Donald Trump
| Donald Trump | |
 |
|
| Foncions | |
|---|---|
| 45en president dels Estats Units d'America | |
| 20 de genièr de 2017 – 20 de genièr de 2021 | |
| Predecessor | Barack Obama |
| Successor | Joe Biden |
| Biografia | |
| Data de naissença | 14 de junh de 1946 |
| Luòc de naissença | Queens, Nòva York |
modificar  |
|
Donald John Trump, Sr. (Barri de Queens, Nòva York, 14 de junh de 1946) es un milionari entrepreneire, personalitat mediatica e politician american. Es lo 45en president dels Estats Units d'America del 20 de genièr de 2017 al 20 de genièr de 2021.
Personatge controversat, venguèt famós per mantas realizacions mai o mens capitadas coma lo casino Trump Taj Mahal o l'Universitat Trump.
Lo 8 de novembre de 2016, ganhèt l'eleccion presidenciala fàcia a la candidata democrata Hillary Clinton. Sa filha, Ivanka Trump es demest los conselhièrs de la presidéncia.
Son temps coma president es estat enfosquit per divèrsas polemicas e afars judiciaris que lo mai important es l'escandal sonat Kremlingate.
Biografia
modificarNascut al Queens, filh d'un entrepreneire immobiliari de Nòva York,[1] es lo fondator de l'entrepresa Trump Entertainment Resorts.[2] Mentre qu'estudiava a l'Escòla de Negòcis Wharton de l'Universitat de Pennsilvània, trabalhèt a son entrepresa Elizabeth Trump & Son. En 1968 ne faguèt oficialament la Trump Organization.[3] Durant sa carrièra, Trump a bastit, renovat e gerit nombrosas torres de burèus, otèls, casinòs e camps de golf. Possediguèt los desfilats Miss USA e Miss Univèrs de 1996 a 2015, e a prestat l'ús de son nom a la marca de diverses produches. De 2004 a 2015 participèt a The Apprentice, un reality show de television sus NBC. En 2016, Forbes lo nomenèt la 324a persona pus rica del mond (113ena als Estats Units), amb una valor neta de $ 4.500 milions de dolars.[4]
En junh de 2015 anoncièt sa candidatura per las eleccions presidencialas de 2016 pel Partit Republican,[5] e venguèt lèu lèu lo candidat preferit dels republicans.[6] Un an après foguèt nominat formalament a la Convencion Republicana, amb Mike Pence coma companh de formula.[7] Sa campanha recebèt una cobèrtura mediatica sense precedents e una fòrta atencion internacionala. Fòrça de sas declaracions en entrevistas, ret socialas e mitings de campanha èran polemicas o falsas.[8][9]
Trump ganhèt las eleccions del 8 de novembre de 2016 contra la rival democrata Hillary Clinton.[10] La dintrada en foncion se faguèt lo 20 de genièr de 2017, e amb 70 ans, venguèt la persona pus atjada e pus rica a assumir la presidéncia, la primièra sense servici militar ni carrièra politica exercit anteriorament, e la cinquena d'aver perdut l'eleccion per vot popular.[11]
La plataforma de Trump aumenta la renegociacion de las relacions entre los Estats Units e China e los acòrds de liure comèrci coma lo TLCAN e l'Aliança Transpacifica, l'aplicacion de las leis d'immigracion e la construccion d'un nòu mur al larg de la frontièra entre Estats Units e Mèxic.[12][13][14][15] Sas autras posicions incluson obtenir l'independéncia energetica mentre que s'opausa a las regulacions del cambiament climatic coma lo Pla d'Energia Neta e l'Acòrd de París, la reforma dels afars dels veterans e la substitucion de la Lei de Proteccion del Pacient e dels suènhs accessibles al meteis temps que son reduits los impòsts en general e que son impausadas de tarifas a las importacions a las entrepresas que deslocalizan son trabalh. Plaideja per la non intervencion dins la politica exteriora, alara qu'aumenta las despensas militaras, las "investigacions extrèmas" subre los immigrants musulmans per evitar lo terrorisme islamista e una accion militara agressiva contra l'EI. Sas posicions son estat descritas coma populistas, proteccionistas e nacionalistas.[16][17]
| Precedit per | Donald Trump | Seguit per | |
| Barack Obama |
|
Joe Biden |
Referéncias
modificar- ↑ «Donald(John) Trump biography».
- ↑ Hoover's coverage by Diane Ramirez. «The Trump Organization information and related industry information from Hoover's United Kingdom (UK)». Hoovers.com, 2 de gener de 2008. [Consulta: 25 de juliol de 2015]
- ↑ «Donald Trump: Master Apprentice» (en anglés), 2005-01-01.
- ↑ «Donald Trump».
- ↑ «El milionari Donald Trump llança la seva candidatura a la Casa Blanca», 2015-06-16.
- ↑ «Donald Trump es queda sense rivals i ja es veu candidat a la Casa Blanca».
- ↑ «El discurs apocalíptic de Trump conclou la convenció republicana més histèrica». Nació Digital, 22/07/2016. [Consulta: 20 gener 2017]
- ↑ «Scope of Trump's falsehoods unprecedented for a modern presidential candidate». [Consulta: 2017-01-20]
- ↑ «A fact checker looked into 158 things Donald Trump said. 78 percent were false.». [Consulta: 20 de gener de 2017]
- ↑ «Trump conquista la Casa Blanca», 2016-11-09.
- ↑ «Donald Trump, presidente de los Estados Unidos».
- ↑ «Trump insisteix que Mèxic pagarà el mur a la frontera amb els EUA».
- ↑ «Propuestas de Clinton y Trump sobre inmigración ilegal | Mundo Hispanico», 2016-11-03.
- ↑ «Trump demana ara prohibir l'entrada als EUA a tots els musulmans».
- ↑ «De la sorpresa de Trump a l'ascens de la ultradreta», 2016-12-24.
- ↑ «Trump, un "outsider" amb un discurs populista que s'ha sabut fer un lloc als EUA». Corporació Catalana de Mitjans Audiovisuals, 11/11/2016. [Consulta: 20 gener 2017]
- ↑ «El FMI alerta contra el proteccionismo que agita Donald Trump», 2016-06-22.