Selhas e Rocosèls

Selhas e Rocosèls (forma compausada; dèu finir en -s segon las autras grafias), Selha (e Rocosèls)^[3] o Celhas e Recosèls^[2] (Ceio, Celhos^[4] e Roucasèu^[5] en grafia mistralenca; Ceilhes-et-Rocozels en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Selha e Rocosèls
Ceilhes-et-Rocozels

Selha

Armas

Geografia fisica

Coordenadas

43° 48′ 16″ N, 3° 06′ 41″ E

Superfícia

27,82 km²

Altituds
· Maximala
· Mejana
· Minimala

821 m
440 m
426 m

Geografia politica

Lengadòc

França

Besièrs (dempuèi 2017 ^[1])

Canton
3416

Clarmont d'Erau (Lunaç abans 2015)

Intercom
243400777

CC de Grand Òrb

Cònsol

Fabien Soulage
(2020-2026)

Geografia umana

Populacion
Populacion totala
(2018)

326 ab.

Evolucion de la populacion

331 ab.

Densitat

11 ab./km²

Autras informacions

Gentilici

selhòl/celhòl -òla^[2].

Còde postal

34260

Còde INSEE

34071

Lo gentilici es selhòl/celhòl -òla^[2].

Geografia

Perimètre del territòri

Comunas confrontantas de **Selha e Rocosèls**
	Fondamenta (Avairon)	Tiudaç
Montanhòl (Avairon)		Jaucèls
Tauriac de Camarés (Avairon)	Avena

Toponimia

Selha

La prononciacion es ['seʎo] (Dedet) o ['sejě] (André Cabrol e Frank Hamlin). Las fòrmas ancianas son : Raimundi Guilelmi de Silias en 1101, ecclesiam S. Johannis de Silias en 1135, prior de Celliis, vicarius de Siliis en 1323, prior de Silvis, de Siliis en 1351, de Sillis, sense data, prieur de Celhes en 1571, 1590, Séilles en 1613, Seilhes en 1648, le Bourg de Ceilles en 1740-60, Ceilles en 1740-60, 1771, Ceilhes en 1774-75 (mapa de Cassini)^[6].

Segon Dauzat e Rostanh, lo nom vendriá del nom d'òme latin Sellius amb sufixe latin -anum, puèi reculament de l'accent^[7] : auriá donat a l'Edat mejana quicom coma *Selha(n), amb -n- mut, donc *Selhà, puèi l'accent se seriá portat sur la primièra sillaba (cf. Sant Africa).
Segon Hamlin, lo nom deriva del latin vulgar siligo sinonim del latin classic secalem « segal »^[6].

Rocosèls

La prononciacion es [roko'zèls]. Las fòrmas ancianas son : castro Rochosello en 1031-1060, Guido de Rocosel en 1153, Raimundus de Rocosell en 1160, Willermi de Rocosello en 1170, capelli castri de Rocosello en 1180, Guillem de Cocosel [legir : R-] en 1184, Guillelmus de Rocosello en 1188, Guillelmi de Rocosello en 1190, ante Rocosellum, sense data [sègle XII ?], minariis et terra de Rocosello en 1247-48, rector de Rocosell en 1323, Astulpho de Roquosello, Astolphe de Rocosel, Garcens de Rocozel en 1334, de Rocasello en 1344, de Rocozellis en 1351, de Rocosello en 1361, de Rocares en 1529, prieur de Rocarel en 1571, Roucouzel en 1613, Rocquosels, Roquezels en 1740-60, Rocosel en 1759, 1774-75 (mapa de Cassini). Rocosèls deriva de l'occitan rocós amb un sufix diminutiu -el. Al sègle XVI apareis una tendéncia al rotacisme (-z- > -r-), travada après^[8].

Fòrmas ancianas tiradas del diccionari topografic d'Eugène Thomas - Castrum Rochosellum en 1031; castro de Rochosello en 1031; Mansus de Rocaelnosa en 1112; El mas del Rocadel en 1116; Mansus Rocoz en 1123; Willermi de Rocosello en 1170; capelli castri de Rocosello en 1180; Rocozellum en 1220; Rector de Rocosellis en 1323; rector de Rocoseli en 1323; prieur de Rocarel en 1571^[9]; Roquesels en 1625; Roqueselz en 1649^[10].
Masatge^[11].

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius
Periòde		Identitat	Etiqueta
març de 2014	2026	Fabien Soulage
decembre de 2005	2014	Jacques Cambon
1997	2005	Ahmed Abdelkader ^[12]	divèrs esquèrra
1989	1997	Henri Audoli
1971	1989	Fernand Durand
1965	1971	Roger Allegre
1947	1965	Aloïs Cambon
1912	1944	Marius Benavenq
	1912
Totas las donadas non son pas encara conegudas.