La Valeta (Nauta Garona)

Pels articles omonims, vejatz La Valeta.

La Valeta^[1]^,^[2]^,^[3]^,^[4] (Lavalette en francés) es una comuna lengadociana situada dins lo departament de la Nauta Garona e la region d'Occitània, ancianament de Miègjorn-Pirenèus.

La Valeta
Lavalette

Vista generala de la Valeta.

Armas

Geografia fisica

Coordenadas

43° 38′ 19″ N, 1° 35′ 48″ E

Superfícia

13,75 km²

Altituds
· Maximala
· Mejana
· Minimala

233 m
220 m
155 m

Geografia politica

Lengadòc

Tolosan

França

Tolosa

Canton de Puègbonieu, (Vrufuèlh abans 2015)

Intercom
ZZZZZZZZZ

Comunautat de comunas dels costals de Giron

Cònsol

André Fontès
(2014-2020)

Geografia umana

Populacion
Populacion totala
(2018)

743 ab.

Evolucion de la populacion

756 ab.

Densitat

49,89 ab./km²

Autras informacions

Còde postal

31590

Còde INSEE

31285

Geografia modificar

Comuna de l'airal urban de Tolosa situada a 15 km al nòrd-èst de Tolosa.

Toponimia modificar

La Valeta es lo diminutiu, ambe'l sufixe -ĭtta, del latin vallis, val ^[5]; o pus exactament los resultats, perqué es una formacion medievala.

Istòria modificar

Pendent l'Ancian Regime, La Valeta èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Tanlèu 1790, La Valeta èra del canton de Vrufuèlh. Le vocable de la glèisa es Sent Laurenç. Laguitardié fosquèc annexada a La Valeta en l’an II, Boniac en 1817 ^[6] (véser çaquelà al paragrafe de Boniac).

Las apertenéncias de Notre-Dame de Montleins o Laguitardié, o La Guitardié (noms franceses), èran identicas. Le vocable de la glèisa, annèxa de La Valeta, èra Nòstra Dòna. La comuna efemèra èra del canton de Vrufuèlh en 1790 ^[7]. La mapa actuala mòstra dos noms de lòcs separats, La Guitardie e Notre-Dame, aqueste sense glèisa (o la glèisa es venguda ostal), totes dos a l'èst de la comuna.

Boniac o Baougnac (en francés), comunautat non parròquia, aperteniá a las meteissas entitats pendent l'Ancian Regime; en 1790, èra una comuna del canton de Vrufuèlh. Pagina 7, lo diccionari de las localitats de Nauta Garona explica que fosquèc annexada a La Valeta lo 8 de genièr 1791, p. 25, en 1817. Coma lo siti Cassini ne parla pas, la data de 1791 es pus probabla ^[8]^,^[9]. Baugnac o Baougnac es al nòrd de la comuna, sus la RD 57, prèp de Sent Marcèl e Paulèl.

Per la parròquia de Saint-Jean-de-Saint-Avit, annèxa de La Valeta, lo diccionari de las localitats de Nauta Garona precisa pas dins quina comuna se tròba, mès la mapa Cassini plaça la glèisa just al nòrd-oèst de La Valeta. Sus la mapa actuala, lo toponime St-Jean, sense cap de glèisa, es sus la RD 112, clarament dins La Valeta. Le vocable de la glèisa èra Sent Joan Baptista ^[10]. Mès ont es Sent Avit ?