Sant Coat de Rasés

Sant/Sent Coat dels Bruèisses o Sant Coat de Rasés (Saint-Couat-du-Razès en francés) es una comuna lengadociana situada dins lo departament d'Aude e la region d'Occitània, ancianament de Lengadòc-Rosselhon.

Sant Coat de Rasés
Saint-Couat-du-Razès

La glèisa Sant Coat a Sant Coat.

Armas

Geografia fisica

Coordenadas

43° 00′ 05″ N, 2° 06′ 38″ E

Superfícia

6,4 km²

Altituds
· Maximala
· Mejana
· Minimala

681 m
358 m
340 m

Geografia politica

Lengadòc

Rasés

França

Limós

La Region Limosenca (Limós abans 2015)

Intercom
200071926

CC del Limosenc

Cònsol

Frédéric Sadori
(2020-2026)

Geografia umana

Populacion
Populacion totala
(2018)

44 ab.

Evolucion de la populacion

45 ab.

Densitat

10,31 ab./km²

Autras informacions

Còde postal

11300

Còde INSEE

11338

Geografia

Comunas a l'entorn.

Perimètre del territòri

Comunas confrontantas de **Sant Coat de Rasés**
La Vesòla per un qüadripunt	Castèlrenc
Sant Benaset		Borièja
	Borijòla

Toponimia

Las fòrmas ancianas son Villa Sancti Cucufatis, en latin, en 1234, Rector Sancti Cucufati, en latin, en 1347, Locus de Sancto Cucuffato, en latin, en 1377, Sainct Cougact, en 1571, Sainct Cougat, en 1594, Sainct Cogat, en 1594, Saint Couat, en 1781. La fòrma occitana es Saint-Couat-des-Breiches (grafia de l'abat Sabarthès) ^[1], doncas normalament [sen ku'at ('kwat ?) dej 'brɛjʃes]. Sant Coat o Cogat (fòrma anciana encara viva en catalan, Sant Cugat), Cucufas ? en latin, es un martir a Barcelona del temps de Dioclecian ^[2]^,^[3]. La question es de saber se lo determinant, per natura pejoratiu, pòt èsser considerat coma partida del nom o coma escais-nom.

Riu Coganh (nom supausat)

Aquel riu nais a Sant Coat e s'escampa dins Aude a Limós. Las fòrmas ancianas son Usque ad pontem de Cogagno en 1328, la rivière de Couain en 1694 ^[4]. I a un ligam ambe'l nom de Coat, Cogat ancianament, dins un sens o dins un autre (lo vocable de la glèisa pòt èsser causit per cristianizar un nom local) ? La dificultat es que i aviá una localitat despareguda del nom de Cougain (nom francés fornit per Savartés) : Horti loco qui dicitur ortalicia de Cogaigno en 1290, Cogounhan, alias Cojan en 1397-1587 ^[5] (comprene probablament *Cogan).

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius
Periòde		Identitat	Etiqueta
2020	(2026)	Frédéric Sadori
1983	2020	Gilbert Pons	sense
abans 1981	1983	Léopold Bauzil	PS
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton de Limós; es ara del canton de la Région-Limouxine (en francés), donc de la Region Limosenca. Entre 1801 e 1951, èra del canton d'Eissalabra ^[6].