Camplong

Vilatge d'Occitània

Camplong o Camp Long (Camp-long, Camp-loung en grafia mistralenca; Camplong en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Camplong Camplong
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Geografia fisica
Coordenadas	43° 40′ 25″ N, 3° 07′ 09″ E
Superfícia	13,25 km²
Altituds  · Maximala  · Mejana  · Minimala	882 m 320 m 264 m
Geografia politica
País	Lengadòc
Estat	França
Region 76	Occitània
Departament 34	Erau
Arrondiment 341	Arrondiment de Besièrs
Canton 3403	Clarmont d'Erau (Bedarius abans 2015)
Intercom 243400538	CC de Grand Òrb
Cònsol	Bernard Coste (2020-2026)
Geografia umana
Populacion Populacion totala (2018)	232 ab. Evolucion de la populacion 236 ab.
Densitat	18,11 ab./km²
Autras informacions
Gentilici	camplonés -esa camplonais -aise
Còde postal	34260
Còde INSEE	34049

Lo gentilici es camplonés -esa (fr camplonais -aise).

Geografia

La comuna es situada al nord de Bedarius dins los cantons nauts d'Erau , entre las comunas de La Torre d'Òrb, Lo Bosquet d'Òrb, Avèna e Graisseçac.

Comunas a l'entorn.

Perimètre del territòri

Comunas confrontantas de Camplong

	Avèna	Lo Bosquet d'Òrb
Graisseçac
Sant Estève d'Estrechós		La Torre d'Òrb

Toponimia

Las fòrmas ancianas son : Beate Marie de Campo Longo en 1396, S. Marie de Champlong en 1518, Caplong en 1643, l'eglise et le village de Camplong en 1740-1760, Camplong en 1770-72 (mapa de Cassini); i a benlèu d'autras fòrmas ancianas, mas es pas aisit de las despartir entre los omonimes.

Lo nom es motivat per la preséncia d'un camp de fòrma alongada. La nocion de camp long demanda pas de traduccion, quitament s'avèm pas de precisions sus aquel camp. Es lo meteis nom que Camplong d'Aude, que Cablong (aqueste evolucionat), que los Campolongo d'Itàlia, que los Campo Largo d'America Latina (amb una diferéncia de vocabulari), etc.

Istòria

Formacion del territòri

• En l'an III, Camplong, que dependiá de la comunautat de Boçagas (nom probable), venguèt comuna;
• En 1844, lo nòrd-èst de Camplong foguèt donat a la novèla comuna de Sant Martin d'Òrb (Lunaç donèt a Sant Martin d'Òrb una autra partida, mens importanta); Sant Martin d'Òrb venguèt en 1881 Lo Bosquet d'Òrb, quand sa capitala passèt de Sant Martin de Clemençan al Bosquet ;
• En 1859, la seccion de Graisseçac, a l'oèst, venguèt comuna (sembla que i aja una error sul siti Cassini , que fa de Graisseçac una partida de La Torre d'Òrb, en realitat, a l'epòca, de Boçagas);
• En 1900, ne foguèt aital per la seccion de Murçan (nom supausat), al sud-oèst que venguèt la comuna de Sant Estève d'Estrechós .

Administracion

Lista dels cònsols successius

Periòde		Identitat	Etiqueta	Qualitat
2001	2026	Bernard Coste	sense etiqueta	retirat
	2001
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna èra del canton de Bedarius; es ara del canton de Clarmont d'Erau.

Demografia

Evolucion demografica Populacion comunala actuala (2013): 240, totala: 245
1793	1800	1806	1821	1831	1836	1841	1846	1851
1 840	2 041	2 242	2 229	2 515	2 580	2 550	1 848	1 937
1856	1861	1866	1872	1876	1881	1886	1891	1896
1 890	923	1 232	1 336	1 584	1 685	1 719	1 902	1 562
1901	1906	1911	1921	1926	1931	1936	1946	1954
600	615	574	546	561	614	596	612	615
1962	1968	1975	1982	1990	1999	2006	2007	2008
514	348	305	251	241	187	234	234	236 242
2009	2010
239 245	241 249
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• L'evolucion de la populacion s'explica en partida per las pèrdas de territòri de 1844, 1859 e 1900 (veire Istòria) e per las peripecias de l'extraccion carbonièra.
• En 2018 la populacion èra de 232 abitants e la densitat èra de 17,51 ab/km².

Luòcs e monuments

• Capèla Sant Salvador del puòg del sègle XII
• Crotz del sègle XII o XIII
• Crotz dels sègles XVII e XVIII
• Potz Durand que fasiá partida dels dètz poses de carbon de pèira de Graisseçac
• Monument dels mòrts en pèiras del país.

Personalitats ligadas amb la comuna

• Ferdinand Fabre que passèt la seuna enfantesa en çò del seu oncle, curat de la parròquia.
• Denis Bosquet dich Boqueto, escalpraire a bastit lo monument dels mòrts après la granda guèrra.

Veire tanben

• Comunas d'Erau