Aigasvivas (Lauragués)

Pels articles omonims, vejatz Aigasvivas.

Aigas Vivas o Aigasvivas ^[1]^,^[2]^,^[3]^,^[4] (Ayguesvives en francés) es una comuna lengadociana del departament francés de la Nauta Garona e de la region d'Occitània, ancianament de Miègjorn-Pirenèus.

Aigasvivas
Ayguesvives

La comuna d'Aigasvivas.

Armas

Geografia fisica

Coordenadas

43° 26′ 18″ N, 1° 35′ 52″ E

Superfícia

13,11 km²

Altituds
· Maximala
· Mejana
· Minimala

271 m
172 m
156 m

Geografia politica

Lengadòc

França

, ancianament de Miègjorn-Pirenèus

Tolosa

d'Escalquens, ancianament de Montgiscard

Intercom
243100633

Sicoval

Cònsol

Jacques Oberti
(2014-2020)

Geografia umana

Populacion
Populacion totala
(2018)

2 663 ab.

Evolucion de la populacion

2 713 ab.

Densitat

189,63 ab./km²

Autras informacions

Còde postal

31450

Còde INSEE

31004

Geografia

Comuna de l'Airal urban de Tolosa situada dins son pòl urban en banlèga Sud-Èst de Tolosa situada en Lauragués, a 20 km de Tolosa.

Accès

Rota nacionala 113 (Tolosa-Carcassona)
Canal de las Doas Mars

Perimètre del territòri

Comunas confrontantas de **Aigasvivas**
Montgiscard	Basièja
		Montesquiu de Lauragués
Sent Lon (Nauta Garona)		Nalhós

Toponimia

Aigasvivas ven del latin aqua, « aiga » e viva ^[5] (parièr en occitan) o de lors resultats en latin vulgar e en occitan, lo tot al plural.

Aig(u)a(s)viva(s) es un sintagma espandit coma toponime mai que mai en occitanoromanic (i a pas d'exemple, per las comunas o los municipis, d' *Aguaviva en iberoromanic o d' *Eauxvives en galloromanic; vertat es qu'en espanhòl o en portugués, l'adjectiu seriá diferent). Es mai que mai al plural, benlèu pas dempuèi l'origina, mès demòra al singular dins Aiguaviva de la Selva e Aiguaviva de Bergantes, los municipis catalans (lo monestier d'Aigües Vives, a Carcaixent, al País Valencian, usa çaquelà del plural). Lo nom demanda pas de traduccion e pòt èsser motivat per la preséncia de rius, de fonts, o de rius que naisson de fonts; en mai del sens literal e concret, la motivacion del nom poguèt èsser son aspècte melioratiu o valorizant : es benlèu pas per azard se, almens per las comunas e municipis, se tròba sonque en clima mediterranèu o oceanic d'influéncia mediterranèa e s'es absent de Lemosin, d'Auvèrnhe e de Gasconha, que l'aiga i manca pas. Dins la practica, se limita (totjorn per las comunas o municipis), al catalan, al lengadocian meridional e oriental e a la broá del provençal : a donc un caractèr regional net.

Istòria

Pendent l'Ancian Regime, Aigas Vivas èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Lauragués. Le vocable de la glèisa èra Sant Lop (ara Sant Sarnin). En 1790, Aigas Vivas èra del canton de Montesquiu de Lauragués, en l'an IX, del canton de Montgiscard. Autra parròquia : St Jean de Cazalas (dispareguda) ^[6].

Pendent l'Ancian Regime, Les Bastards èra una parròquia de l'archidiocèsi de Tolosa e de la senescauciá de Lauragués. Le vocable de la glèisa, annèxa de Montesquiu de Lauragués, èra Sant Pèire ^[7].