Rocada de Tolosa

La rocada de Tolosa, representa una cencha autorotièra de 35 quilomètres a l'entorn la vila de Tolosa, gaireben tot de 2×3 vias. Aquel anèl n'es pas vertadièrament un: s'agís de fach de doas brancas relgant l'A61 e l'A62, una passant a l'oèst de la vila (A620, ancian periferic oèst), l'autre passant à l'èst (A62-A61, ancian periferic èst). Las doas brancas son alara ligadas per de bretèlas permetent un continuament de circulacion. L'anèl interior (ont lo centre de la vila de Tolosa es a drecha en rodant) es nomenat uèi periferic interior. L'anèl exterior (ont la banlèga de la vila es a drecha en rodant) es nomenat lo periferic exterior. Un lògo especific foguèt creat per senhalar las sortidas, fa referéncia al sens de circulacion.

Sus tota la rocada, la velocitat es limitada a 90 km/h per las veituras e 80 km/h pels camions. Inicialament limitats respectivament a 110 km/h et 90 km/h, limit mes en plaça per lutar contra la pollucion ^[1].

Rocada oèst : A620

La rocada èst (A620) es en realitat una via rapida urbana religant l'A61 a l'A62 en contornant la vila par l'oèst. Al contrari de la rocada èst, pus recenta doncas mai a l'exterior de la vila, la rocada oèst travèrsa l'espaci urbanizat. Es de fach una seguida de vias rapidas agençadas dempuèi los ans 1970 puèi religadas entre elas per constituir una rocada evitant Tolosa. E dempuèi 1995 lo tronçon es totalament acabat amb la construccion d'un viaducte long e naut encambant la RN 20, de vias de tren e Garona.

Gaireben totes los 20 quilomètres del periferic oèst son de 2×3 vias. Lo Palais que correspond a la fin dels dos tronçons al sud de Tolosa al nivèl de la barrièra de peatge aguèron una restructuracion amb la mesa en plaça de passarèlas per melhorar la circulacion^[2]^,^[3].

Del nòrd al sud, la rocada oèst a dotze escambiadors:

Sortida 33: Sesquièras (ZI nòrd de la vila, lo mercat-gara e connexion amb lo periferic èst o l'A62 cap a Bordèu)
Sortida 31: Blanhac/Minimes (ZI nòrd-oèst e connexion amb l'A621 cap a l'aeropòrt de Tolosa-Blanhac)
Sortida 30: Ponts Bessons (centre vila e subretot l'Universitat de Tolosa I Capitòli pel long del Canal de Brienne, la Gara de Tolosa Matabuòu pel long del Canal del Miègjorn)
Sortida 29: Purpan (CHR, le Zénith e connexion amb l'A624 cap a Colomièrs e Aush)
Sortida 27: La Cepièra (Rota de Sant Simon e subretot lo camp de corsas)
Sortida 26: La Faureta (Miralh e Papus, l'Universitat de Tolosa-Lo Miralh connexion amb la linha A del mètro)
Sortida 25: L'Anglada (ZI sud de la vila e connexion amb l'A64 cap a Tarba, Pau e Bascoat)
Sortida 24: En Palòt / La Crotz e Falgarda (Parc de las Exposicions, l'Estadi e lo centre vila pels cais de Garona)
Sortida 23: Ranguelh / Lo Busca (Universitat Tolosa III, CHU e connexion amb la linha B del mètro)
Sortida 21: Pont de las Domaisèlas (quartièrs residencials del sud-èst e la Gara de Tolosa Matabuòu long del canal del Miègjorn)
Sortida 20: L'Espinet / Complèxe scientific de Ranguelh (tecnopòla de Ranguelh ont i a CNES, Sup' Aero...)
Sortida 19: Lo Palais (Ramonvila e Sant Anha e l'Innopòla de Labeja e connexion amb l'A61 cap a Montpelhièr o amb la rocada èst)

La rocada èst: l'A61/A62

La rocada èst (o A61/A62) es una ligason entre A61 e A62 mesa en servici al començament dels ans 1990 per boclar l'anèl autorotièr permetent de contornar la vila de Tolosa. En primièr nomenat A612, lo tronçon foguèt renomat A621, puèi A61/62 quand la designacion A621 foguèt afectada a la via rapida Tolosa-Blanhac. Lo limit entre A61 e A62 es lo despart de l'A68 cap a Albi.

Es a 2×3 vias sus la totalitat de son percors e es concedit a las Autoroutes du Sud de la France. La majora partida de son traçat seguís la val d'Ers tèrme comunal entre Tolosa e Balmar.

Del sud al nòrd, lo periferic a uèit escambiadors:

Sortida 19: Lo Palais (Ramonvila e Sant Anha e l'Innopòla de Labeja e connexion amb l'A61 cap a Montpelhièr o amb lo periferic èst)
Sortida 18: Montaudran (ZI e quartièrs residencials del sud-èst)
Sortida 17: Las Bordas (Ciutat de l'Espaci e Balmar)
Sortida 16: Sopatard (quartièrs residencials de l'èst e Balmar)
Sortida 15: La Roseda (Gara de Tolosa Matabuòu per Bèlmont e connexion amb la linha A del mètro)
Sortida A68: Connexion amb l'A68 cap a Albi
Sortida 14: Crotz Daurada (L'Union)
Sortida 12: Los Isards (Nord de la vila, Aucamvila e connexion amb la linha B del mètro)

Luòcs sensibles

(los luòc d'engorgament e penjals dangieroses)

la dintrada sul periferic exterior (o oèst) en venent de Bordèu per l'A62. Aprèp lo peatge, la seccion mai estrecha e causa d'engorgament.
la bretèla permetent lo continuament del periferic exterior al nòrd de Tolosa.
l'A620 (periferic exterior) al nivèl de la sortida 25 (cap a A64), l'engorgament pòt remontar fins a la sortida 27
lo jonhent A620 - A624 dins ambedós senses.
la sortida 33 en venant del periferic interior. En mai, lo caireforc en naut de la bretèla es fòrça mal concebut per anar endadòm mai que cap a l'anciana N20 (o avenguda dels Estats Units)
Pendent las oras de punta en serrada, comptar entre 30 e 40 minutas per anar dels Ponts Bessons sortida n°30 a Empalot sortida n°24
e mai

De notar que lo mendre accident pendent las oras de puntas (7 h-9 h 30 e 16 h 30-19 h 30) provòca totjorn un engorgament sul periferic.

Amb 140 000 vehicules per jorn lo lindal d'una 2×3 vias es sovent passat.

Nòtas e referéncias

Vejatz tanben

Ligams extèrnes

(fr)Plan de la rocada sul site de la DIR Sud-Oèst
(fr)Site oficial de la vila: Toulouse-déplacements
(fr)alargiment del periferic
(fr)Esquipaments d'expleitacion sul Periferic
(fr)Toulouse.TraficUn site/blòg sul trafec Tolosan, en temps real, projèctes, e vida al quotidian.
(fr)A620 sus WikiSara

[1] PDF Arrêté préfectoral de réduction permanente de la vitesse sur le périphérique toulousain

[2] (fr)Contrat du Palays

[3] Présentation du projet

[1]

[2]

[3]