Senta Gabèla

Senta Gabèla^[1]^,^[2]^,^[3]^,^[4] (Cintegabelle en francés) es una comuna lengadociana de Lauragués situada dins lo departament de la Nauta Garona e la region administrativa d'Occitània, ancianament de Miègjorn-Pirenèus.

Senta Gabèla
Cintegabelle

Musèu de Senta Gabèla.

Armas

Geografia fisica

Coordenadas

43° 18′ 49″ N, 1° 31′ 53″ E

Superfícia

52,92 km²

Altituds
· Maximala
· Mejana
· Minimala

302 m
200 m
185 m

Geografia politica

Lengadòc

França

, ancianament de Miègjorn-Pirenèus

Murèth

Canton d'Autariba, ancianament de Senta Gabèla

Intercom
243100542

CC du Bassin Auterivain Haut-Garonnais (SIREN 200068807)

Cònsol

Jean-Louis Rémy
(2014-2020)

Geografia umana

Populacion
Populacion totala
(2018)

2 909 ab.

Evolucion de la populacion

2 974 ab.

Densitat

52,31 ab./km²

Autras informacions

Gentilici

Cintegabellois, Cintegabelloises (en francés)

Còde postal

31550

Còde INSEE

31145

Geografia

Lo flume d'Arièja passa al mièg de la comuna. Les Baccarets e Picarrou an l'estataut de comuna associada.

Istòria

Pendent l'Ancian Regime, Senta Gabèla èra de la diocèsi civila de Mirapeis, doncas de la província de Lengadòc, de la generalitat de Tolosa, de la senescauciá de Lauragués. Senta Gabèla, Tramesaygues, Saint-Pierre-d’Esgars, Les Bacarets èran de la diocèsi de Mirapeis, Saint-Étienne d’Arbouville èra de la diocèsi de Rius, Aignes [comuna d'Anhas desempuèi], Notre Dame de Lapeyre [comuna d'Anhas desempuèi], Saint-Exupère-de-Bazert èran de l'archidiocèsi de Tolosa. Tanlèu 1790, Senta Gabèla èra caplòc de canton. Le nom en 1790 èra Cintegabelle et ses dépendances. Anhas se destaquèt de la comuna per decret del 18 de julhet 1882. La glèisa de Senta Gabèla es jol patronatge de Nòstra Dòna ^[5].

Autras parròquias d'Ancian Regime de la comunautat de Senta Gabèla e encara dins la comuna :

Arbouville èra de la diocèsi de Rius e de la senescauciá de Lauragués; le vocable de la glèisa es o puslèu èra Sent Estève (o Estèfe); correspond a la seccion M de la comuna de Senta Gabèla ^[6]; èra en fàcia de la vila, Arièja delà;
Les Baccarets èra de la diocèsi de Mirapeis e de la senescauciá de Lauragués; la parròquia èra Nòstra Dòna de la Salvetat, annèxa de Senta Gabèla ^[7]; glèisa e cementèri a l'oèst de la vila, Arièja delà;
Saint-Exupère-du-Bazert (Sent Supèri, vocable de la glèisa) èra de l'archidiocèsi de Tolosa e de la senescauciá de Lauragués ^[8]; es al nòrd de Senta Gabèla (lòc escrit St-Exupère, desabitat);
Saint-Pierre-d’Esgars, ara Saint-Pierre èra de la diocèsi de Mirapeis e de la senescauciá de Lauragués; le vocable de la glèisa, annèxa de Tramesaygues, èra de segur Sent Pèire ^[9]; le lòc, a l'èst-nòrd-èst de Senta Gabèla, entre Guire Faure e Roudière, es absent de totas las mapas recentas;
Tramesaygues seriá ara Picarrou (mès la mapa mòstra dos lòcs diferents, lo primièr quasi desabitat al nòrd de l'important vilatge de Picarrou; la mapa de Cassini mòstra dos lòcs del nom de Tramesaygues, lo que correspond a Picarrou a una glèisa, l'autra la roïna d'una glèisa anciana); Tramesaygues, le novèl e probablament l'ancian, èra de la diocèsi de Mirapeis e de la senescauciá de Lauragués; la glèisa, encara presenta a Picarrou, èra jol patronatge de Nòstra Dòna ^[10].

Administracion

Lista dels cònsols successius
Periòde		Identitat	Etiqueta	Qualitat
març 2008	2020	Jean-Louis Rémy	PS
1989	2008	Christian Brunet	PS
1973	1988 (defuntat)	Jacques Pic	PS	pancosièr, conselhièr general (1973-1988)
1945	1973 (defuntat)	Lucien Canals	SFIO, puèi divèrs esquèrra	conselhièr general (1945-1973)
	1945
Totas las donadas non son pas encara conegudas.