Truèjols

Truèjols^[1]^,^[2]^,^[3]^,^[4] (Tréjouls en francés) es una comuna carcinòla situada dins lo departament de Tarn e Garona e la region d'Occitània, ancianament de Miègjorn-Pirenèus.

Truèjols
Tréjouls

Geografia fisica

Coordenadas

44° 16′ 06″ N, 1° 14′ 11″ E

Superfícia

13,86 km²

Altituds
· Maximala
· Mejana
· Minimala

255 m
190 m
111 m

Geografia politica

França

País de Sèrras Sud Carcin (Lausèrta abans 2015)

Intercom
248200149

CC del País de Sèrras en Carcin

Cònsol

Véronique Bessières
(2020-2026)

Geografia umana

Populacion
Populacion totala
(2018)

240 ab.

Evolucion de la populacion

250 ab.

Densitat

17,68 ab./km²

Autras informacions

Còde postal

82110

Còde INSEE

82183

Geografia

Comunas a l'entorn.

Perimètre del territòri

Comunas confrontantas de **Truèjols**
Senta Geleda	Montliausut (Òut)	Sent Laurenç de l'Òrmia com. nov. de Lendou-en-Quercy (Òut)
Lausèrta		Salvatèrra
	Cases e Montdenard

Toponimia

Truèjols

Las fòrmas ancianas son prioris de Truejols, en 1314, Trujols, en 1326, Truejols, en 1400, Beata Maria de Trejouls, en 1580, Trejouls, sus la mapa de Cassini, a la fin del sègle XVIII. La prononciacion es ['trɛtsuls]; s'ausís pus rarament una fòrma francisada ambe avançament d'accent tonic e barradura de la primièra sillaba : [tre'tsuls]. La finala [-uèjols] correspond dins la partida centrala de nòstre país a la fòrma que prend lo mot gallés -ialos / -ialon, « lòc desbosigat, espaci descobèrt, clar, clarièra » e per extension « vilatge » (per crear un vilatge novèl, caliá desbosigar un tròç de bòsc). La primièra partida d'un toponime ambe finala en -ialon es un nom comun o un nom de persona, pas un numeral coma tri, coma Negre supausa. Burgan e Lafon pensan a un nom gallés coma Trogus o Trogius. Xavier Delamarre cita Trougios dins son indèx dels noms de personas galleses. Meteis nom ? En tot cas ò tonic se diftonga regularament en -uè- jos l'efècte d'un iòd dins la sillaba seguenta : podium ---> puèg ^[5]^,^[6]^,^[7], *trogialon ----> truèjol(s). Los escribas penan sovent a escriure los diftongues, d'aquí la fòrma grafica de 1326, Trujols, mès cal comprene dejà Truèjols. Après, lo diftongue tonic uè se redusís a [ɛ] ^[5] (grafiat uè) e probable que la fòrma de 1580, Trejouls correspond a aquela prononciacion.

Sent Ocesi

Las fòrmas ancianas son vicaria Sancti Urcissini, en 970 o 954-986, la gleia de S. Orssezi, en 1241, ecclesia Sancti Urcissini prope Lauzertam, en 1254, ecclesia Sancti Ursicini, en 1262, Sancti Urcissini, cap a 1400, Sanctus Urcicius Ursicinus Vallium, en 1580, St Urcisse, sus la mapa de Cassini, a la fin del sègle XVIII. La prononciacion es [senty'sisi] o [sentu'sezi]. Burgan e Lafon estiman qu'aquò justifica la grafia Sent-Urcisi ^[5], mès la grafia Sent Ocesi correspond milhor a l'atestacion de 1241, la sola en occitan, ambe la diferéncia de la pèrda de [r] dins lo grope rs, accident frequent en occitanoromanic. La varianta [senty'sisi], falsament etimologica, sembla sortida de la contaminacion de la fòrma oficiala ambe la prononciacion supausada autentica. I a sèt sents Ursicinus, dont un avesque de Caors mòrt en 585 ^[8]. Es aquel sent qu'es logicament lo patron de la glèisa. Son nom es tanben donat a una parròquia de Caors, a una comuna près de Puègmiròl, Sent Orsisi, una comuna tarnesa, Sent Orsesi e a una comuna cantalona, Sent Urcisi o Urcise. L'accentuacion es donc totjorn sus la segonda sillaba.

Cossí explicar l'evolucion de Ursicinus, accentuat sus ci, la tresena sillaba, ambe una vocala longa <refname = bur/>, a de fòrmas del tipe Urcisi / Orcesi / Orsesi, accentuadas sus la segonda sillaba ? Burgan e Lafon refutan l'explicacion de Negre, que pensa que lo nom es tractat coma *Ursicius, accentuat sus -si-. Explican que i a un martir [donc pas l'avesque de Caors] nommat Urcisinus, ambe la sillaba -ci- tonica, çò que règla lo problèma ^[5] (la finala dispareis dins l'evolucion fonetica). Coma aquel accident interven tanben per l'avesque de Caors, es benlèu pus simple de dire que lo nom Ursicinus en general a conegut, al mens en occitan, una metatèsi acompanhada de reculament d'accent. Aquela istòria complicada explica tanben que la codificacion del nom esita entre Orsi- e Orci-.

Istòria

Abans 1806, la comuna de Saint-Urcisse (nom francés) foguèt annexada a Truèjols ^[9], malgrat una populacion pus importanta.

Administracion

Lista dels cònsols successius
Periòde		Identitat	Etiqueta
2014	2026	Véronique Bessières
junh de 1995	2014	Serge Roos	PRG
març de 1971	1995	Ismael Laniès
1951	1971	Jean Elie Desprats
1926	1951	Jean Julien Brugel
1912	1926	Bernard Poirier
	1971
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton de Lausèrta; es ara del canton de Pays de Serres Sud-Quercy (en francés), donc del País de Sèrras Carcin Sud.