Dobrir lo menú principal

GeneralitatsModificar

Son los acronims un fenomèn lingüistic recent, venguts corrents pendent lo sègle XX subretot dins l'ambient de la lenga anglesa e tanben del francés. Dins d'autras lengas l'emplec dels acronims pòt èsser mens popular coma per exemple en italian, a mai se d'unes son coneguts internacionalament coma FIAT.

Dins d'autras lengas l'estructura del mot fa de mal crear d'acronims coma dins lo cas del berbèr.

Los acronims s'emplegan fòrça dins los domenis tecnics, e aital d'unes mots qu'èran a la debuta d'acronims son venguts de mots de cada jorn e l'origina de son nom es estada doblidada. Es lo cas de lasèr (Light Amplification by Stimulated Emission of Radiation inicialament) o de radar (de l'anglés Radio Detection and Ranging) per exemple.

Los acronims venon de mai en mai emplegats dins la vida de cada jorn per designar las novèlas realitats administrativas, tecnicas o scientificas que nos environan. Dins l'estat francés qualqu'un pòt venir un SDF (Sans Domicile Fixe) aprèp un PACS (Pacte Civil de Solidarité) pas gaire capitat, demandar puèi lo RMI (Revenu Minimum d'Insertion) abans d'anar a l'ANPE (Agence Nationale pour l'Emploi).

Vejatz tanbenModificar