Rems

Rems (Reims en francés) es una vila francesa situada dins la region Grand Èst e lo departament de Marna.

Rems
Reims

L'otèl de vila.

Armas

Geografia fisica

Coordenadas

49° 15′ 46″ N, 4° 02′ 05″ E

Superfícia

47,02 km²

Altituds
· Maximala
· Minimala

135 m
80 m

Geografia politica

França

Rems

Capluòc de 9 cantons

Arnaud Robinet (2020-2026)

Geografia umana

Autras informacions

Gentilici

remés -esa
Rémois (en francés)

51100

Amb 182 211 abitants en 2018, Rems es la dotzena comuna de França per sa populacion. Es de luenh la vila pus poblada de Marna, mas n'es pas lo capluòc. Châlons-en-Champagne auriá pres aquela plaça durant la Revolucion francesa per la volontat dels parlementaris revolucionaris d'escafar l'importància istorica de Rems, vila dels sacres, car Châlons èra lo sètge dels intendents de Champanha pendent lo Regim Ancian e de per sa posicion centrala dins lo departament. Rems es aital la sosprefectura pus poblada de França e la comuna pus poblada del país qu'es pas la prefectura del departament.

La vila es escaissada "ciutat dels sacres" o "ciutat dels reis". D'efièit, es sul futur emplaçament de la catedrala de Nòstra Dòna de Rems que Clovís foguèt batejat per Sant Remèdi e que foguèron sagrats un grand nombre de reis carolingians puèi capecians pendent mai de detz sègles de Loís lo Piós en 816 fins a Carles X en 1825. En mai de la catedrala, le patrimòni cultural e istoric de Rems es important ; comporta nombroses monuments istorics e façadas Art déco. Gràcia tanben a sas nombrosas manifestacions culturalas, foguèt designada Vila d'Art e d'Istòria e compta tres sites marcats sus la lista del patrimòni mondial de l'UNESCO.

Lo vin de Champanha, inventat al sègle XVIIen per Dom Pérignon al monastèri d'Hautvillers prèp d'Épernay, constituís un dels atots istorics de l'economia remesa. Comuna en limit occidental de la Champanha gredosa, gaudís d'una posicion privilegiada a la lisièra del Bacin parisenc, especialament en rason de sa situacion suls aisses París - Estrasborg (TGV e autorota A4) e mar del Nòrd-Mediterranèa e de la proximitat d'Alemanha, de Belgica e de Luxemborg.