Canal del Miègjorn

Lo Canal del Miègjorn, es un canal que religa Garona a la mar Mediterranèa.

Canal de las Doas Mars prèp de Tolosa

Patrimòni Mondial de l'UNESCO

Amb lo canal lateral a Garona forma una via navegabla entre l'ocean Atlantic e la mar Mediterrània apelada Canal de las Doas Mars. Lo Canal del Miègjorn passa per Carcassona, Seta, Besièrs e Tolosa. Es perlongat pel canal de Ròse a Seta.

Istòria

August, Neron, Carlesmanhe, Francés 1^er, Carles IX e Enric IV i pensèron. Loís XIV que paguèt los qui bastivan lo canau. Foguèt bastit per Pèire Pau Riquet al sègle XVII, entre 1666 e 1681, per lo comèrci del blat.

Que i avè bonas condicions de tribalh per l'epòca: qu'ès pagat tanben quand ès malaut, que son mantuns a tribalhar suu chantièr. Los utisses qu'èran prestats e los obrèrs que'us devèn guardar en bon estat. Qu'a emplegat mei de 12 000 personas per lo realisar. La barca de pòste qu'èra ua gabarra qui transportava personas de Tolosa a Besièrs.

Uei lo dia

Es a l'ora d'ara lo pus ancian canal d'Euròpa en foncionament.

Dempuèi 1996 es marcat sus la lista del Patrimòni Mondial de l'UNESCO.

Mei frequentat que Sèina, que representa a eth sol un cincau deu torisme fluviau francés. 80% deus touristas sul canal son etrangèrs.

Lo lac de la Ganguisa serveish a tornar emplir lo canal en perioda seca e a lo voeitar quand i a tròp d'aiga.