los recensaments d'aquí a 1999 mòstran una evolucion normala per una comuna de banlèga : doblament entre 1968 e 1999. Lo lotejament de Chants e Sonnets, situat al nòrd del borg correspond probablament a aquela epòca. Puèi tot s'arrèsta e una politica municipala de restriccion de la construccion es l'explicacion probabla. L'evolucion demografica d'una partida de las comunas de l'ancian canton de Vrufuèlh es comparabla (Bonrepaus Riquet, pendent las annadas 2010, Sent Marcèl e Paulèl, en baissa, Sent Pèire e La Valeta pendent las annadas 2010).

Istòria

Pendent l'Ancian Regime, Gaure èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Tanlèu 1790, Gaure èra del canton de Vrufuèlh. Le vocable de la glèisa es Sent Julian ^[5]. Lo lòc nommat Gaure (glèisa sucursala) sus la mapa de Cassini (segonda mitat del sègle XVIII) es a l'entorn dels Monges, al nòrd-oèst del borg (plan pichon), qu'es citat coma St Julien de Gaure ^[6].

Pendent l'Ancian Regime, la parròquia de Saint-Léger-[de-Lauragais] èra de la diocèsi e de la senescauciá de Tolosa. Lo vocable de la glèisa es (èra) Sent Leugièr, annèxa de Gaure ^[7]. Aquel lòc es probablament lo qu'es nommat Gaure sus la mapa de Cassini.

Administracion

Lista dels cònsols successius
Periòde		Identitat	Qualitat
novembre 2010	2020	Christian Galinier	mestieral
març 2001	7 d'octobre 2010 (defuntat)	Max Bert
març 1983	2010	Roger Averseng
	1983
Totas las donadas non son pas encara conegudas.