Departament de Marna
Marna (en francés la Marne) es un departament de França dins la region del Grand Èst. L'Insee e la Pòsta li atribuisson lo còde 51. Sa prefectura es Châlons-en-Champagne e sa pus granda vila es Rems.
Marne (fr) | |
| |
Nom oficial | Marne (fr)[1] |
---|---|
Entitat | departament francés |
Eponim | Marna |
Administracion | |
Estat | França |
Division territoriala francesa | França metropolitana |
Region francesa | Grand Èst |
País | Champanha |
Capitala | Châlons-en-Champagne |
Geografia | |
Coordenadas | 49° 00′ N, 4° 15′ E |
Superfícia | 8 162 km² |
Limitròf amb | Auba Ardenas Mòsa Aisne Sèina e Marna Nauta Marna |
Punt culminant | Mont Sinaï (ca) (286 m) |
Fus orari | UTC+01:00 (ora estandard) UTC+02:00 (ora d'estiu) |
Demografia | |
• Totala | 565 292[2] ab. (1 de genièr de 2021 ) |
• Densitat | 69,26 ab./km² |
Autras informacions | |
ISO 3166-2 | FR-51 |
Sit web | marne.pref.gouv.fr |
Geografia modificar
Marna es situada en region Grand Èst, après aver fait partit de la region Champanha-Ardena fins en 2016. Confronta los departaments de las Ardenas (al nòrd), de Mòsa (a l'èst), de la Nauta Marna (al sud-èst), d'Auba (al sud), de Sèina e Marna (al sud-oèst) e d'Aisne (a l'oèst).
Lo departament deu son nom a la ribièra del meteis nom que lo travèrsa, del sud-èst cap a l'oèst.
La superfícia del departament es d'aperaquí 816 200 ectaras, siá 8 162 km2, çò que na fa lo seten departament metropolitan pus vast. Marna mesura 116 km de longor, de Villeneuve-la-Lionne (canton d'Esternay) a Trois-Fontaines-l'Abbaye (canton de Thiéblemont), e 97 km de largor, de Cormicy (canton de Bourgogne) a Clesles (canton d'Anglure).
Marna se devesís geograficament en tres partidas principalas. Al centre del departament se trapa la plana champenesa o Champanha gredosa, mai que mai cobèrta de camps de cerealas. L'Oèst de departament es ocupat pel vinhal de Champanha e los relèus de la Còsta champenesa e de la Montanha de Rems, ont se situa lo punt culminant del departament, lo Mont Sinai, a 286 m d'altitud. À l'èst, lo paisatge es compausat de pueges basses especialamment dins las regions d'Argonne e de Perthois.
- ↑ Afirmat dins: Còdi Oficial Geografic.
- ↑ Afirmat dins: Populations légales 2021. Data de publicacion: 28 de decembre de 2023. Ostal d'edicion: Institut Nacional de l'Estatistica e dels Estudis Economics.