Aigasvivas (País de Foish)

Pels articles omonims, vejatz Aigas Vivas.

Aigasvivas^[1]^,^[2]^,^[3]^,^[4] (Aigues-Vives en francés) es una comuna occitana de Lengadòc, situada dins lo departament d'Arièja e la region de Miègjorn-Pirenèus.
Aigasvivas es en Lengadòc, PAS dins lo País de Foish ^[5].

Aigasvivas
Aigues-Vives

Vista aeriana d'Aigasvivas e Leran.

Armas

Geografia fisica

Coordenadas

42° 59′ 51″ N, 1° 52′ 35″ E

Superfícia

5,16 km²

Altituds
· Maximala
· Mejana
· Minimala

621 m
420 m
391 m

Geografia politica

País

Lengadòc

Estat

França

Region
76

Occitània (region administrativa)

CC del País de Mirapeis

Cònsol

Christian Mascarenc
(2014-2020)

Geografia umana

Populacion
Populacion totala
(2018)

655 ab.

Evolucion de la populacion

676 ab.

Autras informacions

Gentilici

Aigues-Vivesiens (en francés)

Còde postal

09600

Còde INSEE

09002

aiguesvives-mairie.fr

Geografia

Perimètre del territòri

Comunas confrontantas de **Aigasvivas**
	Tròia
Limbrassac		Leran
Tabre	La Ròca d'Òlmes	Regat

Toponimia

Las fòrmas ancianas son : Aygas vivas en 1300, Aquisvivis, en 1377. Lo nom vendriá de las fonts que environan lo vilatge ^[6].

Aigasvivas ven del latin aqua, « aiga » e viva ^[7] (parièr en occitan) o de lors resultats en latin vulgar e en occitan, lo tot al plural.

Aig(u)a(s)viva(s) es un sintagma espandit coma toponime mai que mai en occitanoromanic (i a pas d'exemple, per las comunas o los municipis, d' *Aguaviva en iberoromanic o d' *Eauxvives en galloromanic; vertat es qu'en espanhòl o en portugués, l'adjectiu seriá diferent). Es mai que mai al plural, benlèu pas dempuèi l'origina, mès demòra al singular dins Aiguaviva de la Selva e Aiguaviva de Bergantes, los municipis catalans (lo monestier d'Aigües Vives, a Carcaixent, al País Valencian, usa çaquelà del plural). Lo nom demanda pas de traduccion e pòt èsser motivat per la preséncia de rius, de fonts, o de rius que naisson de fonts; en mai del sens literal e concret, la motivacion del nom poguèt èsser son aspècte melioratiu o valorizant : es benlèu pas per azard se, almens per las comunas e municipis, se tròba sonque en clima mediterranèu o oceanic d'influéncia mediterranèa e s'es absent de Lemosin, d'Auvèrnhe e de Gasconha, que l'aiga i manca pas. Dins la practica, se limita (totjorn per las comunas o municipis), al catalan, al lengadocian meridional e oriental e a la broá del provençal : a donc un caractèr regional net.