Pleus

Pleus^[1]^,^[2] o Plèus es una comuna auvernhata d'Occitània, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Pleus
Pleaux

La glèisa de Sant Joan Baptista de Pleus.

Armas

Geografia fisica

Coordenadas

45° 08′ 08″ N, 2° 13′ 38″ E

Superfícia

92,39 km²

Altituds
· Maximala
· Mejana
· Minimala

765 m
631 m
264 m

Geografia politica

País

Auvèrnhe

Estat

França

Region
84

Auvèrnhe-Ròse-Aups, ancianament d'Auvèrnhe

Departament
15

Cantal

Arrondiment
152

Arrondiment de Mauriac

Canton
1514

de Mauriac, ancianament de Pleus (chapluòc)

Intercom
241501139

Comunautat de comunas del País de Salèrn

Cònsol

Christian Lafarge
(2014-2020)

Geografia umana

Populacion
Populacion totala
(2018)

1 475 ab.

Evolucion de la populacion

1 511 ab.

Densitat

16,68 ab./km²

Autras informacions

Còde postal

15700

Còde INSEE

15153

Geografia

Aquesta seccion es voida, pas pro detalhada o incompleta. Vòstra ajuda es benvenguda !

Maròna o la Maròna (article facultatiu, al mens a Barriac) es al limit sud de la comuna. Sembla que non se dija pas *Marona : [ma'rɔnə] (a Ascoralha), [ma'rɔna] (a Barriac, mas l'informator ven de Corresa, a 20 km) ^[3].

Comunas vesinas

Distanças e posicion relativa

Pleus

Barriac (2,8 km)

Rilhac de Sentria (4,2 km)

Chaucinac (6,3 km)

Sent Julian al Bois (6,8 km)

Sant Martin de Chantalés (7,4 km)

Ali (8,2 km)

Arnac (8,2 km)

Brajac (9,2 km)

Ascoralha (9,2 km)

Auriac (9,8 km)

Sent Privat (9,9 km)

Perimètre del territòri

Lo territòri de la comuna es discontinú, dempueis la fusion amb Tornhac en 1973, separat de la resta per Barriac e Rilhac de Sentria.

Partida principala, sense Tornhac

Comunas confrontantas de **Pleus**
Rilhac de Sentria (Corresa)		Barriac
Sent Julian al Bois(Corresa)		Chaucinac
Cròs de Montverd (Corresa)	Arnac	Sant Martin de Chantalés

Tornhac

Comunas confrontantas de Tornhac *(comuna de Pleus)*
Sorçac (Corresa)	Chalvinhac	Brajac
		Chaucinac
Rilhac de Sentria (Corresa)		Barriac

Toponimia

Las fòrmas ancianas son Curiam de Pleuix cum ecclesiis suis in Arvernensi pago en 783, citat per Joan Pèire Chambon ^[1], Plous, en 1273, Plieus, en 1275, Villafrancha de Pleus, en 1294, Pluous, en 1316, Castrum Plodii, latinizacion de 1464, Plieux, en 1470, Plious, en 1471, Plodium, latinizacion de 1502, Pleoux, en 1535, Pleus, en 1612, Pleux, en 1622, Pléaux, en 1636, Plaus, en 1673, Plaux, en 1683, Ploaus, en 1693, Pliaux, en 1695 ^[4]. Dauzat e Rostaing interprètan, amb de dobtes, lo nom coma pleu, mot d'« ancian provençal » qu'aviá lo sens de « garantida, caucion » ^[5]. Mas l'origina, basada sus la fòrma de 783, seriá pusleu lo latin tardiu plebs, sotz la fòrma plebes (vengut pleves escrit plevis, qu'aviá lo sens de « gleisa baptismala publica », pueis de « paròcha » (Chambon ^[1], Bénédicte Boyrie-Fénié e Jean-Jacques Fénié ^[6]. La prononciacion notada a l'epòca de l'ALF èra [plᵋˈɔ] ^[7], çò que, amb l'ajuda de las fòrmas ancianas, que dison pas res de l'obertura de -e-, se poiriá grafiar Plèus, mas Edmond Edmont èra pas capable de far la diferéncia entre è e e en sillaba travada e o notava tot coma è, a l'exemple del francés. La prononciacion relevada a Barriac, a Ascoralha e a Chaucinac es [plew] ^[3].

Enchanet (vialatge e barratge al sud-oèst de la comuna). La prononciacion relevada a Chaucinac es [in tsa'ni] ^[3]. Al mens per la darreira sillaba, la realizacion [i] del fonèma /e/ tonic es regulara en Auvèrnhe naut. Las fòrmas ancianas son Enclaus, en 1647, Enchanes, en 1653, Anchanet,en 1655, Enchane, en 1656, Enchanet, en 1672, Jonchanet, en 1673, Enchanot, en 1743, Enchanel (mapa de Cassini, fin del sègle XVIII). La posicion del vialatge sus un replanat favoriza pas una explicacion del nom per un diminutiu de l'occitan cana, del latin canna, que marcariá un luòc plen de canavèras.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Lo 1èir de genèir 1973, Lopiac, en francés Loupiac, Sent Cristòfol, en francés Saint-Christophe-les-Gorges e Tornhac, en francés Tourniac, fuguèron annexats a Pleus e venguèron de comunas associadas^[8]^,^[9]^,^[10]^,^[11].

Administracion

Lista dels cònsols successius
Periòde		Identitat	Etiqueta	Qualitat
març 2014	2020	Christian Lafarge	divèrs esquèrra	emplejat
2001	2014	Marc Sepchat	divèrs dreita
1971	2001	Jean Chanut	RPR
1947	1971	Albert Gramont
1945	1947	Albert Jean Chanut
1944	1945	Jean-Louis Delprat
1943	1944	Marie Jules Mialaret
1940	1943	Pierre François Rouchy
1925	1940	Jacques Joseph Chancel
1912	1925	Alexandre Champeil
1908	1912	Charles Parlange
1893	1908	Gustave Jean Joanny
1878	1893	François-Xavier Calvinhac
1875	1878	Charles Benoit Naudet
1865	1875	Vincent Marius Pagès
1843	1865	Jean Antoine Claux
1831	1843	Jean Joseph Chantegreil
1830	1831	Jean-Baptiste Lombard
1816	1830	Joseph Dapeyron-Doumis
1814	1816	Antoine Pomié
1802	1814	Antoine Manilèbe
1800	1802	Marie Jacques Biard
1793	1800	Julien Puiramond
1792	1793	Antoine Manilèbe ^[12]
Totas las donadas non son pas encara conegudas.